有關港鐵規劃中嘅添馬站、銅鑼灣北站問題

不然可以重建機場快綫九龍和香港站，新九龍站起在連翔道地底，新香港站在國金中心東面，這樣東將將可有獨立的過海隧道，同時方便屯馬綫乘客轉乘機場快綫。不過新香港站要起得非常深，然後黨鐵需要魔改東涌線奧運到九龍的下行綫，以便機場快綫新路段接駁原有路段，最後將東涌線香港站月台搬到原機場快綫的月台。這可大幅度紓緩共用路段的問題，也可避免列車需從香港站L5爬到預留隧道，解決這段路爬坡的問題，但升級費用更高，大約需要4至5百億大元。

eternalflame 發表於 2022-10-27 15:16
Catchment問題
你要去時代唔會係維園落再慢慢行入去
況且起行人隧道系統嘅工程範圍唔會比起個車站細

我住將軍澳，分享下從時代（A出口）落銅鑼灣站返屋企嘅體驗有幾怪雞：
入閘後要先行一段甚長嘅通道（3~5分鐘），竟然係先到下層月台（往堅尼地城方向）
之後點都要上返一層，坐去柴灣嘅車到北角轉車。
所以假如將軍澳線開到維園站，我估自己真係會專登走過去坐車返屋企（唔理有無地下街）

另外，車站南移入維園，似乎可以更加挨近中央圖書館、摩頓台、聖保祿醫院和大球場等地。
就算沒有地下街，catchment點睇都好過目前在維園西北角的銅北站選址。
不過有一點我認同：維園是對香港人是有重要象徵意義的地方。
是否要大興土木，確實要仔細考慮這些情感因素。

Toz 發表於 2022-10-27 16:47
西馬班次無本質上既衝突

但將軍澳線班次上限如果跟左東涌線西隧既上限，咁就PK了

以前係呢度傾東將直通個陣，大家都有提過要整添馬短棍黎將就機快個slot
我認為宜家做AREOT詳細設計個陣，應該保留返原添馬站將線調頭隧道，或修改成一條／兩條siding令將線可以開會展短棍

hellomato 發表於 2022-10-27 17:04
我住將軍澳，分享下從時代（A出口）落銅鑼灣站返屋企嘅體驗有幾怪雞：
入閘後要先行一段甚長嘅通道（3~5 ...

同埋另一個問題係地下街變成左車站配套，但個工程複雜程度有過之而無不及
以成本效益而言，我唔覺得政府會容許呢個方案

Kelvin15190 發表於 2022-10-27 16:59
不然可以重建機場快綫九龍和香港站，新九龍站起在連翔道地底，新香港站在國金中心東面，這樣東將將可有獨立 ...

國金東邊唔係賣咗地喇咩？

hellomato 發表於 2022-10-27 17:04
我住將軍澳，分享下從時代（A出口）落銅鑼灣站返屋企嘅體驗有幾怪雞：
入閘後要先行一段甚長嘅通道（3~5 ...

認同銅鑼灣北站向南移入維園中間偏西會較好
起碼可以改善摩頓台一帶嘅對外交通
甚至乎可以考慮以地下街形式串連銅鑼灣《》銅鑼灣北《》天后

至於維園喺香港人嘅情感地位
相信喺2022年嘅香港已經唔係一個因素

JX9097 發表於 2022-10-27 22:23
認同銅鑼灣北站向南移入維園中間偏西會較好
起碼可以改善摩頓台一帶嘅對外交通
甚至乎可以考慮以地下街形 ...

摩頓台正正係銅鑼灣同天后兩個500米服務範圍嘅重疊位置
就算改銅北站位置都唔係太影響到呢個位對於鐵路服務嘅需求

另一個要考慮的問題就係改線會令鐵路隧道下穿謝菲道／百德新街一帶地底
會展站北港島線係側式月台
該處地底是否穩陣到可以用鑽挖機而去到銅北站變返島式月台呢？

AtrHenu 發表於 2022-10-27 16:34
近年銅鑼灣商業活動無廿年前噤發達下起唔起銅北都無所謂啦.

港島區人口老化，商業活動已經轉去九龍同新界南，加上無咗內地自遊行，維園道起多一個站又要大興土木，而會展站亦都可以經過杜老誌道行人天橋行去鵝頸橋以及銅鑼灣，咁喺告士打道起多一個「維園站」又有啲乜嘢用呢？

eternalflame 發表於 2022-10-27 22:55
摩頓台正正係銅鑼灣同天后兩個500米服務範圍嘅重疊位置
就算改銅北站位置都唔係太影響到呢個位對於鐵路服 ...

我係想繼續用返告士打道，即係銅北站原定選址入維園地下範圍。
之後即刻轉彎，落到中央草坪或球場一帶先係月台，呢個位可能做到島式。
月台會指住高士威道嘅港島線管道（天后—銅鑼灣之間），可能要預地下較深處，一出站就要crossover。我甚至會預銅北——in this case叫“維園站”更貼切——做雙島三軌，
中間條單軌係東涌線總站，兩邊開門轉車將軍澳綫。
當然啦，理想很豐滿，實際......（比如一開始講的彎位整唔整到）

hellomato 發表於 2022-10-28 11:18
我係想繼續用返告士打道，即係銅北站原定選址入維園地下範圍。
之後即刻轉彎，落到中央草坪或球場一帶先 ...

我覺得個站前後個兩個灣都非常銷魂，只係怕唔夠轉彎半徑會令車速減慢而影響班次
前後都係彎位就更加難去設置渡線或調頭設施

除非成個維園都起地下城，否則都好難去咁樣起

提多樣野，天后廟道個面會非常接近某個部門，當三屍之一都唔俾車站起係佢地地底
呢個部門會俾先至奇