本帖最後由 HZ8186 於 2024-8-2 00:07 編輯
雖然呢個系列叫 ‘浸鹹水遇溺記’ ，不過老老實實 四年黎小弟旅途上都係安然無恙 - 小弟係搭乘五十程航班之中 最驚險既事應該都係 1. 搭港航之後遭天譴 同埋 2. 係奧地利航空上面差少少餓死 咁解～～
豈知黎到小弟要翻英國行畢業禮既時候就真係遇溺 - 仲要唔係浸一下就算 佢係一浪接一浪咁拍埋黎 - 即使小弟一年後望翻轉頭 都依然覺得刺激…
-- Flight Info --
LX425 BHX-ZRH HB-JCB Airbus A220-300 (BCS3) STD 1850 ATD 1917 (BST) STA 2135 ATA 2154 (CEST)
WK348 (LX8348) ZRH-HER HB-IHZ Airbus A320-200 STD 0600 ATD 0610 STA 0955 ATA 0945
-- Preamble --
二〇二二年，香港以外既世界已經漸漸復常，而世界各界亦開始拾起步伐，努力追回疫情兩年間失去既時間。小弟於英國就讀既大學亦唔例外 - 大學宣佈會補辦兩年前因為疫情延誤既畢業禮後 - 小弟便同家人一同前往英國參加畢業禮，禮成後就順便黎一個迷你既歐遊 trip。
於英格蘭中部行畢業禮後，小弟會同家人分道而行 - 家人會由當地機場飛往愛爾蘭遊覽當地沿岸景點，而小弟就會前往希臘既最大島嶼 Crete 參觀。今次趟旅程 小弟選乘荷蘭皇家航空 KLM 先由 Leeds 前往 Amsterdam，再乘 KLM 旗下既廉航 Transavia 前往 Crete 既最大城市 Herakleion。
-- An Ominous Start --
不過，跟唔上世界復常步伐既，除左香港、法蘭克福既地勤工人薪金、英國鐵路界工人既薪金、蘇格蘭渡輪服務以及英國候鳥既健康 (?) 之外，仲有阿姆斯特丹機場既運作。
疫情期間 世界各地都有唔少航空業人員轉投其他職業，唯復常後既 Schiphol 機場遇到既人才荒則比其他地方嚴重 - AMS 於各個部門皆遇上人手不足以及有經驗既員工大量流失既情況，甚至出現因為保安人手不足而導致乘客輪候三小時才可以通過安全檢查既情況...
即使 KLM 得以保留大部份旗下既職員，不過正如前幾回 遇溺記 提到，航空業就係一個環環相勾既行業 - 機組 地勤 工程 ATC 保安 etc. 基本上係缺一不可。 史基浦機場好快就推出措施限制乘客數量，並要求航空公司減少班次。而小弟出發前四日，小弟收到 KLM 既電郵通知表示 LBA-AMS 既航班因為 AMS 既限流措施而會取消，並表示可以安排小弟遲兩日出發，或者全額退款予小弟。
雖然 Leeds 同南約克郡都係一個值得遊覽既地方，可惜小弟既行程並唔容許小弟係英國多逗留兩日 - 查閱唔同既航班時間表後，小弟選擇全額退款，並購入瑞士航空 BHX-ZRH-HER 既 itenary - 先乘 Helvetic Airways 既 E190-E2 由百明翰前往蘇黎世，次日再乘 Edelweiss 既 A320 由蘇黎世飛抵呢個地中海既渡假勝地。
-- The Embraer Strikes Back --
百明翰機場係相當容易前往 - 當日早上，小弟先乘火車由前往百明翰既主要車站 Birmingham New Street，再坐一個站前往 Birmingham International 火車站 - 呢個車站係同時服務多個展覽場地 - 前往機場既乘客只需乘五分鐘纜車 就可到達 Birmingham International Airport。
小弟抵步後隨即前往辦理 Check-In 手續 - 雖然地勤辦事效率係幾高，惟由於漢莎集團旗下既航空公司會共用 Check-In 櫃檯，而當日差不多時間同時有分別前往布魯塞爾, 法蘭克福, 慕尼克同蘇黎世既航班，小弟最後等左二十分鐘先辦妥行李寄艙~~
