你對巴士興趣近期有沒有冷卻?

早已過了冷卻期，現在是穩定期。

原帖由 daiteioh 於 2006-12-8 19:20 發表
從前多數喜愛遊牛河,不過開始有些悶,開始少了遊河,
近期開始留意關心社區事務,沒有對巴士那份熱愛,
小弟幼年時常常可以坐熱狗,想起來真是幸福 ,
不過隨即熱狗少了,多坐冷馬,真是慨嘆........
遲些三四年後 ...

感覺同你一樣，以前鐘意出山長水遠遊70、76k、77k、92、94，而家。。。唉~~~

有時都會去東涌、機場接放工，咁咪帶埋相機腳架影番幾張。。。

而家鐘意影旅遊巴和船，影下風景咁。。。

我而家對巴士興趣已經有 d 冷卻
其一係自己已經唔多鍾意 d 新車 + 熱狗數目不斷減少
其二就係而家實在太多巴迷界敗類係到

而家就算出去影巴士 + 遊巴士河
都係遊熱狗河為上
同埋以影熱狗 , 銀柱龍 , AL 為先
因為自己真係快 d 想儲晒現役熱狗 , 銀柱龍同埋 AL 全集
儲晒上述全集既話
我應該都會退出巴士拍攝行列
費事再比果班敗類影衰我地呢班正當巴迷

本來我都想開篇文抒發自己對巴士喜愛的興與衰,但被樓主捷足先登開了

我對巴士的熱情可以說減退了,形式也轉變了,從前的我會不斷影3BL、3N、ME等熱狗,總之有幾多影幾多,因為
日後可能未有機會再影,我影巴士都影了7年了 期間看到的是:從前的巴迷很「乖」的,縱然自己未能最快影到
目標巴士,但都會等候一陣先再影 情況在03年AL1行271那次可看到 到了現在的巴敗確實另我對巴迷界愈來
愈失望,從他們竟然夠擔上AVBW1上亂攪電牌、影唔到AVBE1@6C就向途人爆粗、到傑出巴士選舉(他們係影人,
唔係影巴士 仲要係鄰版睇到有人post有兩個受害者上鏡,條友係未有精神病ga佢地仲要比人指指點點,真
係可憐 )他們的所作所為太令我驚嚇,變質變得太離譜啦 連上italk都經常看到一些「廢post」(希望版主明白
我不是針對任何人),真係令我

現在的我在學業上已十分繁忙,預科的課程與會考不是同一回事,更何況要讀3AL 我會享受搭巴士多過影巴
士,要影巴士非要在假期才做不可,就算去得成都先要溫習完先好去啦 希望他日影巴士0個時唔會見到一些
更奇特的事啦~

[ 本帖最後由 ATR83 於 2006-12-9 13:18 編輯 ]

冇左中巴之後就減退晒...
宜家 DA都開始賣...
真係好懷念搭中巴
遊車河 DS@2.. LV @ 4,80,81,82,84,88,781..etc.
特別係搭 88,781 由中環搭去 柴灣..好正!

原帖由 238X 於 2006-12-9 00:28 發表
其實人大左就多左野諗，熱情總會有冷卻，
並唔係咩咁大不了。

正如呢個世界都唔係對對夫妻到左七老八十
都仲係咁恩愛喇。

同意你既講法
有好多人年青時有好多興趣, 到左長大後熱情總會冷卻
大多因為工作/學業所用既時間多左
亦都多左交際應酬, 或者係談情說愛
加上體力比年青時差左D, 無咁好精神再鑽研自己既興趣

好多巴士迷既熱情冷卻都係因為咁
就好似鍾意踢波既人年紀大左都會踢少D波, 因為無咁多時間同精力

反而我覺得巴士迷敗類(下稱巴敗), 就唔係令巴迷熱情減退既主因
至少我大部份朋友都未聽過巴敗既事跡
巴士迷呢個名唔係想像中咁臭
有時反而因為自己識多D路, 教朋友搭車, 而幫到人
一般巴迷熱情冷卻既原因, 我估都係不外乎上面講既原因: 年紀大左
巴敗頂多只會係次要既因素吧

原帖由 HV7025 於 2006-12-9 17:52 發表

同意你既講法
有好多人年青時有好多興趣, 到左長大後熱情總會冷卻
大多因為工作/學業所用既時間多左
亦都多左交際應酬, 或者係談情說愛
加上體力比年青時差左D, 無咁好精神再鑽研自己既興趣

好多巴士迷 ...

