舊相獻給你：坡柴

原帖由 AC4764 於 2007-6-3 01:58 發表
翻新使咗45萬，仲未計車價喎！如果考慮埋坡柴的服役時間咁短，就似乎物非所值。

當年城巴突然食左一大堆中巴線﹐根本無可能搵到足夠的車來行。

當時城巴已經即時落order訂車﹐車廠都已經優先處理訂單﹐務求快一些交貨﹐但城巴及車廠都明白無可能提供足夠車輛去服務市民的。

同時﹐當年熱狗服務也是主力﹐故此必須有熱狗車﹐否則政府及區議會都唔會批准的。但空調化是城巴目標之一﹐假如買一批全新熱狗去營運數年﹐更加唔乎合經濟效益。雖則可以二手賣出全新熱狗﹐但是計算折舊後﹐都係得不償失。

當年﹐第一次接手中巴的巴士線﹐已經出現唔夠車行﹐要政府幫忙及四出租車。不少經典圖片都在 B3 版出現過﹐嶼巴的雞車及鐵巴的mcw行一些南區線。


在城巴計劃入面﹐已經預計用數年後﹐再把此批二手車再賣出﹐因此他們都用一個比較貴的方式去番新﹐務求再賣出時有一個好價錢。


在城巴第2次食中巴線時﹐已經有足夠的後備車﹐以及有足夠時間去訂新車﹐故此都不需要外援車。而新巴也在政府幫忙下﹐收購了中巴大部份的巴士﹐才不致沒有足夠的車去服務。

當時新巴的英國老闆﹐第一集團已經抽調部份英國order的新車(英國本土用的新車)去香港應付新公司的所需用車。

不過呢批車退役後
只係有一半售出
其餘一半拆得就拆
再唔係變左做幅牆
似乎整容之後出黎 0既銷情都唔係太理想咋喎
至少英國無食過一部

原帖由 1005 於 2007-6-3 10:57 發表
不過呢批車退役後
只係有一半售出
其餘一半拆得就拆
再唔係變左做幅牆
似乎整容之後出黎 0既銷情都唔係太理想咋喎
至少英國無食過一部 ...

咁賣得出嗰一半賣咗去邊牙 ??
THZ

原帖由 1005 於 2007-6-3 10:57 發表
不過呢批車退役後
只係有一半售出
其餘一半拆得就拆
再唔係變左做幅牆
似乎整容之後出黎 0既銷情都唔係太理想咋喎
至少英國無食過一部 ...

賣到一半已經唔錯啦

始終批車已經年事已高﹐同時環保開始成為一個因素﹐故此先進國家已經唔會考慮。英國本土公司要大量的車﹐也沒有需求。而big bus只係對11米以上的巴士有興趣﹐不過﹐當年又未大攪﹐批黃老太車身又唔係大﹐改成開頂車都唔值。

只有一些發展中國家(主要係非洲)﹐經濟唔好﹐沒有錢去買新車﹐才會去買二手車﹐但財力問題﹐都唔會買到太多。

原帖由 citybus_#918 於 2007-6-3 11:07 發表


咁賣得出嗰一半賣咗去邊牙 ??
THZ

大約1996年，城巴賣左部份坡柴去左開普敦，
但當批車去到當地之後返而唔覺批車有行過。

查實批車去到開普敦之後發生過咩事，點解買左批
車返黎後又唔拎出黎行呢？

原帖由 grantbus 於 2007-6-3 16:41 發表


大約1996年，城巴賣左部份坡柴去左開普敦，
但當批車去到當地之後返而唔覺批車有行過。

查實批車去到開普敦之後發生過咩事，點解買左批
車返黎後又唔拎出黎行呢？ ...

之前好似有人提過批車最終有行到
http://www.sa-transport.co.za/buses_and_coaches/e-cape/leyland_atlantean_pe_dc06.JPG

原帖由 grantbus 於 2007-6-3 00:16 發表
如果翻新一部坡柴要四十五萬，似乎"拿利"左D喎，
不過剩係換個新頭幅都唔平，仲要成架車由頭拆到
落尾，剩番棚骨，之後再大執過，呢45萬真係岩岩好。 ...

起馬呃到D人以為係新車先ar.....
45萬一架"新"車....抵

原帖由 kei_hk 於 2007-6-3 10:51 發表


當時新巴的英國老闆﹐第一集團已經抽調部份英國order的新車(英國本土用的新車)去香港應付新公司的所需用車。

第一集團咁大架公司....就算中巴果邊傾唔掂數....都可以係英國囉DD黎用姐....

原帖由 DK704_3N133 於 2007-6-3 17:07 發表


第一集團咁大架公司....就算中巴果邊傾唔掂數....都可以係英國囉DD黎用姐....

唔好當英國運車過來是一件容易的事 一部半部唔係難﹐或者一些已退役/未投入服務的車﹐不會影響服務都唔係難。但幾十部已經投入服的巴士﹐會令本身的服務都受影響。

運車來香港﹐數目少又幫唔到手﹐唔乎合經營效益。數目多又影響自己的營運﹐所以又係行唔通。

當年﹐第一集團只係把車廠未交貨/剛交貨但未投入服務的全新車取來香港﹐並非帶批二手車過來﹐即係新巴向第一集團買新車﹐第一集團簡單來說係把訂單轉移給新巴。

原帖由 Alx3000 於 2007-6-3 16:52 發表
之前好似有人提過批車最終有行到

頭幅又換一次？連駕駛室也重建了。