hkitalk.net 香港交通資訊網

標題: 香港GTFS交通數據討論 [打印本頁]

作者: miklcct 時間: 2024-10-19 07:12
標題: 香港GTFS交通數據討論
本帖最後由 miklcct 於 2024-10-19 07:14 編輯

相關舊帖：
https://www.hkitalk.net/HKiTalk2/thread-1087155-1-1.html

話說香港政府喺2018年開始生產GTFS時間表，之前我喺2019年裝過個 OpenTripPlanner 玩下睇下啲資料點，但之後因為服務器成本都無再維護。

直到2023年，我喺倫敦搵到份工，就真係用 OpenTripPlanner 去整行程規劃應用程式，事隔一年半，而家個後台嘅火車資訊準確度已經超過 Google 同 Citymapper ，而間公司亦最近已經攞到 VC funding 。以下係一啲截圖：

(, 下載次數: 71) (, 下載次數: 43)

咁隻 app 雖然目前仍然重喺測試階段，個市場亦只限喺英國，但我已經改善到可以喺唔同時區用唔同服務器都無問題，包括挪威、芬蘭等等。既然已經有隻 app ，我而家自己又有服務器資源，咁我而家裝返上去玩下（雖然個服務器係VPS，所以好慢，只適合用來測試用）。

我直接用政府嘅 GTFS 入 OpenTripPlanner ，結果呢？啲結果勁恐怖，完全不切實際。

舉例：

旺角道（904站對面）去童軍總部，我預期係一面倒叫我搭地鐵，建議結果係搭3號小巴。原因：資料入面一條地鐵都無！

(, 下載次數: 49)

港大黃克兢樓去兆軒苑，星期一17:20出發，我預期大約要75分鐘，建議結果係全個行程45分鐘！原因：個系統覺得西隧口去屯門轉車站係1分鐘嘅事！

(, 下載次數: 89) (, 下載次數: 84) (, 下載次數: 87)

唔單只咁，政府嘅GTFS啲站名係炒埋一碟，啲路線又無頭牌（headsign），又無顏色，又無善用 translations.txt 來提供中英對照。
我個 OpenTripPlanner 服務器喺 https://transport.miklcct.com/ ，大家可以玩下，不過真係好慢，幾分鐘先出到結果，同埋用佢個 GraphQL 睇下啲資料；呢個係服務器問題，唔關軟件事。

至於民間資源呢？你大家睇下所謂「共筆型」網站，香港巴士大典嘅資料，同埋民間嘅應用程式 https://hkbus.app/ 以及 https://github.com/alvinhkh/buseta 等等贏過政府啲垃圾九條街。睇來如果我哋可以運用呢啲資源，整個合作社（Co-op）去整返個民間版 GTFS （隨時可能可以交埋上 Google Maps ），咁對全港市民都有好大幫助，無論係普通乘客定係交通規劃師，同埋可以用來恥笑香港政府嘅所謂開放數據。

香港嘅巴士服務比英國至少先進25年，地鐵服務比英國先進100年（我估啦，唔知100年以後英國地鐵全線有齊 step free 同埋幕門未呢？），但係資訊流通方面，卻比英國落後10年有多。

歡迎討論。

作者: kay 時間: 2024-10-19 08:26
呢個咪叫你保鐵
(, 下載次數: 70)

不過個人經驗
之前A19版有人出左D都棘手問題
去用例如POKEGUIDE去搵
結果都係麻麻地
有D本身有既OPTION無考慮在內

要整呢D野首先要有香港交通完整世界觀
另外DATA MANAGEMENT可能都要執過晒統一返所有野
呢D EFFORT同成本都襟計

反而政府叫你用香港出行易
城巴九巴叫你各自用返佢地APP
暫時邊個好用咪用邊個

作者: qunow 時間: 2024-10-19 08:38

kay 發表於 2024-10-19 08:26
呢個咪叫你保鐵

GTFS格式係世界標準，即係無論邊個國家嘅軟件，只要支援呢個格式，都可以讀到世界各地嘅交通數據。
想其他國家嘅軟件開發者喺引入全世界數據時事先理解香港交通系統並特意為香港交通系統調整，有幾多開發者會有咁多能力去做？

作者: noname617 時間: 2024-10-19 15:09
有興趣搞，唔介意課金！反正對香港係有好處，有時政府做d嘢都幾好笑，睇呢架小巴eta就睇，承辦商做多一步，但套系統都唔實時！你話幾好笑，搞前已經email負責個組！講完都唔會理

作者: kay 時間: 2024-10-19 15:31

qunow 發表於 2024-10-19 08:38
GTFS格式係世界標準，即係無論邊個國家嘅軟件，只要支援呢個格式，都可以讀到世界各地嘅交通數據。
想其 ...

