城巴話開六班車 九巴話開八班車 實際上係七班車

是咁的，有交通組織（北區交通，並非北區交通關注組）發現聯營過海隧巴 678 線，兩間公司各自為政，4 月 21 號開始，九巴恢復正常班次，城巴繼續維持減班安排。
班次非常混亂，間距為 5 至 25 分鐘一班不等，更加有兩間公司班次同時到站情況。

根據該組織調查，678 號線實際開出嘅班次如下：
上水　開出： 0615 0630 0650 0655 0715 0720 0735
銅鑼灣開出： 1725 1740 1745 1810 1820 1840 1900
紅色字為九巴班次 藍色字為城巴班次

詳細報道請到呢度。

唔知兩間公司幾時先可以傾掂數呢？

edhong 發表於 2022-5-1 16:36
一貫都係未有要爭一份，爭完覇住個地球唔玩嘅玩法，不意外。

冇辦法啦，678 跌咗好多客，之前都叫可以頂閘，自從東隧同埋觀塘繞道塞車情況嚴重之後，而家連坐滿窗口位都冇。（梗係啦一程要搭兩個鐘頭以上⋯⋯ 之前仲有行車紀錄完拍過 373 要用三個半鐘頭先塞到去上水。）
建議巴士公司可以試吓抽兩班車改行西隧。

edhong 發表於 2022-5-1 16:47
唔會冇辦法，放手就得，特別係呢啲貴價聯營線，熟客有得揀點會坐黃色。

其實要講嘅話，以北區嚟講最 Hea 應該係九巴。
如果唔係城巴搶走左半條 678，673 真係唔使旨意出現，更加唔好講開線一年之後全日。
要注意返當時 673 係以灣仔為終點站，主要服務 373 服務唔到嘅銅鑼灣，當時城巴正正打算開 678A 途經聯和墟。

應該話最錯就係當時運輸署將 678 變做聯營，兩間公司都喺度鬥 Hea，一開始係九巴唔肯全日，之後就到城巴唔肯。而家繁忙時間又塞車冇客，非繁忙時間又冇得好似 673 咁樣做吓街客。

edhong 發表於 2022-5-1 16:47
唔會冇辦法，放手就得，特別係呢啲貴價聯營線，熟客有得揀點會坐黃色。

點會？大把人覺得紅巴月票係萬能，唔係點解有人住港島都話要將紅色隧巴當流水搭？

teddybus 發表於 2022-5-1 17:02
點會？大把人覺得紅巴月票係萬能，唔係點解有人住港島都話要將紅色隧巴當流水搭？ ...

師兄可能睇錯字喎 佢話「有月票嘅話點會搭黃色」，唔係「有月票嘅話點會搭紅色」

edhong 發表於 2022-5-1 17:09
人哋覺得咁樣抵坐都冇辦法㗎，錢又唔係我，對腳又唔係我，咪等佢自己吹自己high囉。

但係每日50蚊來回嘅 ...

你哋係咪睇錯咗字。。。
網友 edhong 你話「呢啲貴價長途線有月票嘅話點會坐黃色。」
然後網友 teddybus 回覆你話「點會？大把人覺得紅巴月票係萬能，唔係點解有人住港島都話要將紅色隧巴當流水搭？」
跟住你又話返「人哋覺得咁樣抵坐都冇辦法㗎，錢又唔係我，對腳又唔係我，咪等佢自己吹自己 high 囉。」

點解我完全無辦法理解到你哋嘅對話嘅⋯⋯

15號之後我估客量會動態清零
善水根本想永久減至3班