與巴士有關的強制檢測公告(#84 城巴E21,龍運E32)

Waiyin12 發表於 2022-1-6 10:08
其實部份巴士返到總站會有人上車消毒，試過好幾次下晝/黃昏馬鞍山市中心上681，部車明顯有漂白水味

確診 ...

在安心出行可以記錄的士車牌的時間(用家自己輸入)﹐為何不推廣自願輸入埋巴士/小巴的車牌﹐由安心出行幫大家記錄﹐有事可通知你?

政府真係有工具﹐都唔識得點去好好運用。


另外﹐好應該同巴士公司及八達通公司合作﹐抽出特定人仕的交易紀錄﹐更準確去搵出這些人的行蹤。
巴士公司可以透過交易的八達通機﹐找出相關的巴士﹐就可以透過安心出行通知相關乘客(如果乘客有在安心出行輸入巴士的車牌)。

更進一步﹐就係容許市民自己在安心出行內登記八達通卡號﹐當政府﹑八達通公司﹑巴士公司/交通營運商核對資料後﹐直接在安心出行通知相關乘客。
乘客就不需要自己記錄曾經乘坐過的車牌號碼﹐過程自動化得多。

如果市民唔介意自己登記八達通卡號﹐八達通公司又配合到﹐對於追蹤及阻攔傳播﹐係可以大大提高效率的。
** 唔好拉上政治問題 及 自隱權無限上剛上線。

KE7066 發表於 2022-1-6 10:18
記名幾時係尋人嘅重點？

你張八達通無記名，冇資料又點尋到人

tkglobe 發表於 2022-1-6 10:30
你張八達通無記名，冇資料又點尋到人

依家資料得人名一項？
同鎖失卡一樣原理，有卡號搵到個人出黎唔難，九巴直頭有套現成系統用卡號尋人

kei_hk 發表於 2022-1-6 10:27
在安心出行可以記錄的士車牌的時間(用家自己輸入)﹐為何不推廣自願輸入埋巴士/小巴的車牌﹐由安心出行幫 ...

其實如果唔係強制要安心嘅地方，有幾多人真係會掃，安心出行從來都係只係一個笑話

KE7066 發表於 2022-1-6 10:37
依家資料得人名一項？
同鎖失卡一樣原理，有卡號搵到個人出黎唔難，九巴直頭有套現成系統用卡號尋人
...

點搵？卡號冇任何個人資料，你可以鎖卡，但係你唔好知張卡喺邊，唔好覺得係一個好簡單嘅事，你要搵一個人出嚟或者唔難，但係你要搵幾百甚至幾千嘅人，基本上係不可能的任務

kei_hk 發表於 2022-1-6 10:14
如果真係有心去做檢測﹐遇到有多條路線的選擇﹐只要係時段相符﹐都可以去做檢測的。

這一方面﹐政府都唔 ...

同意，現行的機制都只是「盡做」。

所以而且如你所說，更大疑問是有多少人得悉檢測公告？普遍公告最早都要凌晨零時過後才發出，而媒體又只選取「有興趣」的地點作報導，知道檢測公告的人數應該甚少。

Waiyin12 發表於 2022-1-6 10:18
日日份強檢公告都水蛇春咁長，唔係好事

而家所有表列處所大部分進入人仕都要用安心出行

其實安心出行是有訊息推送給曾與確診人士於同時段身處同一處所的使用者，提醒使用者需要前往檢測。

只是訊息的推送時間在不同使用者間有落差，甚至有收到與否的問題出現。

tkglobe 發表於 2022-1-6 10:44
點搵？卡號冇任何個人資料，你可以鎖卡，但係你唔好知張卡喺邊，唔好覺得係一個好簡單嘅事，你要搵一個人 ...

你有個人名就會知個人喺邊咩
搞笑

https://www.kmb.hk/tc/news/press/archives/news202010013712.html

tkglobe 發表於 2022-1-6 10:40
其實如果唔係強制要安心嘅地方，有幾多人真係會掃，安心出行從來都係只係一個笑話 ...

所以﹐一早就應該用更多自動化的方法﹐由大數據幫手處理。

最簡單的方法﹐我上面講了﹐就係用八達通卡的交易紀錄+八達通終端機的位置﹐就可推斷有那一批人曾經處於高風險地區。

點去通知相關的人﹐就要靠市民大家合作﹐自己登記八達通卡/授權八達通公司(或立法授權八達通公司)﹐供防疫用途使用相關交易紀錄。

至於用安心出行﹐定係用八達通apps﹐兩者都無乜大所謂﹐最重要係做到效果。

kei_hk 發表於 2022-1-6 10:58
所以﹐一早就應該用更多自動化的方法﹐由大數據幫手處理。

最簡單的方法﹐我上面講了﹐就係用八達通卡的 ...

跟住就應該好多人唔用八達通畀錢