城巴 B8 再加強服務

sunhoo 發表於 2023-8-4 15:56
平日朝早南下唔係無需求，係班次唔使太多。基於香園圍口岸開放時間，B8做唔做跨境就學，呢度可能分歧較大 ...

7點先開關，大埔和沙田返學既中小學生搭B8都好炆水，太和和廣福返學既已經好勉強，遠離B8服務範圍既大埔屋邨(如富善、富亨、大元、運頭塘，4條邨夾埋1X間中小學)仲得掂？沙田更加唔洗考慮，除非香園圍可以提早到6點開關，咁就吸引到係大埔和沙田既跨境學生用，唔洗逼哂係羅湖或落馬洲，不過都要大陸果邊肯先得。
反而有人話做科學園和石門既9點返工客，呢個都可以考慮。

AVW28 發表於 2023-8-7 09:23
7點先開關，大埔和沙田返學既中小學生搭B8都好炆水，太和和廣福返學既已經好勉強，遠離B8服務範圍既大埔 ...

根據立法會議員劉國勳消息，保安局同意香園圍口岸延長通關時間至每日0630-2300，
現正與內地當局商討。

當延長通關時間落實，B8做埋平日就有更大誘因，
假設星期一至五香園圍頭車開0645，大約0705抵達太和，0720到廣福。
跨境去大埔上學就唔駛咁趕。

Jamesho81 發表於 2023-8-4 16:18
好老實，B8做7日邊有咁多客，成條線都冇大型購物點好難吸大陸客，沿線住宅區唔會出到好多客過境。至於拆 ...

B8沿線又唔可以話無大型商場，係除左圍方，其他都要落車行一大段路先到。
1. 大埔超級城，上落車唔就腳，識行舊墟遊樂場落穿8號花園和昌運過去；或者寶鄉街落，入寶湖花園穿過去)。一係落大埔墟，但最好大圍方向加停廣福道巴士站(OT：最好274P都係咁停)，雖然都好難做到。
問心，如果想做哂超級城和大埔墟，73走線大家又接唔接受到？一係用64K行法。


2. 新城市廣場，雖然我知無乜人會咁做，但B8係乙明邨落車過瀝源橋已經係新城市，行過去10分鐘左右；回程方向更加唔洗落隧道。


瀝源橋又係一個唔錯既打卡位，如果城仔肯做d宣傳，應該會吸引到呢類客。
當然，直巴直達新城市，去得玩都唔會志在果幾十蚊。

我唔爭在獻下醜(只講落車站15分鐘步程內)：

B8沿線的旅遊景點/購物點：
A. 太和邨
1. 天后廟
2. 廣福橋
3. 太和墟

B. 舊墟遊樂場/林村河
1. 大埔超級城/一田

C. 寶鄉橋/廣福道
1. 大埔墟
2. 鐵路博物館

D. 廣福邨
1. 元洲仔公園
2. 大埔海濱公園(春天睇花勝地)

E. 濱景花園
1. 京瑞廣場(石門食街)

F. 乙明邨
1. 瀝源橋/城門河
2. 沙田中央公園
3. 新城市廣場

G. 秦石邨
1. 文化博物館
2. 車公廟

H. 大圍站
1. 圍方
2. 大圍(小店多)

GM 發表於 2023-8-6 15:48
蓮塘口岸的使用人數已經較原先口岸設計容量高

深方天橋得一條單人扶手梯 1條樓梯 一架lift

行過蓮塘口岸兩次, 感覺最大問題係深方連接關卡與商業城之間的天橋路窄(例如往深方去到柱位都唔識相應圍番闊D), 長者加上拉著行李箱, 想越過也不易.

商業城及口岸內的扶手電梯太搶眼, 人人都排扶梯, 樓梯被嚴重忽視, 不過口岸天橋去商業城後落一層的商場通道已經開放, 令再上落一層的塞人情況減輕左.

人們都喜歡用扶手電梯, 導致通往樓梯的通道也被阻擋.

我昨日傍晚回港, 由商業城至香園圍口岸巴士總站全程走樓梯, 大膽估計扒過左以千計過關人潮.

塞人的位置都只是過大陸關, 要打蛇餅, 望落畫面係震撼(身邊其他待過關市民話未見過咁多人), 但入到圍欄位置已經很暢通, 沒有令人不耐煩.

另外要提一提那條長者專用通道簡直騙人, 係就係比較少人, 只是一條直排, 但移動速度奇慢, 排蛇餅明顯更快.