順帶一提，今次並唔係小弟第一次經過呢個機場 - 小弟於 2017 年由英國飛回香港時都經過呢個機場，而該次更遇上一個 equipment change，由一部 Avro RJ85 將小弟送往阿姆斯特丹~~ 不過睇黎 呢個機場五年間都無太大既變化 - 乘客依舊都係要輪候半小時才可通過安全檢查進入候機區，候機區最大既食肆都係 Spoons ，而機場每個角落都會見到一間 WHSmith。
由於當日輪候安全檢查既時間比預期長，小弟進入禁區後就直接前往閘口 - 而閘口前係一部白紅色既客機 - 不過呢個並唔係一部 Helvetic Airways 既 Embraer E2，而係一部 SWISS 既Airbus A220-300…
果然人算不如天算 - 即使小弟千方百計編下乘坐 E2 既行程 (小弟原先購買既 KLM LBA-AMS Sector 都係由呢部巴西產既客機執飛)，小弟最終都係敵唔過 EQV 三隻字 - 咁就留待日後既遇溺記 再睇下小弟有無機會遇上呢部巴西製既客機啦~~ (Spoiler Alert: 會)
-- LX425 --
登機程序係相當有序 - 雖然飛機於 BHX 並沒有駁上登機橋，乘客係要先落樓梯到 Ramp 再登機 - 不過乘客好快便安頓好。機組人員向乘客進行安全示範後，飛機便進行 Pushback，滑行到跑道上。係兩部 Pratt & Whitney 引擎既驅動下，A220 係跑道未到一半已經 rotate 同急速爬升，往蘇黎世進發。
小弟先介紹下今日既 equipment 先 - 今日既派機係 HB-JCB，為一部 5 年機齡既 A220-300。瑞士航空同歐洲其他航空公司一樣，機艙論硬件上並唔會分開商務艙同經濟艙，並按照需求而調整商務艙既大細。今日只有兩名商務艙乘客，而分隔經濟商務既布簾則放於 Row 1 & 2 之間。
小弟獲安排坐 6A，係一個 Extra Legroom 既座位 - 同上回遇溺記提到既一樣， ZIM 既座椅雖然比較籤薄，不過由於佢既外型設計得好，佢既承托力係幾好 - 用作歐洲洲內短途航班既座椅係適合不過。最後，今日 “航班異動” 既原因好快就變得好明顯 - 雖然 A223 比 E295 多十個座位，不過飛機依然係座無虛席~~
進入巡航高度後，機組人員隨即開始 In-flight Service - 商務艙既乘客係有晚餐同酒水供應，而經濟艙既乘客則獲派發礦泉水一支。航班上係有三文治同飲料可供乘客付費購買，唯根據小弟目測，呢個服務當晚並沒有任何乘客問津。唯得到最好待遇既 無疑係機上既小朋友 - 機組人員先向每個小朋友派發畫筆同活動包，再派發小量零食同毛公仔 - 係歐洲做細路仔真係好幸福~~
飛機好快就到達蘇黎世上空 - 機組人員向乘客派發一塊細既朱古力之際，飛機已經沿 Lake Zurich 向 Klöten 緩慢下降 - 航班於 2150 分於 ZRH 降落，為小弟今趟旅程第一個 sector 作結。
餘下既旅程都好順暢 - 入境程序好快就辦妥，而小弟不久後已經同寄艙行李重逢。小弟踏出客運大樓就入住大樓對面既膠囊酒店，準備翌日清晨既前往 Heraklion，展開小弟既三日兩夜 Crete 之旅。
-- The Edelweiss Experience --
相隔唔夠六小時，小弟當早 0445 起床，簡單梳洗，便踏出旅館，走到對面馬路既客運大樓 繼續前往 Heraklion 既旅途。清晨時份既 ZRH 非常寧靜，而航空公司既櫃檯同安全檢查只有乘客兩三名。 Edelweiss 同 SWISS 於 ZRH 係共用櫃檯既 - 小弟好快為行李辦妥寄艙程序，就通過安全檢查 進入候機區。
