大圍迥旋處丶美田路丶紅梅谷路兩繁交通及巴士線設置討論

今晚19:05左右搭82K美林方向, 經過大圍迥旋處, 塞得好恐怖。

青沙D車不停湧落來, 美田路D車完全出唔到, 大部分青沙車都右轉紅梅谷路, 世界花園支燈因為早幾年增設右轉燈, 變左紅燈時間長左, 兩繁塞返出迥旋處, 頂死晒美田路D車 (如果無搞支燈, 應該只會車流大但唔塞)

果陣巴士線時間剛完結, 巴士線已經塞到唔郁得 (D車一早偷晒雞), 紅梅谷路左轉獅隧公路條支路得一條線, 上到去仲同主線車一齊迫。田心街右轉上世界花園都有車滯留。新翠直上世界花園, 直行綠燈每轉幾乎要等到紅燈先郁到十架八架車。果堆青沙馬鞍山特快線就咁塞晒喺度, 大幅影響行車時間, 唔知應該黠改善呢?

1. 將巴士專線改至7點半完結有無幫助?
2. 美田路慢線改為只准左轉車公廟路? 確保左轉車輛不太受交通影響
3. 美田路由海福花園起, 慢線改為下繁巴士專線?
4. 強制紅梅谷道不得右轉世界花園, 一定要兜上旅遊巴停車場調頭
5. 大圍迥旋處增設紅綠燈?

印象好似並不是經常發生這情況，8點前必回復正常
另外，八爪魚橋迴旋處嚴重塞車都唔關大圍事，主要係埔公車龍成功倒灌入青沙（沙田嶺隧道）趕青沙曬堆車落大圍再上獅隧。如果儘量疏導青沙車上獅隧公路，就會輪到獅隧塞車，只係將問題轉移左去第二度

今晚是塞車, 因為獅子山隧道公路往沙田方向近紅梅谷路發生交通意外。平時隔田村有TA都是例塞返落紅梅谷路。

今晚980X 18:37班車, 都要1950先返到烏溪沙站。

講開大圍迴旋處, 順便講埋20/4區議會都會討論大圍迴旋處的交通改善措施, 詳情請參考以下文件。

https://www.districtcouncils.gov ... TTC/19593/TT004.pdf

https://www.districtcouncils.gov ... TC/19593/Annex4.pdf

呢個位下繁時間經常塞車（尤其美田路）。大部分車都係紅梅谷路/青沙出口入然後大圍站/紅梅谷路出迴旋處，所以美田路d車已經不容易找機會入迴旋處。
再加上大圍站小巴/巴士/的士站唯一出口喺美田路，更加惡化塞車嘅情況，最嚴重時候塞到過埋珀玥近大埔公路口

tatl 發表於 2021-4-13 22:12
呢個位下繁時間經常塞車（尤其美田路）。大部分車都係紅梅谷路/青沙出口入然後大圍站/紅梅谷路出迴旋處，所 ...

家陣大圍站開埋車公廟站果邊出口(原本係消防通道), 但最正路嘅80k新翠方向都唔用, 明明應該夠位CUT入快線。

249K 82K 果d 唔好兜入去大圍站造成二次塞車或者會有幫助既

天空之神 發表於 2021-4-13 23:33
249K 82K 果d 唔好兜入去大圍站造成二次塞車或者會有幫助既

82k一早冇兜入去

249x大圍站而家係客倉，唔見得九巴會抽佢出嚟

46X 88K就真係值得抽啦

drbean7218 發表於 2021-4-13 21:03
今晚是塞車, 因為獅子山隧道公路往沙田方向近紅梅谷路發生交通意外。平時隔田村有TA都是例塞返落紅梅谷路。 ...

紅梅谷巴士專線1900完，正常只有18:25及之後嗰幾班車980X 981P會係巴士專線時段完結後經過紅梅谷路。

如果樓主見到一堆馬鞍山青沙線塞咗喺度，好大機會係因為啲私家車見到前面塞車就偷雞提早用巴士專線。

不過，大圍迴旋處係應該要改，即管睇吓有左轉專用線同埋改雙線迴旋處。巴士專線亦都應該要延長時段，甚至紅梅谷路去大圍迴旋處方向都應該要set。不過，長遠要解決大圍迴旋處都係要靠T4同睇吓有冇可能青沙可以直落車公廟路

THomas20010808 發表於 2021-4-14 01:55
紅梅谷巴士專線1900完，正常只有18:25及之後嗰幾班車980X 981P會係巴士專線時段完結後經過紅梅谷路。

如 ...

尋晚有朋友1900 前message 我話在塞緊紅梅谷路及上到獅隧公路有TA。

我對返rthk 交通消息都吻合:
獅子山隧道公路意外：往沙田方向，近紅梅谷路部份行車線受阻，龍尾：瑞峰花園。
2021-04-13 HKT 18:44

較早前獅子山隧道往沙田方向，近紅梅谷路的意外清場，龍尾：瑞峰花園。
2021-04-13 HKT 19:04


如果咁的情況, 緊是多車偷雞。就算平時警方黃昏在世界花園捉車輛偷雞行巴士線都無用, 因為塞到上去都過了19:00。

青沙落來經巴士專線上獅隧公路返馬鞍山是好好用, 但迴轉處轉去新翠巴士專線有時比私家車封了, 變了停在迴旋處等前面隆亨枝燈放了車先入到巴士線。

對美田路嚟講
其實下繁車公廟路改用交通燈放車已經好好多

紅梅谷路就無咩方法可以做
獅隧公路已經食唔到更多車
現階段最起碼要等埔公擴闊完成