將藍隧道開通之後有咩巴士會改經？

作為山下居民，強烈反對現有的290系任何一條更改行車路線，改行將隧非繁都已經夠慢（對比寶林路），行六幹仲要冇埋寶林直出，290X經寶豐路又令將南康城車程延長，唔能夠接受。

castanopsis 發表於 2021-9-17 03:25
如果290X停寶儉樓/戲院，安達臣後減四個站
對寶林而言，速度同站位都唔會差過290
有新290X，290逆走行六 ...

宜家寶林去葵芳比搭鐵快約10分鐘，搭鐵約45-50分鐘，如果290要40-45，又唔到葵芳核心（行去新都會廣場都要5-10分鐘），計埋等車不如保鐵，可能流失大量寶林客（類似E22A情況）

User12345678910 發表於 2021-9-18 10:25
作為山下居民，強烈反對現有的290系任何一條更改行車路線，改行將隧非繁都已經夠慢（對比寶林路），行六幹 ...

公道講句，其實將南而言 290X兜勻調景嶺,尚德,寶林,翠林,安達,安泰，行寶豐路抑或寶康路都係得個慢字
除非290同290X重疊嘅路段 其中一條特快不停站，或者改行中九龍幹線，將南先至會快
但現實係「畀咗嘅嘢」就好難收翻 甚至改線都難，尚德692, 翠林690, 康城797 正正係好好例子

根本依家討論將軍澳六幹巴士線係無意思，除非係東隧過海線
否則 T2 通車後究竟車流係咩情況根本到時先知，亦唔保證六幹交通情況一定好

安達臣變左公居屋為主之後，其實道路壓力反而細左，因為會主力靠公共交通接駁
就好似東北葵一樣，上面路窄都唔見得會塞
依家安秀道咁多車隊落寶琳路，堆車都唔係新區而係拉左西貢清水灣堆私家車落黎，而新清條龍都係來自郊區多過安泰達
如果唔係將隧塞過行山，呢批車有唔少本身係可以行將隧，將來一樣可以改行將藍六幹，
而即使東隧倒塞入將藍管道，同依家行安秀道塞落去都相差唔遠，只要唔係好似將隧咁倒塞入清半將南己經 OK
安愉道加燈係一件事，
但上面有人住隨時 T2 都通埋，呢幾年支燈只會係放寶琳路直行既車為主，擔心安愉道，不如擔心日出康城又多幾期入伙，將藍又未通將隧會塞到點

而且將來將軍澳市內私家車應該會將隧或六幹是但塞一邊而唔係行山避，
山上面堆路口改善完又唔使再分擔將隧蘇州屎，寶琳路新清路況會比依家好

龍翔道亦會分左車龍去中九幹
最重要係龍翔道路況差，就算將來中九幹塞車，私家車都可能寧願塞而唔行條爛路，到時巴士行返上面就岩晒
到睇定車流先再討論改道都唔遲

將線 2002 通車，692 都拍蚊拍左 11 年先取消
就算 T2 通車先開始討論 290 開唔開新繁時分支行六幹都未遲，依家 FF 黎都晒時間，學上面板友話齋，到時話唔定 FF 既人都已經唔住坑口又或者到時佢搬左上山，終於發現原來上面交通食屎過坑口地鐵上蓋咁多

同埋我始終唔理解
坑口已經有村巴同港鐵既情況下，都覺得無理由巴士（第三選擇）再行山路，點解會覺得同時寶達 cut 剩一條 290A 去荃葵係合理

Citcalag 發表於 2021-9-18 10:21
同意，唔好講到6幹咁遠住，遲下安愉道開通後仲會多多一個燈位。而且山上人口愈來愈多，更加多車經新清隊落 ...

係，其實寶琳路以前真係路路暢通，但自安達加燈位, 寶達塞車站, 近安達臣位單線行車/準備未來安愉道加燈位，已經越來越慢
相反，將藍隧道, T2主幹道, 6號幹線未來幾年陸續通車，不論係山下各區, 康盛翠林，未來行隧道都應該會較穩定

214P_world 發表於 2021-9-18 13:51
係，其實寶琳路以前真係路路暢通，但自安達加燈位, 寶達塞車站, 近安達臣位單線行車/準備未來安愉道加燈 ...

寶琳路塞車係由安秀道引左清水灣道既私家車過黎行捷徑入東隧開始，
而且係一下爆上去唔係慢慢變塞

呢批車有相當數量來自清水灣西貢，如果唔係塞將隧慢過行山，其實係可以行將隧，
將來將藍駁東隧比將隧寶琳路都方便，佢地行將藍過海係唔出奇，其實依家下繁返西貢清水灣既車都間唔中搞到坑口塞迴旋處啦

我會傾向相信將藍通車後，
安秀道車流會減少，但坑口區內道路俾郊區車流拖慢既機會好大，雖然未至於會塞

User12345678910 發表於 2021-9-18 10:30
宜家寶林去葵芳比搭鐵快約10分鐘，搭鐵約45-50分鐘，如果290要40-45，又唔到葵芳核心（行去新都會廣場都要 ...

你究竟係真唔明，定詐傻扮懵？

290X改入寶豐路，安達臣後盡量飛站，寶林唔會慢過宜家
而290X食曬寶林/康翠/安達臣客，班次應該都會拍得住，甚至密過宜家290
咁既情況下，290逆走，對寶林客根本零影響

唔影響寶林8.5萬人之下
俾將南坑口23.5萬人一個快過地鐵既選擇，唔好咩？

3ASV174 發表於 2021-9-18 13:47
根本依家討論將軍澳六幹巴士線係無意思，除非係東隧過海線
否則 T2 通車後究竟車流係咩情況根本到時先知， ...

按六幹個設計同出入口既位置
點塞都唔會好似寶林路/新清落山/龍翔道咁

重點係將南坑口到時候真係無理由繼續過山走
人哋人口同需求都好大，宜家客量少純粹係因為巴士車程無優勢
既然開咗條新路可以<25分鐘到荃葵，無理由繼續上山

呢班客分走咗，寶林山上點再分配，可以再傾
你介意寶達無快車，多客時段開返290梅花間竹都得
但就無理由為咗山上繼續車海，逼潛在客量更高既坑口將南花多一倍時間兜山

最後，我本身唔係290系用家，佢點改其實都完全唔關我事
但見到唔合理既嘢，做塘邊鶴發聲而已

castanopsis 發表於 2021-9-18 19:59
你究竟係真唔明，定詐傻扮懵？

290X改入寶豐路，安達臣後盡量飛站，寶林唔會慢過宜家

本人係指290萬一真係要逆走，不如縮短去坑口，反正寶林搭290X甚至290A仲快同埋290/A荃灣方向會冇咗聯合班次。

User12345678910 發表於 2021-9-18 20:44
本人係指290萬一真係要逆走，不如縮短去坑口，反正寶林搭290X甚至290A仲快同埋290/A荃灣方向會冇咗聯合班 ...

但就無理由為咗山上繼續車海，逼潛在客量更高既坑口將南花多一倍時間兜山

讀多幾次呢句就明

所以我BUY你
不過我會更直接話
坑口人多就自己開線

有能力就自肥
康城都自肥左唔少次了

當年98 797想入坑口都搞到反枱