ZRH 既客運大樓係非常時尚 - 雖然大樓既格調以黑色為主，不過配合足夠既燈光效果，客運大樓絕對無陰沈既感覺，反而能夠帶出一個摩登既效果。 早上既 ZRH 候機區係非常寧靜 - 除左小食亭附近比較有朝氣之外，整個客運大樓都係非常安靜同舒適既。
小弟先係度介紹下 Edelweiss 呢間航空公司啦 - Edelweiss 係一間於 1995 年由 Kuoni (勝景遊) 建立既 Leisure Airline，於 2008 年被 SWISS 買下，現時以 Zurich 為基地，服務全球各個渡假勝地。雖然 Edelweiss 係由 SWISS 全資擁有，並屬於漢莎集團旗下既公司之一，不過 Edelweiss 並不直接屬於星空聯盟既一員。現時 Edelweiss 擁有 14 部 A320 以及 5 部 A340，服務近至法國 Corsica，遠至泰國布吉 既各個渡假勝地。
WK348 既登機程序係有序同迅速 - 今日航班係有八成滿，乘客安頓好後，飛機隨即 pushback 並滑行到跑道上。太陽既升起亦代表蘇黎世機場宵禁既結束，係晨光第一線 早上六時十分，飛機於跑道上奔馳，向東南方向進發。太陽同航班一同爬升，並將腳下既 阿爾卑斯山脈 及 多羅米提山脈 用漂亮既晨光展示於乘客眼前。
到達巡航高度後，機組人員隨即開始今日既 inflight service - 同尋日既 LX 航班一樣，機上既小孩係得到最體貼既照顧，而每位小孩好快就獲得機組人員既問候以及一份活動包同畫筆。安頓好比較年幼既乘客，機組人員就焦點轉移到安頓好所有乘客既肚子。
好快，機組人員便推出一部載滿早餐既餐車，餐車頂部有一盤熱烘烘既麵包，而整個機艙瞬間被一股香濃既麥味佈滿。 不過小弟當準備掏出銀包向機組人員購買早餐之際，小弟發現 原來 Edelweiss 機上提供既膳食係不需另外付費既 - 呢一點其實小弟係完全無預料過既 - 歐洲大多既航空公司都唔會於短途航班上提供膳食，甚至 Edelweiss 既母公司 SWISS 都唔例外。就睇下今日既早餐味道究竟如何啦~~
每位乘客都獲派一個餐盒以及麵包同熱飲 - 餐盒入面有一塊薄餅，芝士同麥片，而麵包則任乘客選擇 - 乘客可以向機組人員說出要咩款色既麵包，而機組人員就會係麵包籃直接夾俾乘客 - 而今日小弟點左一塊麥包同一塊 brioche。呢個早餐係非常滿足 - 雖然份量唔大，不過食物款色同質素就幾出色 - 雖然塊麵包由機尾 Galley 推到機頭，再緩慢地由機頭推到小弟既座位，已經凍晒 (小弟仲要坐係 36E，i.e. 尾二個行)，不過整個早餐都係非常驚喜既~~
硬件上， Edelweiss 既 A320 機上係採用標準配置 - 同歐洲其他航空公司一樣，經濟艙同商務艙係採用同一個 3+3 既座位排位，並用一個布簾將兩者分開。飛機頭部份既座位會有一個比較寬闊既坐距，而後方經濟艙則有一個 31” 既坐距。座椅係比較纖薄，而椅背沒有娛樂系統，不過就有一個 phone holder 供乘客使用。
雖然座椅椅背並沒有螢幕，不過機上既娛樂選項並不限於窗外風景同航空公司既雜誌 - 乘客可以透過手機連上機上既 Wi-Fi 網絡，並觀看系統內既電影同電視節目，以及瀏覽機上商店及航班地圖。電影同電視節目選擇唔係太多，同時其語言選項並唔充裕 - 瑞士係一個擁有四個官方語言既國家，唯部份選項係連意法字幕都無。 研究完今日機上既娛樂項目後，小弟就決定小睡片刻 - 小弟醒來之際，航班已經於 Heraklion 以北既海域緩慢下降。
飛機準時於 0945 分降落 Heraklion International Airport - 呢個機場係 Crete 既主要機場，並於夏天時間係格外繁忙。等候巴士將乘客送抵客運大樓後，小弟取回行李後就登上當地既巴士，展開一個短暫既三日兩夜 Heraklion Trip。
