北港島線 東九龍線 最新項目進展

THB 發表於 2023-3-31 18:50
其實港鐵工程部已經比好多外國同行積極。

如果將軍澳綫延長去會展站嘅雙層月台，以後仲可唔可以接駁東涌 ...

所以咪搓咗一陣波去拗TAM起唔起
TAM唔起又點令東涌綫同將軍澳綫可以轉駁到，遠期做到分流東鐵綫過海段乘客

根據鄰帖消息，機場鐵路掉頭隧道延展段設計終於明朗化，交匯方案應該不再存在

在毋須顧慮添馬站後，希望北港島綫第一期，將軍澳綫延至會展段，能夠早日同步動工，配合新信號系統及加購列車，趕及137區入伙前加密將綫班次，並紓緩北角轉車站樽頸，同時預留條件於日後實現東將直通

有興趣可往鄰帖作深入專業討論

helloabc 發表於 2023-3-31 22:17
根據鄰帖消息，機場鐵路掉頭隧道延展段設計終於明朗化，交匯方案應該不再存在

在毋須顧慮添馬站後，希望北 ...

將軍澳線淨係拉去會展可以點樣「分流」？
嘥__氣

JX9097 發表於 2023-3-31 23:24
將軍澳線淨係拉去會展可以點樣「分流」？
嘥__氣

目的地去灣仔北/金鐘嘅乘客會改用新路

he_01 發表於 2023-4-1 01:17
目的地去灣仔北/金鐘嘅乘客會改用新路

淨係灣北同金鐘囉講返放工時段，中上環同灣仔都完全分流唔到

JX9097 發表於 2023-4-1 09:08
淨係灣北同金鐘囉講返放工時段，中上環同灣仔都完全分流唔到

將軍澳去灣仔經會展站將會快過亦舒服過經灣仔站
返中環嗰班咪當係留個機會畀你地爭取中灣繞巴士

在北港島綫第一期下，將軍澳綫只拉一站去會展，睇落好似冇乜用，但當早繁mtr app顯示北角要等三班車以上，差唔多要等十分鐘先至轉到港島綫，咁就算係去中上環，唔少人應該會揀唔喺北角站落車，坐多個站特快直達會展，然後落一層轉東鐵去金鐘站，再搭一程電梯就去到港島綫或荃灣綫月台，咁樣全程唔使點迫，十分鐘左右應該可以完成，換轉喺北角轉車，可能先啱啱迫到上車，仲困咗喺港島綫擠迫嘅車廂中，逐個站慢慢轆緊

有咗新嘅替代路線(不計現有提早鰂魚涌站轉車嘅方法)，就算有新增人口倒入將軍澳綫，北角站迫爆嘅情度都會有個限度，除咗有一定嘅方流效果，將軍澳綫都要依靠西延，先可以突破北角掉頭隧道對加密班次嘅限制，故此有迫切需要，將第一期爭取以最低成本最短時間上馬

如果能夠放棄起catchment不大的銅鑼灣北新站，只係起接駁隧道延伸至會展站預留月台同兩座通風樓，亦唔使俾東將直通嘅列車，信號同班次兼容問題拖後腿，希望第一期唔使再等十幾年，可以三五年內見到完工通車，而會展站就有望成為市區綫列車最後一個於閃燈路綫圖亮燈的車站

北港島綫第一期也是繼東鐵綫過海段後，近年難得一見於港島核心地帶建造，主力惠及本地居民的鐵路工程，而炮台山居民都好應該好似當年反對換綫方案咁，企出嚟大力推動，因為再唔起另一條平行綫，早繁港島綫列車經過炮台山站，遲早有日都係會得個望字，根本迫唔到上車

至於北港綫第二期，即東將直通綫，就可以交俾下一代工程師，在交椅洲及北部都會區有咗最終發展定案之後，再行研究值唔值得搞同埋點搞

北港島綫的最新消息：建議方案 VS 替代方案 ___(資料來源：香港交通資訊網)___ 網址：https://www.hkitalk.net/HKiTalk2/thread-2126965-1-1.html

hellomato 發表於 2023-3-28 17:43
1. 有得起CBN更係要CBN，但假如touchwood最後決定唔起CBN，咁應該要想辦法補位，讓北港島線盡量serve到銅 ...

係北角轉車去銅鑼灣／天后都唔係好麻煩O者?

銅北講catchment真係唔值一個站
除非你個站係有特別用途，比如話係維園起地下停車場比大坑道半山客泊車轉乘東涌線/將軍澳線（甚至更加FF將機場快線延伸過去）

20160424 發表於 2023-3-20 19:49
我覺得起唔到堅城站仲好，中途少得一個得一個站，呢條線成唔成功分流到大西北出港島，時間因素好關鍵。
希 ...

如果交椅洲線尾站係港大，即係差唔多成車人都要轉車，上下層轉乘應付唔到人流

你諗下早繁油塘轉車過海，如果唔係同層轉乘，多多扶手電梯都唔可能夠用

如果港大或堅尼地城做唔到同層轉乘，就算兩個站都可以轉車都唔得掂

只能港島線延伸過去交椅洲，或者東鐵經中環南或上環南拉過去港大站，再延伸去交椅洲