啟德體育園人群疏散 廖振新：最壞情况需至鑽石山港鐵站

sunhoo 發表於 2024-10-8 10:32
又唔見傳媒質疑維港烟花散場時恰逢荃灣綫或西鐵壞車會點，係唔係要全員改去油麻地站。
根本就係特登拎啓德 ...

老實講，有大型設施落成，梗係要準備唔同情況啦
就算港鐵自己，都有為唔同站／路綫故障嘅應急方案啦

eternalflame 發表於 2024-10-8 22:58
講得出要行到去鑽石山站就證明正苦無信心
定係潛台詞話俾大家知零售館同美食港灣留唔到客 ...

夜場完咗散場呢？仲會有神心同你行零售館美食港灣？

JZ3968 發表於 2024-10-8 23:07
個人覺得, 呢個情況下九巴條5D應該要分擔下人流, 因為起碼可以駁去遠D嘅九龍灣、土瓜灣甚至黃埔站 ...

睇返紅館散場安排，要開都開散場搵銀綫啦整啲36S 41S R76S出嚟掠水好過啦

eternalflame 發表於 2024-10-8 16:03
個預案要去到幾極端先會用到鑽石山站先
或者用另一個角度睇，佢連正常散場個動線同交通安排都未公佈
又點 ...

屯馬一期通到去啟德站，而當局講明啟德站有應變方案。
由此推斷散場又咁啱加埋冧檔，可以開單邊都會照開。
鑽石山照計真係全冧嘅最壞打算。

甚至唔少外地場館，鑽石山係最近嘅車站。條路直接過去彩虹。

jpoon 發表於 2024-10-8 16:28
睇返紅館散場安排，要開都開散場搵銀綫啦整啲36S 41S R76S出嚟掠水好過啦
...

紅館响正東鐵同屯馬上蓋，D巴士都撈到客，啟德應該點都有架啦。

不過假若屯馬真係爆鑊，估計應該會全面變做去鑽石山/紅磡嘅穿梭車儘快清客。

jpoon 發表於 2024-10-9 00:24
夜場完咗散場呢？仲會有神心同你行零售館美食港灣？

有個咁嘅場地就唔只局限得夜場
完左散場仲有地方消遣都叫幫到解決人潮

s3n370 發表於 2024-10-9 00:39
屯馬一期通到去啟德站，而當局講明啟德站有應變方案。
由此推斷散場又咁啱加埋冧檔，可以開單邊都會照開 ...

屯馬全死，反而應該引導離場觀眾出返去太子道東或者九碼
叫巴士公司加強服務好過開臨時接駁去鑽石山
啟德本身個車路設計，接駁車出去都係要兜大圈
而鑽石山個邊係咪一時間容許咁多接駁車落客駁鐵都成疑問

行去鑽石山同彩虹站最大問題係個last mile唔夠闊
例如經東啟德公園落到四美街之後，要經啟鑽／啟祥中間條通道先落到地鐵站
而彩虹個邊一係行入村，一係就兜彩虹交匯處外圍行返入龍翔道落行人隧道
全部都唔係設計黎承受散場人流

eternalflame 發表於 2024-10-8 20:09
屯馬全死，反而應該引導離場觀眾出返去太子道東或者九碼
叫巴士公司加強服務好過開臨時接駁去鑽石山
啟德 ...

五萬觀眾假定用12.8，架架都上到歡樂滿乜乜載到150客計，
一分鐘開一班，都要五個半鐘先至清得哂D客。
太子道東仲有冇咁多巴士都成問題。
就算加強服務，點解唔係直接送客去最近有鐵路嘅車站，咁同一部車可以跑最多轉清到最多嘅客，
反而係加落一堆長一截嘅線度呢？
甚至我都只係話無事無幹咪做散場R線，有時就即時改哂做短途接駁？

另一例子係以往幾十萬人嘅遊行，維園出口同記利佐治街都唔係設計俾塞滿人嘅維園行出去，
多人起上黎幾個鐘後都仲未走哂。
拎呢個例子係想講，條路夠闊嘅咪由得人free flow，唔夠嘅咪安排糾察人潮控制。

散場預佐係鐵路做主力，當佢出事而其他選項嘅理論運力，
各自要幾個鐘先清到散場觀眾，一係更遠嘅車站（如何文田），
以及你講嘅渡輪、太子道東都會成為合理嘅選擇，
去到呢度都會自然形式多管齊下嘅格局。

eternalflame 發表於 2024-10-9 00:03
個預案要去到幾極端先會用到鑽石山站先
或者用另一個角度睇，佢連正常散場個動線同交通安排都未公佈
又點 ...

副局長講明係 worst case scenario 先行去鑽石山站，到時真係去到呢步之前應該都預備咗唔同方案

我覺得唔太需要過份解讀呢個特定方案，反正衰起上嚟你都冇得揀點都要慢慢行過去

s3n370 發表於 2024-10-9 00:00
衰D講句屯馬爆鑊開到8分一班，頂多咪散得慢D。

打風三上八，全港打工仔學校同時返歸，仲要萬一有線爆鑊 ...

平日返工時間掛八號本身一年都未必有一次
而真係令全港普遍吹強風至烈風嘅颱風，更加係幾年先有一個
天文台而家仲要好保守咁提早掛八號，真係有線爆鑊，仲有班人未走到咪遲啲先暫停巴士小巴尤其啲M線

啟德體育園散場有五萬人點都期望緊一年起碼有一兩次
假如要靠哂屯馬綫就要諗點樣減少出現牽一髮動全身嘅情況
不過政府講得出鑽石山，即係都唔指望龜做到/會去做🤭