-- 青出於藍勝於藍 --
實話實說，其實小弟一直都覺得 SWISS 係比其母公司優勝 - 儘管漢莎一直吹噓自己係 5*hansa 以及 *將會* 擁有一個頂級既商務艙體驗，不過 LX 一直係可以用有限資源提供一個穩定同實而不華既服務 - 小弟會認為兩者既 Premium Cabin 係旗鼓相當，惟 LX 既經濟艙則比 LH 既稍微有優勢 - 尤其當兩者價格有分別既時候 相信消費者係會用銀包投票既~~
另一個 LX 既優勢其實黎自其位於蘇黎世既 Hub - 呢個機場係非常實用 - 雖然機場係會分成 Schengen 同 Non-Schengen 兩部份，不過乘客係可以輕易於兩者之間穿梭，而 ZRH 既安全檢查同出入境程序都係有效率既。小弟多次於 ZRH 入境都係數分鐘已經辦妥手續，而 FRA 則係呢方面有待改善。
豈知 青出於藍勝於藍 呢句亦套用到係 SWISS 身上 - 雖然歐洲大多既航空公司都係比較穩重，於短途航班既營運上只會要求準時抵達，大家上到 Connecting Flight 就可，不過 Edelweiss 就俾到小弟一股清新既感覺 - 機上服務可以話係一個悠閒版本既 SWISS ，機組人員係有講有笑，而小弟都幾 enjoy 當日機上既氣氛。
而其 Business Model 亦值得大家留意 - 傳統上 歐洲既傳統航空公司 一直都係進軍唔到 Leisure Market - 大多都係 labour cost 太高，或者其價格高昂至不能同其他 LCC 相提並論 - 如果 Edelweiss 能利用其 Star Alliance Affiliate 既身份 以及於飛機上提供膳食 呢兩個賣點，相信呢間航空公司係絕對可以於歐洲競爭激烈既航空市場中穩足立腳~~
-- fin --
如果閣下鐘意小弟既飛行報告既話, 不妨睇埋之前寫落既其他旅行報告~~ 一個巧遇 Avro RJ100 的故事
一個尋找 CSeries 的故事
一個初嘗漢莎航空的故事
雖然地勤辦事效率係幾高，惟由於漢莎集團旗下既航空公司會共用 Check-In 櫃檯，而當日差不多時間同時有分別前往布魯塞爾, 法蘭克福, 慕尼克同蘇黎世既航班，小弟最後等左二十分鐘先辦妥行李寄艙~~
睇黎 呢個機場五年間都無太大既變化 - 乘客依舊都係要輪候半小時才可通過安全檢查進入候機區，候機區最大既食肆都係 Spoons ，而機場每個角落都會見到一間 WHSmith。
雖然 KLM 係今次趟行程既"元兇"，不過不得不提既係 KLM 既網站同埋更改行程幾過程 - 小弟係佢既網站好快已經可以瀏覽到可選擇既替代行程，而發現無適合既替代行程並選擇退款之後，小弟於翌日已經收到 KLM 既退款。
唔知係咪 A220 既關係，今日航班於 BHX 並沒有駁上登機橋，乘客係要先落樓梯到停機坪地面再經樓梯登機。
瑞士航空同歐洲其他航空公司一樣，機艙論硬件上並唔會分開商務艙同經濟艙，並按照需求而調整商務艙既大細。今日只有兩名商務艙乘客，而分隔經濟商務既布簾則放於 Row 1 & 2 之間。
Here comes the sun, spring has arrived
The ice starts to thaw, no clouds in the sky
But something feels odd
Did someone near me escape my memory?
[Child of Snow - per se]
今日既 “Inflight Entertainment” - 航空雜誌, Menu 以及安全卡
究竟乘客係買緊一塊送火腿芝士既木板，定係一份送木板既火腿芝士呢?
