A34 VS E33P 兆康/欣田往機場車程

GU9338 發表於 2022-9-27 08:28
E36 形點個邊一直嘈慢過以前
再兜埋洪福真係搞唔掂

A34我未搭過全程，但聽咁多位版友分享，洪水橋用佢往返機場要一個多小時應該走唔甩。
A37尾站直出又真係快好多，半小時左右就到；但最近洪水橋的站位在石埔村(洪天路)，感覺都有點荒蕪，會多當地的客去那個站上落嗎？

另，A36紅橋轉駁63X/68A我都覺得可行，尤其將來A36加番密，反而關卡在於68A經常收車開20分，63X全日大部份時間30分呢處，令全程時間不穩定。
當然往機場方向減左$6轉乘都要補四個幾加A36車費就相對貴dd…但A34洪水橋起步都幾重口味，或許都值得。

記得網上睇過條片段，洪水橋去機場，直接A34 VS 步行到洪天路搭A37，有機會加埋紅橋轉A36比較一下各利弊都好。
至於E線加兜，短期內應該都難，尤其近年重A輕E。

tony223 發表於 2022-9-26 23:23
其實只要A33X/A34對調總站同埋E36用洪福上落元公，已經可以cover晒成條青公之餘同時比到佢地有合理車程往 ...

以前都聽過有人提議A33X/A34執一執個總站，換A33X去洪水橋而A34兆康一帶止步。
就咁睇睇ETA就好像富泰往機場(現A33X)和欣田往機場(現A34)時間相若，
不過乘坐感的確覺得A34兜來兜去，尤其54區後經良景圈再大興圈然後入山景呢段幾重口味。

大家覺得兩者(A33X/A34)互調總站微調路線的優點在於？

我覺得現時A33X路線較短，回車較快的設定，在於機場/港珠澳能直達屯門市中心，若將來客量顯著上升就集中加班比佢。
情況有點似之前既B3X不斷加班(密/客量集中/回車快)，而B3/B3A只係按需求略調節班次。

屯元天E車”貴” A車”平” （相對姐呀） 搞好A似乎真係易啲 況且宜家啲A車E車用車唔覺佢好守得緊  成日搭A線冇A車應有的 反而E線又有哂wifi叉電（我知新買批E車都有。。。。）

lsc04d11 發表於 2022-9-27 13:09
屯元天E車”貴” A車”平” （相對姐呀） 搞好A似乎真係易啲 況且宜家啲A車E車用車唔覺佢好守得緊  成日搭A ...

E線東涌過屯門原本只值$9，有技巧地兜埋後勤和屯門區內一些路段就剛過界，可以最盡收$12。
當E31/32/32A收緊$10.8，短一截既E33/P已收足$12，跟足遊戲規則。

A線屯門止步，規定下點兜都唔夠升多級，去到屯轉/洪水橋都未夠數，最盡收$15。
(A36要去到錦上路，A37入完天水圍要兜番落朗屏站才剛剛夠上到$18.9)

收費等級做成的<美麗誤會>，$12 VS $15為A線創造生機，希望公司落多d資源做好佢。
(當然，$13.9 VS $18.9差距亦不算大，道理同上)

早繁往機場，
E33P一定快過A34過海，
主因A34燈位唔順，大興+和田阻力最大，
反而E33P屯門泳池比較順燈

arfung 發表於 2022-9-27 10:42
以前都聽過有人提議A33X/A34執一執個總站，換A33X去洪水橋而A34兆康一帶止步。
就咁睇睇ETA就好像富泰往 ...

睇App A33X由富泰去屯赤轉車站要32分鐘
A34洪水橋去轉車站要50分鐘
但洪水橋去兆康路要17分鐘
交換總站大概只係由32/50變為49/33分鐘，近乎冇分別。如果從谷密經屯門市中心嗰條做出發點的話就更加唔值得做。
要怪只能怪洪水橋至藍地走線不能一開二平分
除非連埋A33一齊三拆四先有機會改善

nokia 發表於 2022-9-27 17:02
早繁往機場，
E33P一定快過A34過海，
主因A34燈位唔順，大興+和田阻力最大，

泳池啲燈其實唔算惡頂
比起67系青公，甚至58系良田寶建簡直濕濕碎碎
只係碼頭人嘆慣59系龍門路半直通先覺得慢

nokia 發表於 2022-9-27 17:02
早繁往機場，
E33P一定快過A34過海，
主因A34燈位唔順，大興+和田阻力最大，

上一次非繁忙時間搭，E33P只係行先幾分鐘，但A34只能勉強叫平手到機場。即A34在區內真的很慢，對於頭段乘客來說可謂口味極重。

上次大興圈收視極差，建生上1，大興體育館落1，石排頭道兩個站都無人上落，但就用了近12分鐘去兜... (如果其他時間上載率很理想，請指正)

雖然現在A車和E車的收費差距拉近，但見到E33P其實所需時間差得不遠，佢行先於A34照上的話時差不遠，仲慳番3蚊。

arfung 發表於 2022-9-27 18:59
上一次非繁忙時間搭，E33P只係行先幾分鐘，但A34只能勉強叫平手到機場。即A34在區內真的很慢，對於頭段乘 ...

屯赤開通對屯門嚟講係龍門路係最優勝，第二就係VIP區
試過放工同一時間機場上E車，我搭E36去到水邊圍落車，朋友搭E33都未到屯門大會堂
A34區內好慢，有同事住豫豐花園話以前68a屯轉轉E33同宜家一程A34時間相若，去東涌更加係A34轉E車比以前慢

A34其實可以考慮，唔去洪水橋，用兆康北做總站
可以係和田、菁田執吓啲唔計較價錢嘅乘客去兆康轉車