【票價】從港鐵FAM2024車費表推敲「修正不規則票價」的邏輯

港鐵昨天(6月30日)調整票價，加權平均加幅為3.09%。為了處理屯馬綫車費不規則，以及拉近與東鐵綫票價的差距，部分車程票價加幅遠高於平均值（附表中以紅色粗體字標示），部分則遠低於平均值（附表中以綠色粗體字標示），而東鐵本地線由新界前往九龍塘至紅磡各站加幅高於平均百分比的車程，則由降低過境線的加幅 (大部分只加2.46至2.76%，較平均值加少 $0.1 至 $0.3 不等) 冚返條數。由各個車程組合的加幅，基本上可推敲出港鐵的處理前九鐵幾條路線水位不一及因兩鐵合併造成的票價不規則問題之大概邏輯及方向：

只要條數做到平均加幅3.09%, 其餘細項點樣加基本上係冇王管! 任由港鐵隨心去加!
以地區來講, 新界東今次係災區, 加幅隨時達到4%,或者5%

好似寫漏咗屯元天去荃灣西都係 $14.5 加到 $14.9

另外輕鐵同鐵巴都加重手，最低級車費最少加2毫

toyl 發表於 2024-7-2 13:24
好似寫漏咗屯元天去荃灣西都係 $14.5 加到 $14.9

另外輕鐵同鐵巴都加重手，最低級車費最少加2毫 ...

屯元天錦去荃灣西至南昌並不屬於需要修正的車程組合範圍內，係按平均加幅（接近3.09%）調整，因此無列出。

重點關注地區似乎有兩個
一是整個沙田區
二是屯馬線美孚至何文田一段

HU6455 發表於 2024-7-2 12:33
只要條數做到平均加幅3.09%, 其餘細項點樣加基本上係冇王管! 任由港鐵隨心去加!
以地區來講, 新界東今次係 ...

計返 KCR network 各站的非加權平均加幅，又冇想像中加咁多，全部均低於4%：
- 低於3.09%的有18個車站(佔45%)，高於3.09%的有22個車站(佔55%)，40個車站合計的非加權平均加幅為3.139%
- 最高加幅依次為3.58%(大圍、沙田)、3.57%(南昌)、3.55%(旺角東)及3.50%(顯徑)
- 最低加幅依次為2.65%(羅湖、落馬洲)、2.80%(尖東)、2.93%(土瓜灣)、2.96%(宋皇臺)及2.99%(粉嶺、上水)

* 兩個鐵路網絡的轉乘車站(i.e. 九龍塘、金鐘、鑽石山、何文田、尖東/尖沙咀、南昌、美孚)、九鐵網絡南北線與東西線的轉車站(i.e. 大圍、紅磡)及地鐵網絡市區線與東涌線的轉車站(荔景、香港/中環) 均只計算一次。

淨係收得最貴又多人嘅羅湖落馬洲加得最少呢點,
已經令到普通客俾多唔少錢...
而沙田區算係加價嘅重災區, 本身又唔似南昌呢啲特別收得平

Quanta 發表於 2024-7-2 17:31
淨係收得最貴又多人嘅羅湖落馬洲加得最少呢點,
已經令到普通客俾多唔少錢...
而沙田區算係加價嘅重災區, 本 ...

而家龜鐵只係逐步拉番勻東鐵綫過境收得特貴而上水至紅磡收得特平嘅票價

相信遲早把紅磡當作尖沙咀及尖東站同級，旺角東站與旺角站同級，然後由紅磡至九龍塘大幅度加價。

hkaiw 發表於 2024-7-7 01:30
相信遲早把紅磡當作尖沙咀及尖東站同級，旺角東站與旺角站同級，然後由紅磡至九龍塘大幅度加價。 ...

紅磡與尖東/尖沙咀同級就預咗，因為鄰近的佐敦、何文田同黃埔都係呢一級。
旺角東就未必一定係旺角站同級，你見前幾年由顯徑去旺角東的票價係設定為與太子站同級。（事實上去旺角東的里程都係同太子較接近）
九龍塘如果大幅度加，最貴頂盡與石硤尾、樂富同級。