北港島線 東九龍線 最新項目進展

LH797 發表於 2023-1-21 21:18
其實當年政府講得出玩SWAP，就係因為ISL闊度係足夠AEL車去行。門距雖然有差別，但係照樣應付到幕門（只係 ...

TAM基本上已GG，而基於這個前提下需要考慮TCL與TKL直通的方案。
至於CBN，目前仲要等政府的最終決定。

JR5204@26M 發表於 2023-1-21 17:16
東將直通基本上無可能會發生
https://www.vjmedia.com.hk/articles/2013/05/19/38687

嗱，呢檔嘢就唔可以「一本通書睇到老」嘅，固有的諗法係時候要update下。

2011年之前，北港島線仍然以SWAP(TCL直通ISL)為大前提，而地鐵公司在1998至2002年內部已經做咗好多研究，認為大嶼山線系統直通市區線是可行的：
- LAR列車在80km/h的市區線最高營運車速下，並不會超出ISL隧道界限 (但超出了MIS中環至九龍灣的隧道界限，因MIS隧道比ISL窄)。
- LAR列車會Foul港島線OHL Support的界限，但可以透過改造ISL東段的OHL Support去處理。
- LAR列車的長度與市區線稍有不同，部分車門與月台幕門會有大約15至30cm的差距，但地鐵公司於SWAP營運可行性研究的結論是，此長度差距對營運的影響是 negligible (不顯著的)。

此外，地鐵公司當年已完成北港島線的環評文件及準備刊憲，如果有人說TCL直通市區線(如上述條link內容所講)是無可能會發生，其實只是一場「識半桶水就出嚟吹」的笑話。

2000年代前期，因香港的經濟下滑及中環灣仔填海規模大為縮減，政府以乘客量不足為由暫緩北港島線。在2011年之後，政府再次重提1995至1997年早已提出的「交匯方案」，但因會展已成為東鐵車站，故將TCL-NIL的交匯站由會展改為添馬，而港鐵公司在2018年已向提交北港島線的建議書亦包括添馬站。後來政府認為添馬站需處理大量基建銜接，興建的技術難度高，因此要求港鐵公司提交修訂方案，即只興建TKL北角至會展路段。

由於ARO上馬在即，當中香港站以東的設計會受北港島線計劃影響，港鐵公司現已在ARO工程設計上考慮北港島線的銜接，並正着手研究TCL-TKL直通方案。至於TCL及市區線的列車和信號系統等資產亦分別按C3036及C6014合約進行更新，故兩個路線系統的兼容性問題已不像當年般難處理。

LH797 發表於 2023-1-21 21:18
其實當年政府講得出玩SWAP，就係因為ISL闊度係足夠AEL車去行。門距雖然有差別，但係照樣應付到幕門（只係 ...

唔起銅鑼灣北的話
690定位似乎更尷尬
起咗銅鑼灣北應該可以直接收檔
依家想斬變得有難度
（我假設起咗北港島線，山下會再跌客）

tonyng 發表於 2023-1-22 15:34
TAM基本上已GG，而基於這個前提下需要考慮TCL與TKL直通的方案。
至於CBN，目前仲要等政府的最終決定。

若果最終北港島線（東將直通）
而同時飛起銅鑼灣北同添馬，即係中間只起會展連接
咁通車後究竟可以分走幾多依家東涌線/ 將軍澳線轉入港島線嘅人流？

JX9097 發表於 2023-1-22 17:39
若果最終北港島線（東將直通）
而同時飛起銅鑼灣北同添馬，即係中間只起會展連接
咁通車後究竟可以分走幾 ...

添馬站額外新增的Catchment Area本身好細，所以在「簡化方案」下係建議TKL客搭多一個站去EXC再轉去ADM。
至於CBN，新增的Catchment Area都唔大，但分流作用就頗大，加上該站係當年否決SCL(NSL)建站的替代產物，在「情理上」都應該要起返。

唔同基建project應該互相配合
政府屬意北環綫拉出去九龍塘駁入觀塘綫、東鐵綫，北港島綫就應該起全段玩東將直通去分流紅磡轉車客
政府屬意北港島綫淨係搞TKL拉到會展，就理應將北環綫延長段即中鐵綫改駁南昌站接入ARO完成加班後尚有較多空間嘅東涌綫

其實政府殺出黎話唔好「添馬」都有啲「塞翁失馬」
如果「添馬」，就東涌綫只係多一個站，過海客繼續焗住HOK>CEN，預計屯馬綫/東涌綫加班加站後好快會有新樽頸
唔「添馬」，「失馬」，逼龜鐵參考隻「屯馬」經驗玩直通，東涌綫就可以一程到鰂魚涌，將軍澳又可以一程到西九龍，喺而家越來越多大公司將部分次要部門搬去太古坊，政府就搬去西九龍嘅環境底下好有幫助

Ricky403 發表於 2023-1-23 10:57
唔同基建project應該互相配合
政府屬意北環綫拉出去九龍塘駁入觀塘綫、東鐵綫，北港島綫就應該起全段玩東將 ...

如果搞東將直通，過海隧道前必須要袋狀路軌讓列車調頭，最好就放在現交叉渡綫的位，不過長度好似唔喺好夠，如果唔得就要設在原添馬站的位置。這可東隧最多開到每小時34班車。

東涌綫交叉波口大約限速每小時45公里，連接共用路段的波口大約限速70-80，如果沒有交叉波口，4個連接共用路段的波口都喺movable frog，過海車速有望提升到110。如果列車能在47秒內行完過海段，34班東將直通車有望過2次海，提升整體過海段的載客量。

eternalflame 發表於 2023-1-21 23:18
ELM有做過交通研究，以明日大愚嘅上一版規劃黎計，加埋SIL(W)同ELM去美孚個條鐵路，港島線西段都仲頂得住 ...

最弊係去美孚果條好似消失咗，而據往績，首階段無做嘅基建，多半爛尾。

另外，假設東將直通港島只設鰂魚涌、北角、會展同香港，咁東涌去觀塘最直接係坐到油塘轉觀塘線，規劃上係咪咁希望大家過兩次海呢？

巴士的膠 發表於 2023-1-23 16:50
最弊係去美孚果條好似消失咗，而據往績，首階段無做嘅基建，多半爛尾。

另外，假設東將直通港島只設鰂魚 ...

過兩次海都冇咩問題嘅
將軍澳去尖咀都係建議你過兩次海