九巴 30X 更改行車路線

andy92 發表於 2021-9-5 12:38
尋晚十點幾楊屋道街市都上左十幾個，橫龍街上多兩個

都吸到新客

1號放工搭過，橫龍街有5個唔上33A上30X，其中有個師奶大大聲話33A好慢。
事實係呀，架33A孖住30X行頭，30X去到美孚架33A都仲有18分鐘先到美孚。
咁就位位賺多2.6，除咗幫輕咗部份人唔搭238X實際又貴過238X，仲令33A響葵涌邨多幾個人有位坐

天空之神 發表於 2021-8-28 20:59
當年好多版友係要求 楊屋道 + 大河道 + 西九龍走廊 直出旺角
果班人去哂邊 ？

68x做嘅係發大財嘅元朗區，
位位$15回車又算快，梗係有心機投放資源做，仲要改快彌敦道一段嘅行程來留住乘客。

其它區的確好難複製68x嘅改快模式。

toyl 發表於 2021-9-6 01:29
1號放工搭過，橫龍街有5個唔上33A上30X，其中有個師奶大大聲話33A好慢。
事實係呀，架33A孖住30X行頭，30 ...

問過一個揸開30X嘅朋友，佢話以往如心好好客，改路後雖然快咗但客就少咗

YY487 發表於 2021-9-10 12:24
你嘅"指指點點"論想表達咩意思?
以後大家發言之前要先申報住邊，然後非當區居民不得討論?
咁你作為"西站霸 ...

嗱，首先我無講過外區人「不准討論」，呢個係你自己對號入座
你可以講得謙遜啲，無人會排你，正如特工兄等部分站友一樣反對加車，點解待遇大不同？

其次，唔好話其他壇其他站友，就連AVD1兄都明確表達過補償深長荔係同意改動嘅前提
2013 RDP改動直接削走荃景圍來往深長荔直達服務，就顯然唔符合呢個前提
前提都滿足唔到嘅，結果唔駛多講
你由AVD1同意2013 RDP 30X定線黎推論2013 RDP 30X定線滿足荃景圍「直出」需求，咁係斷章取義
至於點解我話荃景圍只接受直出美孚
假設唔郁其他野 (30/39A etc)，綜合荃景圍全部意見，1. 想快 2. 要去得哂而家30X沿線
咁直出美孚明顯係第一個會諗到嘅野
合唔合理係另一回事，但你過往發言展示咗自己成見，相信無人有興趣同你討論

梨木樹問題，又係閣下斷章取義
我嘅理論並非建基於某一位特定站友嘅言論
無論佢有冇出過聲，我嘅立場始終係根據過往觀察，梨木樹要補番總站車條氣先順啲
只係咁啱嗰位站友即刻回覆咗佢，所以先同佢提起
掉返轉，你走去引經據典，點知完全唔睇上文下理扭曲哂背後意思，咁不如慳番

至於鐵路直達，真係好心你
AVD1兄都駛早講過一句 (雖然唔係同你講但你應該都係受眾)，唔駛等登搵我都記得：
「如果港鐵真係起荃景圍站，成條30X取消咗去又點話」
好明顯佢都知道假如真係鐵路直達，削減資源在所難免
問題係，荃景圍站無重啟計劃，而幾乎所有荃景圍人都唔會接受你嘅「鐵路直達」定義
其他站友都講過，荃景圍唔喺荃灣站500米半徑範圍內，唔應該被視為車站嘅服務範圍

你講得出結果論，咪即係曲線承認自己喺人地傷口上灑鹽
我仲記得之前閣下講過啲乜「荃景圍反對直達尖沙咀」呢啲酸民無邏輯言論 (爭在未係仇恨言論)，建議你盡快洗走去
會理解做「不准討論」，或者咪係因為驚被攻擊非當區人會失去灑鹽嘅「權利」齁
呢個我都係睇你噏兩句估估下，究竟係睇荃景圍唔順眼到咁，定係過往出建議常客嘅你眼見重組買少見少，(最後出臺嘅亦唔係你口味)，咁啱有區反對重組最後食垃圾服務好心涼，你自己先知啦

P.S.: 40改路後去九龍城轉乘有2A、6D兩飛補償，荃灣亦有紅小直達
仲有另一個大位係觀青，但亦已經有紅小直達，而幾乎無人會忘記觀青無咗直達，只係觀青直達太難做
另外，我雖然算一段時間嘅既得利益者，但我唔同意以而家標準計40/6D重組係合理，唔好塞字入我口

jpoon 發表於 2021-9-10 03:03
問過一個揸開30X嘅朋友，佢話以往如心好好客，改路後雖然快咗但客就少咗 ...

事隔一個月，改路頭兩日放工搭過係全車無乜人。
呢個星期一/二所見，橫龍街17:45上車都大概有15人，另全車上完尾站接近坐滿。
可見如心客開始返咗去楊屋道搭，另外都吸收咗部份33A頭站去九龍客每位賺多D。

toyl 發表於 2021-10-7 17:10
事隔一個月，改路頭兩日放工搭過係全車無乜人。
呢個星期一/二所見，橫龍街17:45上車都大概有15人，另全車 ...

朝早上班時間經過橫龍街車站，排隊線已劃了30X自己一行，都有10個8個客等車。
那個站應該做到該區私樓/居屋上班，和工廠區收工，上下午2轉客。

arfung 發表於 2021-10-8 09:16
朝早上班時間經過橫龍街車站，排隊線已劃了30X自己一行，都有10個8個客等車。
那個站應該做到該區私樓/居 ...

應該吸左部份原本行去龍德街站既 238X 客

行少一段路方便唔少