每個人有唔同既原因, 你可能未遇到過巴敗, 所以未領教過佢地既"利害"!

小弟影左十幾年相, 都要買佢地怕; 人地問我係咪巴迷, 我都唔敢認! 因為, 普遍既人都已經認定鍾意巴士=唔多正常!(冇呃你或者吹水!)

雖然話就話乜野巴敗橫行,
但我又覺得人地做咩同我無關,(唔騷擾我就得)
自己/朋友知自己唔係果類人咪得囉,
冇理由為左人地少少無關痛癢野,
郁D就話要退出要乜,
咁講似乎只係想同佢地劃清界線多D...
到你見到自己好喜歡既線/車有正野出現,
(有機會的話)咪又係一樣仆到去影,
只不過o係呢個"世代"已經好少遇到呢D情況咁解,
有你又話要讀書要剩都冇得影冇得坐,咁又冇癮喇,
呢個先係令人冷卻熱情既主因...

而家熱狗少左,
一方面縮窄搜尋範圍,
一方面積極開拓新市場(例如某D路線既猛人,猛車)
其實都唔錯姐,
無可否認最輝煌燦爛既巴士年代都可算係過去左,
但呢個「時代既巨"龍"不斷走」,
每一個時代都有好多野要淘汰,
"現代人"認識既就話中巴,ME...
上一代果D又會話九記寶,中巴LX,XF,黃老太也好之類,
咁佢地又要退出哂??
舊野始終都要被淘汰,
與其話要退出要唔理,
何不掉轉理多D,(有時間/能力的話)影多D坐多D,
o係餘下時間多加珍惜呢?!

原帖由 ME1_CZ6686 於 2006-12-10 11:35 發表
雖然話就話乜野巴敗橫行,
但我又覺得人地做咩同我無關,(唔騷擾我就得)
自己/朋友知自己唔係果類人咪得囉,
冇理由為左人地少少無關痛癢野,
郁D就話要退出要乜,
咁講似乎只係想同佢地劃清界線多D...
到你見 ...

我都係咁話
只要自己對得住天地良心, 自問唔係果類劣人就得啦
姐係好似商家咁, 呢個世界有唔少奸商, 但正常既商人唔通要因為唔想被奸商影衰, 而結束自己既業務咩
只要自己行得正企得正, 人地就會用正當既眼光望你, 唔會被影衰
可能各位走出去影巴士時都受過奇異既目光
但我覺得呢D目光大部份係因為一般人好少見有人影巴士, 覺得奇怪, 所以望多兩眼
而唔係因為佢地歧視你地D巴士迷

我大部份朋友都知道我對巴士有研究
人地問我係咪「巴士迷」, 我會直認不諱
因為我覺得做朋友既野連呢D野都暪既話, 未免有點兒虛假
而且佢地亦都唔覺得呢樣嚐好有咩問題, 咁根本唔需要唔認

原帖由 ASV66 於 2006-12-10 10:22 發表


每個人有唔同既原因, 你可能未遇到過巴敗, 所以未領教過佢地既"利害"!

小弟影左十幾年相, 都要買佢地怕; 人地問我係咪巴迷, 我都唔敢認! 因為, 普遍既人都已經認定鍾意巴士=唔多正常!(冇呃你或 ...

我都領教過...
我都有企o係正常位置影相被巴敗鬧既經驗

不過呢個世界咩人都有, 有時D野睇化D好D
我個人認為我對巴士有興趣, 而唔係對巴士迷有興趣
咁其他巴士迷做咩跟本唔關我事, who cares?!


我認識既其他人大部份都唔會覺得鍾意巴士=唔正常喎
如果真係有人咁睇既, 咁其實佢地先係唔正常, 咪理佢地啦