【附圖】北環線南延與RDS2區域快線的微妙關係

rickywk 發表於 2022-10-18 23:09
象山、梨木樹中間好近高鐵隧道同通風樓，同埋現有高鐵隧道大致係沿青山公路葵涌段出九龍，所以和宜合道近 ...

高鐵實際位置可以參考地理資訊地圖，高鐵疊青山上路應該係昌榮路迴旋處到業成街一段，而我個建議成條中鐵都會喺高鐵隧道東面。

假定市區只設北葵兩站，咁中鐵就會喺大帽山入面上跨高鐵隧道；而如果加荃景圍站，上跨高鐵一段會喺接近平行象鼻山路嘅高架轉地下段，高程上一樣遠離高鐵嘅地層。

JH_LE4612 發表於 2022-10-19 05:53
敢問議員，當錦上路荃灣西樽頸可以用北環線南廷嚟解決嘅時候，元朗錦上路樽頸其實仍然存在，而洪水橋，屯 ...

確實如此，北環南延主要功能是“不加劇”屯馬負擔，但無可避免，元天錦一帶亦有不少新發展項目，外加TME同HSK，屯馬線仍然會是十分繁忙...

有可能的解決方案：
1 - 屯馬線加密班次，雖然不足以應對北環主線將帶來的壓力，但亦有超過一成左右的運力提升空間
2 - 安排更多加班車由天水圍開出，distribute the demand
3 - 最新一份施政報告中，交椅洲填海似乎終於有明確的時間表。這樣將前海-洪水橋鐵路，延伸至小欖（可通過輕型集體運輸連接屯門碼頭）、欣澳（與TCL換乘），並經交椅洲連接港島西，也不再是遙不可及。一旦這條走線建成，再加上新的公路項目，應該能夠大大優化新界西北對外連接

s3n370 發表於 2022-10-19 21:45
其實西鐵仲可以買新車加班，北環線真係有需要落到九龍？
東西無論道路同鐵路都飽和，就算中九龍幹線通車， ...

西鐵加班買車係可以有一定提升，但最終最盡都係行28tph，面對北環主線所帶來的新增客流，基本上無乜可能應對，peak hour最繁忙路段V/C可能分分鐘去到1.2倍以上

不過，北環南延的作用，除了分流屯馬，覆蓋東北葵，但另一個較少人意識到，北環/中鐵將和東鐵線形成一條新界環迴鐵路，覆蓋郊野公園周邊所有主要人口區，半小時內站站之間隨處可達，讓整個鐵路網路更加高效和穩健（Robust)。

garyz 發表於 2022-10-20 16:18
確實如此，北環南延主要功能是“不加劇”屯馬負擔，但無可避免，元天錦一帶亦有不少新發展項目，外加TME ...

關於第三點，你係想要通勤市民坐城際/高鐵規格列車出港島?港深西部個洪水橋站隨時玩埋一地兩檢坐車要過關先坐得喎。

20160424 發表於 2022-10-20 17:17
關於第三點，你係想要通勤市民坐城際/高鐵規格列車出港島?港深西部個洪水橋站隨時玩埋一地兩檢坐車要過關 ...

一地兩檢不太可能設在洪水橋，較合理應該設在深圳灣口岸附近。至於未來的運營標準和模式，我不太擔心，以當今的軌道交通技術和經驗，本身城際和通勤之間的界限已經不再涇渭分明

garyz 發表於 2022-10-20 18:40
一地兩檢不太可能設在洪水橋，較合理應該設在深圳灣口岸附近。至於未來的運營標準和模式，我不太擔心，以 ...

咁你個輕型集體運輸 即係輕鐵? 屯碼碌過去小欖咪好耐? 同埋青公仲邊有位起?
若按政府原走線行重鐵由屯碼去小欖(如設站)理應都係七分鍾左右，你既取代建議某程度上損害緊屯門人利益

20160424 發表於 2022-10-20 19:09
咁你個輕型集體運輸 即係輕鐵? 屯碼碌過去小欖咪好耐? 同埋青公仲邊有位起?
若按政府原走線行重鐵由屯碼 ...

可能南港島線是比輕鐵更好的參考模版，而所謂“重型”或“輕型”，主要指容量上的考慮，配合當區未來的人口規模，但獨立路權和車速，仍然可以接近傳統重鐵

garyz 發表於 2022-10-20 16:34
西鐵加班買車係可以有一定提升，但最終最盡都係行28tph，面對北環主線所帶來的新增客流，基本上無乜可能 ...

其實西鐵混了不少屯門區的乘客；如果屯門有出市區的鐵路，有助分流西鐵的乘客，然後再善用AUSTIN的袋狀路軌，讓大欖段可開每小時30班，而非現在的21.7班，也許有機會讓西鐵有力應付北部鬼城區的客量。

garyz 發表於 2022-10-24 11:59
可能南港島線是比輕鐵更好的參考模版，而所謂“重型”或“輕型”，主要指容量上的考慮，配合當區未來的人 ...

青公路面/架空都無位起南港島線既中型鐵路，高架橋會阻擋景觀，居民會反對。
如果落地底但只係去到小欖咁短距離再轉車亦唔乎合成本效益。
仲有佢唔係屯馬線延線，邊到搵地起車廠擺呢條鐵?
以上都係屯荃鐵路遇過既潛在問題而政府唔肯起既原因。

同埋假如真係學你咁由洪水橋直插小欖，呢條中鐵頂多比掃管笏人用
屯門人直接坐屯馬線去洪水橋轉車就得，時間應該差唔多

P.S.補返你張圖先，唔係怕版友唔知我地UP乜，但怕版規唔可以幫人宣傳，恕我改一改

Kelvin15190 發表於 2022-10-24 12:33
其實西鐵混了不少屯門區的乘客；如果屯門有出市區的鐵路，有助分流西鐵的乘客，然後再善用AUSTIN的袋狀路 ...

認同屯門應有出市區的路徑，減輕西鐵壓力，始終就算不考慮北環主線，單單屯門加兩站，洪水橋加站所吸引的新人口，已經非常客觀

至於西鐵出九龍段行細Loop，技術上應該有可行性，Austin pocket調頭能力可以行到幾多班要再check check...但仍然需要考慮到底西鐵乘客普遍的終點究竟是何處。倘若只是舒緩錦上路及荃灣西，但將新的樽頸帶去南昌，尤其倘若大量繼續南行乘客如果要在南昌落車再等上車，營運上也不太理想。