排隊線作用？？

tommy14D 發表於 2022-6-20 20:22
其實如果唔跟排隊線嘅話咪正路最尾先上車，先畀嗰啲真係守規矩喺嗰條線到嘅上，但有啲人真係勁厚面皮，  ...

最抵死係某啲巴士站，尤其係鐵皮上蓋、U形排法嗰種，因為日照角度問題，就算有蓋、日頭曬落嚟都有等於冇，跟著啲人詐詐諦圍著住個巴士站避太陽，就係唔排入去排隊欄、喺外圍當排咗，最抵死係後排嗰啲都跟著咁做。

試過好多次等車，因為啲人怕曬，我落到巴士站冇人肯排去排隊欄，而我自己就唔怕曬、就走去排排隊欄，一直都冇人郁，見部車差唔多到，開始有人走去排隊欄，個個都照做，嗰啲人先死死氣跟規矩，結果由排第一變第尾。

RyanPun 發表於 2022-6-20 20:56
最抵死係某啲巴士站，尤其係鐵皮上蓋、U形排法嗰種，因為日照角度問題，就算有蓋、日頭曬落嚟都有等於冇， ...

好多人都係最尾嗰兩三分鐘先過嚟排隊線嗰度排， 佢哋多數之前都係蔭涼地方等

tommy14D 發表於 2022-6-20 21:35
好多人都係最尾嗰兩三分鐘先過嚟排隊線嗰度排， 佢哋多數之前都係蔭涼地方等 ...

企幾丈遠等嗰啲我覺得冇問題，佢要跟規矩由等車排到有車，就唔會一開始企到咁遠，有啲人衰在話就話遮蔭，實際上成個身軀就企係排隊欄頭位附近，車一到就即刻彈上車，隊都冇排過。

睇吓駿業里同埋創紀之城西行, 排隊亂到七彩

我以前都試過係黃金出面 2F 站牌等 2F返黃大仙，但有車黎時，另一條隊啲乘客反而話我打尖，仲唔比我上車

又一單發生係近排，係翠林邨上車搭 290去將軍澳，有車黎時，班等緊 98P 的人係咁上車，當時我出左聲話咩而家改左位排隊咩，頭幾個都唔理我，係中間啲才讓返我上車。。。

都唔知巴士公司畫線黎有咩用。。。

九巴劃排隊位真係用下腦
之前夠膽將新興307A、307P、907C全部擺同一條隊
仲要劃到上天橋
撞啱嗰期天橋搭緊棚，上面啲人係睇唔到馬路
每次有車埋站要靠隊頭大嗌，隊尾啲人聽到先衝落去上車……

九巴幾時先肯係饒宗頤文化館劃線，次次上去都唔知點排好

朝早係耀謙樓想搭 89D 又係難搞，因為朝早個個都搭 89P，
如果你走去排隊，尤其係第二行就唔洗旨意搭到 89D，等D人讓得黎架車已經走左
唔排隊又可能比人話你打尖
九巴可唔可以劃線分返開兩條隊？
同樣情況唔知有無發生係 86C / 286C 條隊上呢？

P.S. 有 D 新線九巴都無劃線，如 33B 駿業里往荃灣方向。

AV446 發表於 2022-6-21 09:11
九巴幾時先肯係饒宗頤文化館劃線，次次上去都唔知點排好

朝早係耀謙樓想搭 89D 又係難搞，因為朝早個個 ...

好似觀塘道各站都冇33B隊

唔係無劃線既路線一律排站牌咩？ 當然33B就應該髹埋落去40度