咁IT呢行都要analysis同management
樓主直接用數據去RUN出事咪就係無做上面兩樣野結果

不過呢D功夫好蝦人
除非全職做否則吃力不討好

作者: noname617 時間: 2024-10-19 15:42

kay 發表於 2024-10-19 15:31
咁IT呢行都要analysis同management
樓主直接用數據去RUN出事咪就係無做上面兩樣野結果

單單睇1005佢自己個網同apps，經常被人追更新資料，人地係要返工同埋收工後me time，無義務要即時更新！有d人仲會想課金，要有更快的服務！呢下先勁！

作者: miklcct 時間: 2024-10-19 15:51
本帖最後由 miklcct 於 2024-10-19 15:53 編輯

kay 發表於 2024-10-19 15:31
咁IT呢行都要analysis同management
樓主直接用數據去RUN出事咪就係無做上面兩樣野結果

人哋芬蘭官方HSL都係用呢套軟件 OpenTripPlanner ，呢個格式 GTFS ，咁香港搞成咁擺明係人嘅問題，唔係機嘅問題啦

至於ETA呢就係後話，但係承辦商交俾政府嘅ETA係唔係用國際標準 GTFS-RT 或者 SIRI 先？

作者: Alex_Chan 時間: 2024-10-19 22:57
大家都討論得很專業，但對於當局來說可說是對牛彈琴，因為他們根本就不認識和理解你們所講的，開放數據對當局來說是政績工程，重量而不重質，開放了就等於完成了，坊間用唔用得著或者數據質素，已不是他們關心或可以控制到的。唯一例外是ETA數據，因為是全政府使用量最多的開放數據集，或多或少都會比些心機去「維持運作」(注意，是維生，不是創新)。

什麼統一數據標準或是定立一套準則，這已經遠遠超過他們的認知和能力，所以都不要抱太大希望了，不用講到英國咁遠，一河之隔的內地都已經做了全面的交通數據標準化工作，甚至做到整個城市所有公交公司和商用車都要依照同一標準去提交實時數據（當然這是由政府主導和資助的），香港落後何只十年？

巴士公司有沒有人識GTFS？是有的，事實上某公司早幾年已經開始直接提供編定班次和行車路線資料比Google Map，當然是要跟GTFS Static標準，但為何沒有進展到real time？相信稍為認識香港交通生態的各位可以想像得到...

還記得某公司早年先行開放數據，之後比對家利用來賣自家廣告，有這樣的背景（當中還有更多不能說的內情），也難慣開放數據會到此為止。

以樓主提到的journey planner為例，即使最開放和「無所謂」的公司，都會問如何可以確保在開放數據後，搜尋結果可以做到公平公正，更不用說商業機構需要先確保自家利益，要求的並不只於公平公正。

因此，除非有合適的政策推動，否則樓主提及的願望大概只能依照民間有識之士努力了（因為本質上與商業機構的agenda有所矛盾）。「孝感動天」App可說是極小數民間推動的成功特例，不過以目前的情況來講，除非真的有強大和有抱負的金主牽頭和不計ROI去推動，否則要更進一步在香港做一個見得人的journey planning app，似乎不太可能了，因為當中的難度和需要的時間絕對是超乎大家想像的，香港是有這樣的人材（例如上面幾位樓主），但大家都要食飯的。

另一方面，GTFS大概只是最基本，要做到真正個人化的行程規劃以至MaaS，還需要更多的數據和公眾支持，外國是有App和其business model做到的，可惜香港遠遠未有足夠的條件，結果與機會擦身而過，這是另一個故事了。

歡迎討論交流。

作者: miklcct 時間: 2024-10-20 18:56
開發 journey planner 嘅目的當然要係製造一個 operator neutral （不偏頗任何營辦商）甚至 mode neutral ，而且做到個人化行程規劃（我#1隻應用程式就係主打呢樣）。我最近聯絡到香港某名相關人才，比我猛料好多嘅專家（公司名叫Conveyal），佢多年前研究過整呢啲不過當年嘅 data 係問題

作者: kay 時間: 2024-10-20 19:13

miklcct 發表於 2024-10-20 18:56
開發 journey planner 嘅目的當然要係製造一個 operator neutral （不偏頗任何營辦商）甚至 mode neutral ...

