深圳考慮將港鐵東鐵線引入羅湖境內

https://www.hk01.com/%E7%A4%BE%E ... 8%E5%A4%A7%E6%A8%93

深圳擬開發羅湖區過境土地　東鐵線直達重建後口岸大樓

深圳羅湖區政府早前推出四個集中連片區域開發計劃，當中包括鄰近羅湖口岸的過境土地B1地塊。當地相關部門表示，考慮將香港港鐵東鐵線引入羅湖境內，並在重建後的羅湖口岸實行「一地兩檢」，期望以後坐東鐵線的乘客，可在約50分鐘車程內，從深圳的核心區羅湖，直達港島的核心區。

來源：香港01

呢樣野李市長兩年前已經講過

深圳當局用意雖好，但我自己不太贊成，亦不贊成東鐵「R-Train」改去深圳「B1地塊」做總站囉！深圳「B1地塊」應用作高鐵香港段的「羅湖分岔線」的新建地下車站去使用。

1）東鐵改道去羅湖火車站以西「B1地塊」，勢必影響「羅湖編組站」的鐵路工程車輛運作，亦會影響中國內地鐵路列車與東鐵綫路軌之連接，亦會影響得月樓、料壆附近之鄉郊環境

2）香港方面現時規劃除文錦渡運輸走廊，亦有「沙嶺數碼城」及超過五萬人居住的馬草壟發展，而新界東面的居民一樣也要前往新田科技城以至洪水橋上班，如果東鐵線在未來的規劃上只是指向深圳而未能同時服務新界西北，便會加劇路面交通（新田公路、北都公路），以及上水火車站附近的公共交通之間的轉乘流量負荷。

深圳市內地下管道設施稠密，如果東鐵改道使用深圳「B1地塊」的話，就只會被春風隧道「頂住」，無辦法因應香港境內進一步的運輸需求而作進一步拓展

3）北環線東延段，在古洞至文錦渡之間，會於虎地拗附近增設與東鐵線轉乘之新車站，倘若東鐵路軌走線向西遷移，「虎地坳站」就未能讓東鐵線及北環線能夠作上下層平行轉乘

4）因應交椅洲發展及當中的長跨海路段，香港境內已有聲音，建議將使用交流電的東鐵綫於金鐘站以西，經過港島西區、交椅洲，以前往屯門及新界西北，倘若新界區長途鐵路能以「V字形」同時服務北部邊境、維港都會區及新界西北的話，為何不能將北部邊境及新界西北的人口密集區域作直接之鐵路連接？去形成約100公里長的「環迴東鐵綫」？

至於深圳「B1地塊」，似乎用作高速鐵路「羅湖分岔線」之新建地下車站會更加合理。

TYChow 發表於 2024-5-13 15:29
深圳當局用意雖好，但我自己不太贊成，亦不贊成東鐵「R-Train」改去深圳「B1地塊」做總站囉！深圳「B1地塊 ...

有咗塘廈聯絡線，起羅湖聯絡線有乜意義？

香港出發的高鐵其實都排得幾密，有幾多空間去容納新嘅客流？

不過香港羅湖橋本身好短，一唔一地兩檢都係咁上下時間。即使起新口岸大樓，在不影響現有鐵路之下原址重建都平過咁搬，仲可以一次過駁通羅湖、羅湖西、現羅湖站甚至引入埋北都線。

重建其間北環線連接新皇崗同九龍塘，東鐵就落馬洲連接金鐘，人流上都唔會食唔哂。

或者可以考慮一下重建深圳站? 在深圳站撥部份候車室及一個月台為港方口岸區, 實施 "合作查驗, 一次放行" 過關

mak5052 發表於 2024-5-13 22:56
或者可以考慮一下重建深圳站? 在深圳站撥部份候車室及一個月台為港方口岸區, 實施 "合作查驗, 一次放行" 過 ...

其實我最大嘅關注係深圳市羅湖區「深圳火車站」附近往來新界西北部（古洞、新田、元朗、屯門方向）嘅乘客流量
如果東鐵嘅羅湖火車站軌道，由現時「南北走向」改為「東西走向」（與「春風隧道」平行），預留空間俾「R-Train」可以由羅湖向西行去屯門、大嶼山及交椅洲嘅話，咁我就無咁Concern「R-Train」是否過河。

如果將「深圳火車站」全面重建，地底用作「一地兩檢」口岸，擴大聯檢等候區範圍，其實會比現時理想。

當然，如果新嘅東鐵羅湖火車站，喺返「港界範圍」，喺現有車站以東改作地底「東西走向」嘅月台，咁邊境管制上亦會比起「R-Train」過河簡單，亦可同時服務「沙嶺數碼城」嘅上班一族。

