港鐵復活節假期加密列車班次

ryumew 發表於 2024-3-28 15:00
深圳灣、蓮塘應該好快打爆，跟住又要報新聞見又話節假日開24小時又無咗影 ...

蓮塘爆就唔意外，而且深圳嗰邊接駁交通相對嚟講都一般

反而深圳灣應該做主力，尤其遲啲地鐵通車

Ricky403 發表於 2024-3-26 21:30
不過你講旅行團，起碼而家同2018年或之前相比多咗高鐵，高鐵團應該分流咗部分人，超過兩日嘅假期真係睇定 ...

復活節一大早出發嘅人仲有啲係返鄉下或拜山，但當中有部分用羅湖過關轉大巴。
開咗高鐵冇錯分流咗部分人，但同時北上熱潮比疫前更明顯，所以聽朝東鐵咩環境，可能同以前差唔多。
復活節連放四日，唔同平時一星期兩日甚至得一日假，絕對有條件去遠少少嘅地方玩。

琴日晏晝四點放學時間先由九龍塘搭入粉嶺，九龍塘上車同樣大把位坐，但入到新界越來越多人。
所以下繁向北出車載埋客絕對諗得過。

ryumew 發表於 2024-3-28 15:00
深圳灣、蓮塘應該好快打爆，跟住又要報新聞見又話節假日開24小時又無咗影 ...

深圳灣多旅行團集合。
蓮塘就唔清楚，似乎冇乜團喺嗰邊集合，接駁交通又一般般，清晨未必咁爆，但泊香園圍過關算方便。

同埋話延長通關，到依家冇消息，即係復活節長假唔會有，半夜趕返香港焗住用晒皇崗。
反而清明節係內地假期，4-6號放假，7號星期日補返工，唔知會唔會話延長甚至24小時通關。
如果清明節連假先延長，但7號冇延，咁就一巴車落香港人塊面到。

~06:23九龍塘開出往落馬洲列車，過沙田已見紅，下一班落馬洲車隔成20分鐘，等迫爆。
06:42大圍往羅湖，過九龍塘六卡見紅，大學後更九卡全紅。
跟住後面嘅落馬洲車沙田起亦六卡見紅，每班車車程都明顯加長，甚至無啦啦見2分鐘一班，相信目前北行情況相當惡劣。

TA7343@N241 發表於 2024-3-29 06:40
~06:23九龍塘開出往落馬洲列車，過沙田已見紅，下一班落馬洲車隔成20分鐘，等迫爆。
06:42大圍往羅湖，過九 ...

唔知係延誤定係8點起再派多咗加班車，北行總站啲開車時間都怪怪地，上水就出現「2分鐘間距」，但啲車可以dwell咗成分鐘以上
有趣嘅係羅湖過關人數唔算太多，見到有班羅湖車埋粉嶺前頭三卡紅，埋完粉嶺頭卡居然變番黃🤣應該落咗班人轉B7

清晨五六點北行好似係咁疏，羅湖車7/14分鐘一班，落馬洲車21分鐘一班
但南行就密好多🤭落馬洲頭班晏開加上羅湖貨場出車南下
所以無雷公咁早又比較難玩向北出車，逼下囉，大時大節呢啲，加班係人情，逼車係預咗🤣

10點幾都仲係搞唔掂，講緊已經開多咗起碼兩架車上落馬洲🤣平時見有大埔墟車落馬洲同羅湖應該已經1：2，但今日唔係

Ricky403 發表於 2024-3-29 10:32
唔知係延誤定係8點起再派多咗加班車，北行總站啲開車時間都怪怪地，上水就出現「2分鐘間距」，但啲車可以 ...

感覺綠線東行頭車同東鐵北行落馬洲到九龍塘班次唔match。
搭綠色線頭車06:21九龍塘一開門，要2分鐘內拖住喼衝到上東鐵月台，應該係難度幾高嘅任務，否則焗住等到下一班06:44。

另外，而藍田站同紫線沿線轉西行頭車，最快約06:26到九龍塘。
同樣，金鐘東鐵頭車開06:10，到九龍塘又係約06:23，住港島東可能再遲少少。
所以，當市區幾條線頭車差唔多齊齊同一時間轉東鐵入到新界，加上東鐵又keep住疏車，新界段06:30開始就災難級爆棚。

反而我自己睇啲班次，同平時假日冇乜分別，一樣有大埔墟特車，而且兩班過境線車相隔達8-9分鐘，當然就卡卡紅咁滯。
相信真係有延誤而唔係加班車。
大時大節頭尾日嘅過境線，邏輯上唔應該用平時星期日去應對。
至少要tune返清晨班次，例如金鐘頭車開始已經係4分鐘一班。

TA7343@N241 發表於 2024-3-29 12:12
感覺綠線東行頭車同東鐵北行落馬洲到九龍塘班次唔match。
搭綠色線頭車06:21九龍塘一開門，要2分鐘內拖住 ...

應該太多客搞到每個站dwell時間長咗好多
之後落馬洲關口好似食唔晒啲客
影響埋東鐵綫

10幾有朋友諗住大圍上車去大埔 九龍區嘅站已經打爆
新界站冇乜人落車 等咗五班車都上唔到

AVBE46 發表於 2024-3-29 12:22
應該太多客搞到每個站dwell時間長咗好多
之後落馬洲關口好似食唔晒啲客
影響埋東鐵綫

玩死本地客

TA7343@N241 發表於 2024-3-29 12:12
感覺綠線東行頭車同東鐵北行落馬洲到九龍塘班次唔match。
搭綠色線頭車06:21九龍塘一開門，要2分鐘內拖住 ...

有加班車
啱啱見到至少兩架加班車做沙田特返何東樓
唔知係咪因為關員要食飯決定唔再送人上關口住
不過一收加班車加上累積落黎嘅延誤就搞到大甩班

九東將軍澳真係清晨出發又避開人潮嘅，其實早少少搭N293/N796去旺角東上九龍段落馬洲或羅湖頭車，或者直頭畀多少少的士去關口實際啲
今日都大把人咁樣做緊，深圳灣成條的士龍倒塞出條橋🤣

P.S. 附是日四班車入面三班落馬洲一班羅湖奇景🤭