其實你搵到人
不如8下搞咁大壇野要洗幾多錢

作者: miklcct 時間: 2024-10-23 16:26
另外我想了解下而家小巴實時資訊方面流通如何？啲系統提供小巴客滿資訊可靠嗎？

作者: noname617 時間: 2024-10-23 19:49
本帖最後由 noname617 於 2024-10-23 19:52 編輯

miklcct 發表於 2024-10-23 16:26
另外我想了解下而家小巴實時資訊方面流通如何？啲系統提供小巴客滿資訊可靠嗎？ ...

請問邊條線已經顯示埋架車滿載先！印象中td未搞到喎

另外專綫小巴實時到站呢樣唔係好實時到，因為td主導係只會要求系統承辦商預先入服務詳情表的表列班次，假設小巴承辦商開得更密同系統無落更新班次指示，個系統會係流的！

作者: miklcct 時間: 2024-10-23 23:16
本帖最後由 miklcct 於 2024-10-23 23:21 編輯

noname617 發表於 2024-10-23 19:49
請問邊條線已經顯示埋架車滿載先！印象中td未搞到喎

另外專綫小巴實時到站呢樣唔係好實時到，因為td主 ...

GTFS-RT 標準係支持顯示車輛載客率，狀態包括EMPTY：吉車
MANY_SEATS_AVAILABLE：大量座位
FEW_SEATS_AVAILABLE：少量座位
STANDING_ROOM_ONLY：企位
CRUSHED_STANDING_ROOM_ONLY：企滿人
FULL：頂閘
NOT_ACCEPTING_PASSENGERS：頂閘飛站

https://gtfs.org/documentation/realtime/reference/#enum-occupancystatus

當一部19座小巴坐足19人，個 status 就會變做 NOT_ACCEPTING_PASSENGERS

作者: noname617 時間: 2024-10-24 06:08

miklcct 發表於 2024-10-23 23:16
GTFS-RT 標準係支持顯示車輛載客率，狀態包括EMPTY：吉車
MANY_SEATS_AVAILABLE：大量座位
FEW_SEATS_AVAI ...

標準有又點
但服務商無提供，同本身現行系統係流，為做而做，仲有開車提示果到個班次係有如時間表準時開先會消失預定班次，但開密左或頭班車早左無向運輸署通報都唔會改系統，直係假設1000頭班車，佢提早到0900，td套系統唔會show到實時班次！

作者: miklcct 時間: 2024-10-25 00:08

noname617 發表於 2024-10-24 06:08
標準有又點
但服務商無提供，同本身現行系統係流，為做而做，仲有開車提示果到個班次係有如時間表準時 ...

所以我咪睇下整套「車隊管理系統」，做小巴公司生意嘅可行性。呢啲車隊管理系統全自動化運作，只要連到落個電牌讀個 trip pattern ，部車識得發GPS位置上 server 個系統就識配對，出個ETA落個feed。

作者: Alex_Chan 時間: 2024-10-25 01:17
事實不是你講咁容易，現時政府小巴系統其中一分判商，本身就是在香港做小巴車隊管理系統的初創公司和先行者，不過套系統個經過政府和大判商之後，就變成今日咁嘅樣。

這間初創公司今日仍然提供自家的ETA和車隊管理系統，而且已擴展至村巴和紅色小巴。事實上，這公司的技術能力並不差，創辦人亦有熱誠，是科學園內其中一間幾成功的初創公司。

某程度上我覺得政府小巴系統的最大問題，可能是源於離地的requirements，當然更重要的是基本上無解決（或可能班官搞唔惦）小巴實際營運時的情況和問題，這些都不是單單依靠一個系統可以解決的。

作者: 6516 時間: 2024-10-25 08:37

miklcct 發表於 2024-10-25 00:08
所以我咪睇下整套「車隊管理系統」，做小巴公司生意嘅可行性。呢啲車隊管理系統全自動化運作，只要連到落 ...