巴士的膠 發表於 2024-5-13 22:33
有咗塘廈聯絡線，起羅湖聯絡線有乜意義？

香港出發的高鐵其實都排得幾密，有幾多空間去容納新嘅客流？

廈深聯絡線只係比較方便西九龍往來惠州方向嘅乘客，但係會Bypass咗深圳坪山站

但係而家係深圳當局想去起「深港東部快速軌道」，由深圳坪山站去羅湖，想再利用東鐵接駁去九龍市區，但係咁樣做法，其實都係會增加東鐵嘅乘客流量壓力

TYChow 發表於 2024-5-13 23:28
廈深聯絡線只係比較方便西九龍往來惠州方向嘅乘客，但係會Bypass咗深圳坪山站

但係而家係深圳當局想去起 ...

無羅湖聯絡線應該只係唔可以坐高鐵去老廣深線平湖到羅湖一段，去廈深係深圳北換向就得。而廈深出入西九龍連凳都唔轉，其實係咪要停足四個字都可以商榷。

往經贛深去老廣深係經東莞嘅塘廈，呢個取代咗羅湖聯絡線大部分功能之餘，贛深車次都唔係好多，仲可以同時有車由深圳羅湖開上去，所以見唔到有需要起羅湖聯絡線。

至於大西北去羅湖區，將來已經可以由北環線去皇崗，轉深圳地鐵去目的地都一樣方便，遠期仲有北環二期可以連接羅湖南。其實深圳地鐵比香港平同密集，以洪水橋去前海轉深圳11號線去到羅湖區，總車程同車費都唔一定輸。

巴士的膠 發表於 2024-5-14 09:27
無羅湖聯絡線應該只係唔可以坐高鐵去老廣深線平湖到羅湖一段，去廈深係深圳北換向就得。而廈深出入西九龍 ...

其實昵件事根本係深圳市羅湖區有個「官長」話：「新建一個『一地兩檢』的羅湖口岸，實現(香)港東鐵從深圳的核心區羅湖，直達港島的核心區，只要50分鐘車程，讓兩地核心區域之間的產業發展實現深度交融。」


之後呢一句俾電視「大台」「Cap」低咗，再俾其他報紙同電台又「Quote」咗出嚟，結果咪喺香港引發軒然大波囉！


皆因深圳啲官長都博政績，於是咪連香港啲鐵路都想拉入深圳囉！但係佢哋又唔熟悉香港嘅城市規劃同運輸流向，無研究過赴深港人係原居喺邊個區域，之後有啲香港建制派又太過「盲從」深圳嗰套，結果就俾人認為香港被深圳規劃囉！


呢件事反映根本係香港政府嘅思維同規劃太過滯後，尤其深圳嘅城市發展快到日新月異，2023年恢復通關之後，深圳市政府近乎不惜功本去吸納香港人去消費，香港政府根本就無力招駕，結果就攪到羅湖管制站成日爆棚，但係香港商舖就日日執幾間！

深圳班官長咁著緊香港東鐵可以過河，咪就係因為佢哋想起條「深港東部快速軌道」，由羅湖通去坪山，以拓展深圳東部嘅經濟，但係佢哋又用乜嘢理由嚟說服國家監管當局批准興建？咪話要「對接香港」、「對港宣傳」，於是就拉埋香港落水，去增加深圳自己嘅叫價能力！

深圳班官長咁想對接香港，但係香港嘅東鐵又未必係最合適，咁我咪惟有話利用「羅湖分岔線」，由坪山經羅湖直出西九龍，等東鐵「R-Train」可以專注返新界沿途各站之間嘅乘客囉！

而且香港「鐵粉圈子」已經流傳，新界西北經交椅洲至港島嘅鐵路線，總站又唔可以只係去到港島西區，可能到最後咪又係要駁返落東鐵！

如果成條東鐵都係要由羅湖開始，經過新界東面出到九龍同香港島，再經過交椅洲同大嶼山去到屯門、洪水橋！

當㗎車都可以去到洪水橋，就不如行埋十八鄉、錦田南、石崗，穿過雞公嶺兜返去新田同羅湖仲好過啦！咁大埔嘅乘客要去新田返工，或者屯門街坊經羅湖過境，都可以使用東鐵服務，同時減少對專利巴士嘅依賴，同降低新田公路、北都公路及上水火車站附近街道嘅交通流量負荷。

但係而家大家未出現到「環迴東鐵線」嘅「圖畫」呢！不過，如果呢幅圖畫能夠實現，平衡返香港各區嘅經濟動力，效益遠較當下好得多！