【轉載】澳門巴士卡機今日(4/12/2024)起支援交通聯合卡

clivetock 發表於 2024-12-4 19:39
依家澳門巴士仲收唔收港元硬幣？

一向都係非官方話接受港幣的。
你正式去問﹐佢地會話唔得。
實際上﹐係無問題的。

KG1428 發表於 2024-12-4 19:29
咁深圳通+八達通功能卡又點樣計算會扣人仔 定 港元？

睇完澳門一邊的資料﹐答案會係好簡單。就係澳門的系統﹐只會收澳門幣 或 人民幣。

你張卡要有上述2種貨幣的其中一項﹐才可以成功支付。

除了澳門通-全國通卡外﹐唔會有全國通卡有澳門幣的﹐所以全國通卡就一定會扣人民幣。

換句話說﹐用香港的八達通-全國卡﹐於澳門使用都係用人民幣扣數﹐只不過卡內有功能按匯率轉換﹐最終以港幣反映出來。

rickycheng 發表於 2024-12-4 19:59
深圳通 +八達通交通聯合卡(互通行)澳門用理論上扣人仔
同深圳通普通交通聯合卡一樣

回#6: 深圳通 +八達通交通聯合卡其實都比八達通全國通好用... 唯一壞處係香港增值唔到人民幣部分(NFC要內地錢包) 當然用返深圳通普通交通聯合卡+本身有既八達通更容易 但如果去澳門多過去深圳,澳門呢張全國通都幾好(澳門通(普通銷售版) MOP$30卡費,呢張MOP$68) 同互通行比只欠缺人仔下增值渠道

我估計﹐這張澳門全國通﹐未必係最終的產品。

因為﹐這張卡同早年的八達通一樣﹐只係 "貼紙卡"﹐即係將2張交通卡貼埋一齊成為一張卡﹐實際上係都係2張獨立卡。

值唔值得買﹐真係睇每個人的不同需要。

以現時來講﹐淨去澳門﹐買張淨澳門通已經足夠。

成日去澳門+國內﹐係可以考慮澳門全國通﹐但都要睇佢澳門幣<>RMB 的匯率 及有沒有其他手續費包含在內。

間中去澳門﹐老實講﹐用QRcode啦。
或者﹐深圳通之類的國內交通卡。


八達通-全國通卡﹐本來都係好產品﹐只不過佢要收RMB交易手續費﹐計算在匯率之內。
這樣﹐令到匯率比所有電子錢包為差。
如果唔係有交易手續費存在﹐我相信我已經買了一張﹐在深圳快樂使用中。
現在可以於澳門使用﹐當係額外功能。


真係好難怪有位youtuber 有為八達通拍廣告片﹐但都照樣xyz 八達通-全國通卡﹐叫大家唔好衝動去買。

kei_hk 發表於 2024-12-4 21:39
睇完澳門一邊的資料﹐答案會係好簡單。就係澳門的系統﹐只會收澳門幣 或 人民幣。

你張卡要有上述2種貨 ...

即係香港版八達通可以做到本港增值港元增值，澳門和深圳是扣港元
錢包是兩者互通

深圳通/嶺南通+八達通
只能用人民幣扣錢
即使香港增值左
但人仔錢包負數都係用不到
(因兩者錢包已被分開)

呢樣野真係好複雜

kei_hk 發表於 2024-12-4 21:54
我估計﹐這張澳門全國通﹐未必係最終的產品。

因為﹐這張卡同早年的八達通一樣﹐只係 "貼紙卡"﹐即係 ...

同意八達通-全國通卡如果冇個3%的確好好用

不過佢認為有兢爭力咁收3%就冇得講(正如中銀萬事達扣賬卡收內地澳門提款手續費一樣,相比其他銀行唔收)

而家只要唔介意依然都係每個幣種獨立一張卡最方便,至於交通聯合就要揀最常去的城市

KG1428 發表於 2024-12-4 22:13
香港版八達通可以做到本港增值港元增值，澳門和深圳是扣港元

先講清楚﹐香港的八達通-全國通﹐係講緊這一張 : https://www.octopus.com.hk/tc/co ... /china-t-union.html

這張卡係有 "特異功能" 的﹐就係張卡入面會記錄匯率﹐當進行人民幣交易時﹐會自動根據卡內記錄的匯率﹐即時轉換成港幣扣數。

而卡內﹐只有港幣一個錢包。
所有增值都係要用港幣﹐所有支出一律自動對兌成港幣進行。

暫時﹐只有這張卡有這個 "特異功能"。


其他卡﹐例如 : 你提及的嶺南通八達通卡﹐以至現時澳門通-全國通。

其實只係用2張卡﹐ "扮" 做一張卡。

入面係2個獨立貨幣錢包﹐卡內唔會有匯率。
所以﹐這些卡係唔會有上面提及的 "特異功能"﹐自動對兌成另一種貨幣。

因此﹐你用人民幣時﹐就會在人民幣錢包進行交易。
人民幣無錢﹐即使你另一錢包有錢(港幣/澳門幣)﹐你都唔可以進行支付﹐反之亦言。

rickycheng 發表於 2024-12-4 22:19
同意八達通-全國通卡如果冇個3%的確好好用

不過佢認為有兢爭力咁收3%就冇得講(正如中銀萬事達扣賬卡收內 ...

最好笑就係八達通張銀聯卡﹐又係收境外交易手續費﹐但又識得做推廣免手續費(如未有延長﹐推廣去到本月底)。

真係用佢張銀聯卡 綁 云閃付﹐就可以在云閃付直接開乘車碼(無需在云閃付內做實名)﹐就可以免境外手續費。


有陣時﹐真係唔知這間公司想點。
一方面又想有人用﹐但係又做晒D無競爭力的行為。
有其他代用品的情況下﹐真係點叫人會選擇用佢D產品。

或者﹐八達通公司覺得這張卡有競爭力﹐可以收3%的地方﹐就係可以用八達通apps直接在全國任何地方增值囉。
同埋﹐唔需要理人民幣的問題。你唔在大陸用張卡﹐你都可以在香港使用﹐唔會有人民幣結餘的問題。




當然﹐你堅持要拍卡﹐唔用QRcode坐車﹐就乖乖地付手續費 or 買國內的交通卡啦。
**題外話﹐今個月在深圳坐車﹐真係連深圳通卡都唔需要優先使用﹐Alipay HK 國內公交乘車碼﹐本月有8折推廣。
如有需要﹐就自己在apps 內搵/領取優惠券。
呢D就識做生意﹐識得點去吸引人使用﹐令到用家習慣使用﹐從而日後長期使用。

williamwwl1109 發表於 2024-12-4 12:25
會，小紅書user實測澳門巴士卡機扣HKD6.3

以家只係等香港嘅八達通卡幾時upgrade上交聯gaza，到時就 ...

咁都只係差少少, 不過我諗之後再upgrade 上去都真係唔奇

kei_hk 發表於 2024-12-4 22:39
最好笑就係八達通張銀聯卡﹐又係收境外交易手續費﹐但又識得做推廣免手續費(如未有延長﹐推廣去到本月底) ...

可能想機會多d人用吧。
不過我覺得有優惠好過無，雖然車費都係細數目，無咩所謂

kei_hk 發表於 2024-12-4 22:39
最好笑就係八達通張銀聯卡﹐又係收境外交易手續費﹐但又識得做推廣免手續費(如未有延長﹐推廣去到本月底) ...

即係深圳巴士折上折？本身巴士用易乘碼都有深圳通優惠，地鐵就冇