口岸其他位置如深圳河上的天橋, 港方的閘口前和通道也是暢通無阻, 沒有任何爆滿的跡象.

落到巴士總站, 看似很多人候車, 不過B7 B8都能夠一車上晒大部份候車乘客, 不用企到貼晒玻璃, 有客寧願等下一班, 而B9因為候車人數很少, 故未見到上客情況.

香園圍口岸除了有巴士提供服務, 私家車泊口岸也佔了一定過關人數, 係有別於其他陸路口岸.

容許大膽批評一點: 北上過關後, 深方過安檢的排隊圍欄設計真係豬都冇咁蠢, 沒人排的蛇餅也要人由頭走到尾, 不管你是長者還是輪椅人士都不例外.

無論排隊過關抑或等巴士, 眼見條龍/蛇餅勁長, 實際上未必需要太長時間去消化, 例如B7粉嶺站站頭排到出新運路, 一部12.8米行李架車都可以消化到.

過關慢最大原因, 應該係有人唔知閘機可以插卡, 平放證件又睇唔明向上向下定係要反轉放, 插卡嘅唔識晶片向上向前, 呢類情況其實每個口岸都會發生.


廢話連篇, 回正題:

香園圍口岸係就係過左設計容量, 不過商業城旁邊的商場仍有九成舖位未租出, 蓮塘口岸地鐵站仍未見人滿為患, B7 B8 B9 直巴服務仍有可觀的服務增長空間.

設計時未有疫情, 沒有港人「報復式」北上旅遊/即日來回的概念, 也沒有預留掃「黑碼」的位置, 位置明顯不足的地方就只係蓮塘口岸商業城-大陸關口之間的來回通道.

只要加闊商業城-大陸關口之間的行人天橋, 拉直北上大陸關後至商業城的走線, 我相信此口岸的暢達度會明顯急升, 超出設計容量也不是問題.

horivhyc 發表於 2023-8-6 22:06
我現場所見係開緊車海，完全冇按到ETA去開
實際更加試過4分鐘就開一班

昨日中午北上, 貪得意打關B8 ETA瞄瞄, 嚇到我即刻唔諗B7, 因為觀塘搭74X入廣福邨轉B8性價比更高.

ETA顯示B8北上班次開緊15分鐘一班, 到我真正搭緊80X上大老山時再瞄ETA, 大圍開緊4-15分鐘/班.

大老山轉完75X仲快過我觀塘唔上那班74X到廣福邨, 連同我只得2人排B8, 但我已經冇位坐, 這班距離上一班隔左15分鐘.

廣福道有條長龍, 有人話上一班有位坐, 大埔區每個站都有人上, 結果埋完太和邨剛好頂閘, 大埔區只有兩位長者落車.

從觀塘上80X至香園圍口岸巴士總站, 剛剛好65分鐘.

lauivan 發表於 2023-8-6 22:55
正路應該開一至五，等D $2 廢老吾好迫哂星期六日先返上去

如果日日有車開, 沙田同大埔班老人家隨時唔理星期一二三四五六日, 日日打爆架B8.

TN381 發表於 2023-8-6 23:16
紅巴就係開緊30分鐘一班

港東人去深東, 港西人去深西, 過左關就有深鐵駁腳, 去邊都咁方便, 屯門 元朗去珠澳又近, 多種選擇之下, B9少客實屬正常.

EX-TL 發表於 2023-8-7 11:06
如果日日有車開, 沙田同大埔班老人家隨時唔理星期一二三四五六日, 日日打爆架B8. ...

其實日日都開反而吸引到有 $2 來往沙田大埔

EX-TL 發表於 2023-8-7 11:11
港東人去深東, 港西人去深西, 過左關就有深鐵駁腳, 去邊都咁方便, 屯門 元朗去珠澳又近, 多種選擇之下, B ...

B1仲恐怖，2-3班一齊都清唔到客，正班喺天祐已經坐滿，去到過大陸關，塞完掃黑碼到塞check證件，自助通道只係開咗～20幾-30幾條，然後再塞過行李機嗰個位

joechau123 發表於 2023-8-7 12:21
B1仲恐怖，2-3班一齊都清唔到客，正班喺天祐已經坐滿，去到過大陸關，塞完掃黑碼到塞check證件，自助通道 ...

B7 B8知名度未夠
客量仲會再上升

反而問題係連九巴都唔夠車做一條B1
城巴將來會點算?