20A客量報告

kay 發表於 2021-12-8 09:50
之前有版友講得好
城巴應該開辦1A

咁講真，20A可以選擇唔自轉，跟281A咁行架，
問題係城巴又唔想，1A知名度又高到嚇人，咁邊執到客？

HV7025 發表於 2021-12-8 08:16
其實唔少乘客都唔熟路
1A對九龍人嚟講，係地面上嘅地鐵，半個九龍cover到，唔識路搭佢，唔會輸得去邊
所 ...

其實 1A 最大份客都係去九龍灣打後先落車。如果係啟德之前嘅一樣有其他車揀，例如旺角太子去九龍城，都仲有條又密又平嘅 27 或者係 9 203E 之類。淨返太子道西嘅客又去唔到九龍灣打後同 1A 爭，就算係坐滿嘅 1A 去到九龍城都係每班落幾個咁，20A 咁邊度都去唔到邊夠爭客。

HR1377 發表於 2021-12-8 07:16
因為城巴遲d有另一條線做尖沙咀彌敦道段（54區至九龍站）

佢認為只要20A同呢條新線做BBI便行

30分鐘一班，仲走去玩BBI?!

其實還掂都係入尖沙咀自轉，都唔識揀條旺D嘅路行去吸客，無眼睇

HR1377 發表於 2021-12-8 07:13
彌敦道左轉柯士甸道夠位俾12.8米巴士過？

我意思係現有走線過匯翔道後轉返入柯士甸道東行。

leslie 發表於 2021-12-8 01:02
其實M+行出去大把巴士坐，包括西隧口同ICC站，而且是合理步行距離。 問題是，好多人一聽見西九就以為是入 ...

你講既大把巴士都係西隧線，而且就算ICC對好多人來講都係一個遙遠既步行距離。
根本成個西九文化區都欠缺一條九龍區內線，以前M+未開，綠小或者太子搭281A路口落車行入去都尚算可以頂下，依家咁多人去點頂？

dennis28a 發表於 2021-12-8 03:44
咁半年後又會開多間博物館既。
不過城巴想做西九係唔係好似九巴咁派人同綠小爭客先？

有巴士線入去點會無客？綠小載得晒咩？

Man@MFHK 發表於 2021-12-9 08:24
有巴士線入去點會無客？綠小載得晒咩？

除咗出尖沙咀條 77M 清唔切客，其餘果兩條吞吐量嚇親你。

20A 夠另外兩條綠小密？人地開緊 3-5 分鐘一班。
296D 15 分鐘一班，等得部巴士到都行左出雅翔道。
唔係九巴截停部 296D 上客，人都走晒。

296D 長途線收費高昂，而且除咗同 77M 重疊嘅尖沙嘴外服務範圍只得九商、尚德，當然只係起到執雞作用

反而 20A 直達旺角、九龍城可以係賣點，但前提係要棄海港城自轉，否則一定趕客

Man@MFHK 發表於 2021-12-9 07:19
你講既大把巴士都係西隧線，而且就算ICC對好多人來講都係一個遙遠既步行距離。
根本成個西九文化區都欠缺 ...

其實 ICC 入公園唔係想像中咁遠，由中電牛房行到去 Freespace 其實都係五分鐘左右。
問題係由九龍站出黎段路，本身響九龍站/圓方出黎已經要兜大圈，
而且柯士甸道西下面冇得過馬路，唔係偷雞直接過的話，其實係兜遠左好多。



利︰之前日日行，行左好幾年。


Anyway, 西面入口其實黎緊重會改路，
如無意外之後係可以由博物館道直接上返收費廣場/佐敦道/西九龍快速公路。

mrm23 發表於 2021-12-19 21:24
其實 ICC 入公園唔係想像中咁遠，由中電牛房行到去 Freespace 其實都係五分鐘左右。
問題係由九龍站出黎段 ...

見到M+有指示牌叫人經西隧轉車站嗰邊馬路行過去 咁就毋須橫過柯士甸道西

另外想問 ICC 位於雅翔道地面入口（下圖所示）是否不能通往圓方／九龍站？第一次去嗰陣以為可以經 Sky100 大堂落去 但係落咗扶手電梯之後只係去到平台 ICC 個上落客區 而去唔到地面