運輸署助理署長電台訪問談巴士乘客強制戴安全帶新例

ccchhhuuunnn 發表於 2025-11-8 04:49
清潔公司有權say no但巴士公司冇權say no？
不如退後一萬步諗人下巴士公司有幾大需要say no先
舊車有資助 ...

某程度上對巴士公司都係會有影響
Hold住咗架車賺錢時間少咗

James116 發表於 2025-11-15 00:48
(類似#474)

60歲以上

正常人搭巴士同老人家上唔上上層都唔一定發生意外，咁點解一樣嘢要管另一樣又唔使？
你哋講嚟講去都講唔通一個問題，就係成架巴士入面有咁多所謂風險，樣樣最嚴重都可以死人，咁係咪要每樣嘢都立法規管？
拎有殼榴槤上車，如果急剎撞車一樣會周圍飛有機會扑到人，咁又唔禁埋？
呢個社會好多嘢都有風險，法律管得幾多？
平衡就係要兩害取其輕，一樣實際風險唔高嘅潛在風險，點解要立法逼人做多啲嘢去保障自己，而唔係俾乘客自行選擇點樣保障自己？巴士意外傷亡數字，有版友都提過根本無單獨數據證明有幾多人係因為無戴安全帶而受傷，正正因為巴士上下層有企位，佢發生意外時有可能乘客上落緊樓梯或企緊，唔一定係坐喺度，如果單以傷亡數字拎去同其他純座位交通工具比較已經無可比性，咁呢條法例就無立法基礎，因為無辦法證明坐巴士戴安全帶就會減少意外傷亡。

James116 發表於 2025-11-15 00:15
你係提出咗好多可能性
但實際情況大部分人都只係坐低直到落車

座位提高安全帶已經係提高安全性，逼人戴只會驅使搭幾個站落車嘅人嫌麻煩唔坐，反而更加提升風險。

James116 發表於 2025-11-15 00:25
之前講嘅例子
過馬路要睇3秒/ 酷熱天氣下飲水等等
會否發生意外都視乎個人體質/技能/能力而定

巴士有企位客有人走動已經係你所講嘅變量。

James116 發表於 2025-11-15 00:01
重點唔係需時幾耐
而係扣安全帶嘅麻煩程度同安全之間比較
安全價值高啲

麻煩不單係你一個人扣安全帶，而係全車人落車前都要做多樣嘢，減慢落客效率，不單影響車上嘅人，更加令架巴士停站時間增加，阻塞埋條路。而且搭巴士可以嫌麻煩唔坐，已經係變相增加風險。

James116 發表於 2025-11-15 00:33
我認為安全vs危險
唔需要選擇權

如果照你咁講，我哋政府應該一刀切全港合法車速不高於50km/h，市區不高於30km/h，因為安全大過天。
安全同對社會嘅影響係要平衡，唔係拎住安全兩個字乜都要不惜一切去規管，無視規管所帶嚟嘅社會成本。

James116 發表於 2025-11-15 01:01
70km/h就唔需要帶安全帶 呢個邏輯真係太神奇

唔係超速先會發生意外...

越低速撞擊所產生嘅慣性越低，呢個係常識，呢個亦係點解巴士撞車企位客都未必有事嘅原因之一。

James116 發表於 2025-11-15 01:07
咁點解唔可以幫助佢免受懲罰?
反而要睇住佢自己接受懲罰?

毒駕藥架都係交通意外原因之一。
唔好為撐強制戴安全帶就將佢嘅地位無限放大，毒品禍害嘅廣泛性點睇都提高於戴唔戴安全帶，煙都未全禁就拎到毒品出嚟同安全帶比？

James116 發表於 2025-11-15 01:11
減少交通意外
同
減低交通意外當中嘅受傷程度

巴士提供安全俾乘客已經做到，唔需要強制使用。

James116 發表於 2025-11-15 01:15
就係因為就算司機小心謹慎駕駛
都唔代表撞車、急剎都可以避免

講咗好多次，巴士急剎甚至撞車所產生嘅作用力都甚少足以將座位上嘅乘客拋出車外，甚至連企位客都無事。