有議員倡經洪水橋建快綫連接港深機場

DIH 發表於 2023-10-21 11:07
欣澳至小蠔灣一段雙軌仍然會限制班次，未計東涌綫加站及遠期北港島綫的影響。必須先對北港島綫「有個說法 ...

TCLAEL樽頸始終在青馬大橋，無論點加站，都係行 24tph 所以欣澳-機場段，每小時會有 8tph 的剩餘運力，呢個班次作為通勤線路當然唔够，但反而作為機場快線2.0就十分適合...

SV3077 發表於 2023-10-21 12:39
點解條機場快線一定要先兜欣澳然後去洪水橋? 唔可以直接由博覽館站拉去洪水橋站? 用意何在?
...

如果完全重新起一條洪水橋機場鐵路，當然係無必要兜欣澳。但因為 欣澳-洪水橋 呢一段鐵係本身就計劃佐起，所以善用機遇，靠聯絡線駁埋機鐵，雖然路程比直線連通要遠，車程會長幾分鐘，但造價方面大大減少，幾乎只係一個零頭...

garyz 發表於 2023-10-21 18:30
如果完全重新起一條洪水橋機場鐵路，當然係無必要兜欣澳。但因為 欣澳-洪水橋 呢一段鐵係本身就計劃佐起 ...

好奇一問 前排有報導指港深西部鐵路有機會採用輕軌系統
其實同現有機場快綫/URL規格係咪相容？

he_01 發表於 2023-10-21 18:40
好奇一問 前排有報導指港深西部鐵路有機會採用輕軌系統
其實同現有機場快綫/URL規格係咪相容？ ...

唔知啲料邊度來...
一條跨都市線若果以輕軌規格設計，難以想象，不太令人信服

遲早屯門16區站
加條線經望后石，去機場/東涌

garyz 發表於 2023-10-21 11:11
反而覺得機場駁機場只係錦上添花，對香港機場最眼前實際意義，是能够方便吸引到前海/深圳灣兩大核心商務 ...

要方便，即係要一次出境就上得飛機，一樣要直入禁區。
現時機場來往內地既渡輪就係咁玩法。

Toz 發表於 2023-10-21 22:06
要方便，即係要一次出境就上得飛機，一樣要直入禁區。
現時機場來往內地既渡輪就係咁玩法。

可以直入禁區，少一道出入境當然最完美

不過考慮到其實香港機場出境手續本身係極有效率，根本上從來唔需要排隊，如果將來將登記易安排擴展到內地旅客，建議方案無得直入禁區既劣勢，其實實際影響都無想像咁大

同一時間，唔入禁區都有唔入既好，就係有機會可以引啲客去機場城市sky city購物遊玩，呢個本身都係機場既發展策略

garyz 發表於 2023-10-21 22:24
可以直入禁區，少一道出入境當然最完美

不過考慮到其實香港機場出境手續本身係極有效率，根本上從來唔需 ...

可以直入禁區，不等於唔可以係禁區外設站。而機鐵係肯定不可以直入禁區。

而且，新起一條仲可以順道連通港珠澳。

garyz 發表於 2023-10-21 09:18
hkitalk 唔少朋友都係鐵路和規劃方面專家，所以詳細少少介紹下個構思，大家聽完再闹都唔遲...=）

新機場快 ...

1. 如果要實現你嘅建議，是否代表東大嶼鐵路及前海鐵路均需要使用LAR機電及列車規格？
2. 根據正苦俾出嘅東大嶼鐵路走線係行海底隧道，是否已經得知由海底隧道至北大嶼山段渡線之建設成本？
3. LAR除欣澳站前後及將小蠔灣站以西外，均為雙線設計。增加新列車類型是否會影響日後東涌線班次？係你嘅考慮入面有無係班次上面有認真編排過？如需複線化LAR成本為多少？
4. 如果我係深圳市民，點解要去香港機場而捨棄更近更方便之深圳機場？唔通深圳宜家無國際航班？
5. 當年WEL係研究個陣已經講緊玩空鐵聯運，深圳出境後坐鐵路直達香港機場禁區範圍，香港機場車站整合港珠澳大橋香港口岸，乘客落車後只需轉乘機場APM直達登機閘口。按照你嘅計劃，深圳居民需要先出境再入境先可以登上列車，去到香港機場要再辦理出境手續，點解你會覺得咁樣做依然有吸引力？

P.S. 見到殘體「鬧」字已經見到個誠意係邊啦呀乜議員

garyz 發表於 2023-10-21 22:24
可以直入禁區，少一道出入境當然最完美

不過考慮到其實香港機場出境手續本身係極有效率，根本上從來唔需 ...

其實你知唔知未清關旅客係香港法例下係一定要用bonded vehicle直接送入airside？
如果你個建議成立，即係機場站要擴建分開airside同non-airside，而深圳入黎嘅列車係唔可以接載其他乘客
咁樣個經濟效益係邊度？用盡條路班次就得？會唔會天真左？