你整完免費送俾小巴公司
再包保日常運作同埋保養費用, 佢地實肯嘅
但要佢地出錢去買就真係唔好諗太多

家陣小巴果套ETA可以假到一個點
你見到佢倒數, 見到去埋下一個站, 但架車係無出現過
跟本都係預先入晒開車時間, 有冇車開都無人理, 繼續倒數
解決唔到呢個問題想發展落去都幾難

作者: ccicoltd 時間: 2024-10-25 08:52

6516 發表於 2024-10-25 08:37
你整完免費送俾小巴公司
再包保日常運作同埋保養費用, 佢地實肯嘅
但要佢地出錢去買就真係唔好諗太多

常言道，小巴 ETA 在開車後才有參考價值，開車前只是無王管的「預定班次」。

作者: noname617 時間: 2024-10-25 09:51

ccicoltd 發表於 2024-10-25 08:52
常言道，小巴 ETA 在開車後才有參考價值，開車前只是無王管的「預定班次」。
...

td果套好鬼異架！因為架車無按時開出之後會不停好似九巴咁順延個時間，有時仲會跳去下一班！

作者: herman15hk 時間: 2024-10-27 01:24

miklcct 發表於 2024-10-24 00:16
GTFS-RT 標準係支持顯示車輛載客率，狀態包括EMPTY：吉車
MANY_SEATS_AVAILABLE：大量座位
FEW_SEATS_AVAI ...

支援 but not required

事實上佢有個field唔代表做到。因為好多hardware同software要加/改

作者: herman15hk 時間: 2024-10-27 01:47

noname617 發表於 2024-10-23 20:49
請問邊條線已經顯示埋架車滿載先！印象中td未搞到喎

另外專綫小巴實時到站呢樣唔係好實時到，因為td主 ...

小巴的班次的確係按服務詳細表去「製作」出來，聽講整的時候都搞左好耐。
假設路線係 0800-0900 10min interval，咁佢後面就會用 0800, 0810,0820....咁列個班次開出時間。
當有小巴開出就會自動match入去最近的"班次"變成"實時"的ETA。

最大的問題係巴士無左班車(無人返/塞車)都尚有站長會去改系統上的開出時間，但係小巴無車開係無人改系統入面的，亦都小巴公司無通知系統呢個機制。唯一的操作就係司機按八達通。
先唔好講電腦，而家小巴大多係司機開出前由站長寫手寫個時間落去塊排版度，有部份無人放車更加係司機自己手寫。更唔好講編左的開出時間係咪按服務詳細表。
小巴有車無人揸的問題係好勁，試過將軍澳110小巴全線得返一部車行，加上本身載客少，總站上夠人未夠鐘都要走，算係半on demand service，無人改時間ETA一定無準的可能性。
(改左時間都會有客話你個時間發來發去，又係唔準)

如果要用電腦平板下放到小巴站頭，直頭係要成個小巴業界接受行電腦放車的新流程。

作者: noname617 時間: 2024-10-27 09:01

睇九巴稽察每逢大型活動，班稽察都行緊手機改班次返控制中心知啦！進智都行按電牌去報班次

作者: kay 時間: 2024-10-27 11:37

herman15hk 發表於 2024-10-27 01:47
小巴的班次的確係按服務詳細表去「製作」出來，聽講整的時候都搞左好耐。
假設路線係 0800-0900 10min in ...

雖然話會FAKE人
但如果係話比香港出行易用
咁小巴ETA就算唔準都要做
因為做完比另一壇野用

不過依家有D小巴公司都有車隊實時管理系統
個老闆可以睇住D車係邊黎調車
但要全港綠小都玩同埋公開資料
應該就接近不可能

作者: clivetock 時間: 2024-10-27 18:48

herman15hk 發表於 2024-10-27 01:47
小巴的班次的確係按服務詳細表去「製作」出來，聽講整的時候都搞左好耐。
假設路線係 0800-0900 10min in ...

有站長寫時間已經算唔細嘅公司，好多細公司根本冇詳細時間表，開車純粹睇客量或者司機心情，呢類根本冇可能做到 ETA

啲細公司好多淨係得幾部舊氣艇走天涯，如果你要佢電腦化我諗佢寧願交牌

作者: herman15hk 時間: 2024-10-31 23:20

clivetock 發表於 2024-10-27 19:48
有站長寫時間已經算唔細嘅公司，好多細公司根本冇詳細時間表，開車純粹睇客量或者司機心情，呢類根本冇可 ...

小巴公司入比TD份文件係純屬虛構，唔跟班次比人投訴實際上又無代價。
唔做交牌TD仲要搵人接火棒。

歡迎光臨 hkitalk.net 香港交通資訊網 (https://www.hkitalk.net/hkitalk2/)