呢個頗特別既 Infographic 講述 SWISS 多年黎既機隊轉變。
A220 既其中一個特點就係位於頭頂既小螢幕 - 同椅背螢幕一樣係可以顯示出航班地圖，以及於降落前表示出航班閘口供轉機乘客閱覽。
實不相瞞 雖然小弟已經去過 ZRH 轉機五次， 不過小弟依然係從未踏足過瑞士既國土... I really should rectify this soon…
瑞士既效率真係唔講得笑 - 等候五分鐘辦妥入境程序後，小弟等多五分鐘已經拎得翻行李~~
瑞士真係一個相當獨特既國家 - 一方面禁止賽車運動以保障國民安全*，另一方面對菸草品牌既宣傳就相當寬鬆 - 蘇黎世機場眾多既吸煙室皆有菸草品牌贊助，對小弟而言真係有少少新奇... (後記：瑞士於 2022 年取消對賽車運動既禁令)
小弟一踏出客運大樓 就到對面既膠囊酒店入住，準備翌日清晨既前往 HeraklionP.S. Zurich Kloten Airport 既設計風格真係非常時尚 呢個膠囊酒店係一大驚喜 - 酒店除左乾淨整潔之外，佢既設施亦非常之齊全。除左有一個非常舒適既 common area 之外，佢既洗手間更設有一個 Spa & Sauna。
今次埋單 60 CHF - 如果閣下係一個 solo traveller ，並有需要係機場消磨幾個小時既話 - 小弟會強烈推薦呢間膠囊酒店~~
早上既 ZRH 係非常寧靜 - 除左小食亭同咖啡廳比較有朝氣之外，整個客運大樓都係非常安靜同舒適既。
今日既用機 HB-IHZ - 一部 23 歲既 A320-200
唔知係國民素質，定係大家都未訓醒既關係 - 今日航班大家都係平靜有序咁登機 (雖然小弟懷疑係後者...)
順帶一提，蘇黎世機場係歐洲內其中一個最嚴格執行航班宵禁既機場之一 - 周不時大家都會聽到前往蘇黎世既航班因為趕唔上宵禁而取消或改飛日內瓦 - 而今日航班都非常準時 - 宵禁於六時結束，而小弟十分鐘後已經於蘇黎世上空 往東南進發。
實不相瞞，小弟見到 & 聞到呢個麵包籃係身旁經過時 已經決定呢個早餐無論幾貴都好都會買份 - 二十歐兩塊麵包? Take my money! 或者呢個將來可以做一個營銷策略 - 先係機尾整一份雞蛋仔，用通風系統確保全個機艙都聞到個 (Yes I know air packs don’t work this way)，再 $68 蚊一份咁賣出去 - 包你賺到停唔到手~~
歐洲短途航班上 坐經濟艙又有咁豐富既膳食 可能已經要數翻去 遇溺記第一回 既 LX467 - 當時小弟對 SWISS 於機上派發既牛角包讚不絕口，可惜不久後 SWISS 跟隨其他航空公司既步伐，將經濟艙既膳食列為收費項目。
Edelweiss 既 “Inflight Entertainment” 並不限於窗外風景同航空公司既雜誌 - 乘客可以透過手機連上機上既 Wi-Fi 網絡，並觀看系統內既電影同電視節目，以及瀏覽機上商店及航班地圖，惟電影同電視節目選擇唔係太多。
經濟艙既座椅於歐洲內可以算係標準 - Seat Pitch 大約係 31” 左右，只要閣下唔高過一米八都唔會遇到太大問題~~
Heraklion 機場帶有重重既希臘味 - 其設施及辦事一定唔會係最新或者最有效率，不過只要大家有耐心 啲野係一定會做到出黎~~
呢個展示櫃既擺位係非常獨到 - 降落呢個地中海小島唔夠十分鐘 已經向各遊客提供一份離開前要完成既購買清單~~
機場外面係一遍狼藉 - 雖然路面有清楚標示，不過大部份人都沒有理會 - 有旅遊領隊慌張找回自己既團友，有白牌車招攬生意，亦有一個嘗試過馬路 唔好被車死既小弟。
And this wraps up my Trip Report! 下回 遇溺記 小弟會由 Heraklion 乘一班旅行社包機航班前往奧地利北部城市 Linz - 敬請各位期待~~
| 
樓主