外國經驗對香港巴士網絡有無參考價值？

s3n370 發表於 2023-5-1 06:01
香港山多平地少，好難跟到其他城市嘅發展軌跡。
連行人去到市區都要做立體segregation時，
好難寄望佔地 ...

有足夠空間、現有重鐵隔離、單線型發展就好自然諗現有重鐵方向
空間不足、井字型交錯多分支迴旋半徑小密站、巴士區內流水替代品，就自然係輕鐵/電車方向
今天世界城市發展，鐵路汽車分隔先係最重要話題
但已發展區域，無論空間上同成本上要設計足夠分隔係難度頗高，呢個都係啟德單軌死因

castanopsis 發表於 2023-5-1 01:28
1.
呢度有兩個factor
民間大多數既意願係啲咩，同政府施政是否民粹

1&2. 個人都相當同意公共交通應該有更大嘅priority。
俾必要嘅車輛優先，提高擁車門檻原則上唔會錯架，
問題係俾到幾大，條界線點劃，有矛盾時如何取捨？點樣做同邊個做？

有如政黨用減稅做政綱，減幾多邊D減邊個去諗邊個去落實？
空講大方向而無實際方案，都唔好話可以落實到嘅方案，
更多時會淪為空白嘅口號。

未完善前除佐富貴黨未必太著眼公共交通外，
泛民建制兩邊陣營嘅交通政綱真係有分別？

3. 你呢個指控又係另一個稻草人，亦有滑坡之嫌。我剩係用客量呢一個point咩？

4. 可否講下有乜值得欣賞呢？用落香港有乜好處呢？

castanopsis 發表於 2023-5-1 02:24
記得以前睇地圖
深井個出口，係講明巴士專線服務時間內唔用得
宜家有無改到就要版友補充

屯門公路嘅巴士專線多年來嘅變動，其實說明佐bus priority scheme都會因環境而變。
就如汀九橋通車後，出市區嘅交通大幅改善。
劃巴士線嘅必要性大大減低。
又例如加士居道入紅隧嘅打尖專線，都由早繁拓展至晚繁。

拎番你好鐘意嘅英國巴士專線，其實除佐插隊式，
或者只許巴士通過嘅bus gate外，
大多較長距離嘅都唔係純巴士專線，
而係視乎情況容許單車、電單車、的士使用。


Cambridge Busway大致取道舊有嘅Cambridge to Huntingdon Railway。
當年規劃嘅時候，亦唔係一開始就指明起Busway，
而係從重鐵、輕鐵、改為普通道路等多個選項去揀選。
都唔好計更加多不同走線，甚至近跡天馬行空嘅optioneering階段。

香港唔見得有廢棄嘅基建可供重用，走線幾乎無佐重用舊有基建嘅優勢，選項可以更多。
怕新路會吸引更多人揸車，Busway嘅基建要求唔會少鐵路太多，
亦無直接擴闊咁大彈性。
加上香港人口密度高，Busway或許可以解決眼下嘅問題，
但提供唔到太多capacity可以拓展新區，睇唔出有得揀點解會揀Busway。

ccchhhuuunnn 發表於 2023-5-1 15:47
有足夠空間、現有重鐵隔離、單線型發展就好自然諗現有重鐵方向
空間不足、井字型交錯多分支迴旋半徑小密 ...

你講鐵路汽車分隔呢個話題，
係咪講唔同地方嘅平交道點因為擠塞問題改高架/地下？

但係從設計睇黎，分唔分隔都係睇設計速度（高速鐵路同高速公路一定要立交）同流量。

S3BL100 發表於 2023-5-1 14:11
同意。但與此同時，睇返例如近年復辟電車/輕鐵/streetcars 既法國，興建路軌之時同時收窄行車線、增加綠 ...

睇番密度唔高嘅輕鐵平交道，都可以搞到盞燈無定向
用落人口密度更高嘅市區會係災難...

s3n370 發表於 2023-5-2 06:54
睇番密度唔高嘅輕鐵平交道，都可以搞到盞燈無定向
用落人口密度更高嘅市區會係災難... ...

Busway其實好岩香港玩
用Busway連接區域大巴總
至大機會起手玩到Busway既路段，係同屯公平排既青公
至於老九想玩雲巴，而唔係busway
斷估就係睇中雲巴似地鐵，可以撈埋地產

公路有出入口就唔畫得巴士專線

屯轉九龍方向已經有一個入口會在早繁封閉，令巴士專綫得以連續。
是否為巴士專綫而封閉公路出入口，係睇封閉之後私家車嘅路徑會點樣變化，會唔會在路網第度出事。如果影響唔大，我想運輸署唔會排斥畫跨越出入口嘅巴士專綫。

castanopsis 發表於 2023-5-1 09:46
每一區出一張巴士地圖，表明去全港十八區如果用路面交通應該點轉

九巴做緊

sunhoo 發表於 2023-5-2 10:49
屯轉九龍方向已經有一個入口會在早繁封閉，令巴士專綫得以連續。
是否為巴士專綫而封閉公路出入口，係睇封 ...

車速高、好多時唔止單線（雖然出入小欖深井係單線）已經好難劃斷開
屯公個case，考古一下，未有巴士專線前屯門公路一塞車啲車就會湧曬入下路，本身去小欖至深井或深井至麗城下路其實唔多車，但一塞車班司機diverted traffic就會玩死成條巴士專線
所以屯公巴士專線好難斷

sunhoo 發表於 2023-5-2 02:49
屯轉九龍方向已經有一個入口會在早繁封閉，令巴士專綫得以連續。
是否為巴士專綫而封閉公路出入口，係睇封 ...

私家車嘅問題唔大，因為公路嘅巴士線嘅其中一個本意，就係趕私家車客上巴士。
屯門公路實施巴士專線起，巴士公司都有配合去加車。
就算容許私家車用，一如現時深井交匯處上屯門公路出九龍咁，
考慮嘅係私家車、的士進入公路後要加速入中快線，好過重型車輛，
對巴士專線甚至公路車流嘅影響相對細。

題外話，通常條路塞車，好多時遠遠未去到條路嘅容量，而係因為出入路口嘅車互相交織而減速，
令後面都陪住減而出事。
不論普通道路嘅交通燈，抑或快速公路嘅出入口有差異，但原理相近。


甚至講番轉頭，剩係考慮公路，巴士响繁忙時間有priority當無異議，
下一個應該輪到載客唔多，好歹都係載緊人返工返學嘅私家車，
定係載未必time sensitive嘅貨物呢？
呢個問題唔好話見仁見智，但肯定因區域而異。

心水清嘅應該留意到小巴呢？今時今日小巴係靠許可證入禁區，
包括若有需要用巴士專線。
就算只睇路面交通，應唔應該容許小巴全面用巴士專線呢？
個人就認為應該啦。