「如果其他分店生意好好多，對於 A 分店可能有參考價值，可能可以教到 A 分店員工點樣可以改善營收」
「但一定唔會改變到 A 分店呢一刻或者之前任何一段時間收入同支出囉，因為錢都收左、支出都畀左。你幾時見過會計部門計算一間分店營收條 formula 要包括其他分店盤數？」
即係而家 A 分店一日做萬五蚊生意、成本一萬銀，想計佢一日賺幾多，咪直接 $15,000 - $10,000 = $5000 咪得囉，搞掂
當然你可以話 B 分店同樣一日成本一萬銀、但一日做兩萬銀生意，可以探討點解 B 分店生意好咁多、賺多咁多。但探討係之後。而家個命題係要計 A 分店營收，你偏偏就唔係直接計完先，而係扯埋 B 分店落水，喺財務報告入面長篇大論咩 B 分店一日做兩萬銀生意，顯示 A 分店有邊樣做得衰、老闆唔反省，甚至乎 A 分店一日做萬五銀生意呢個數字係「偏頗」「唔全面」「唔客觀」「假新聞」，吹完一大輪先同我計 A 分店營收，仲要得到一個結論係 A 分店一日賺錢數目唔係五千而係一萬銀
你幾時見過人地賬目報告係咁做？你算唔算倒果為因？
去返樓主個例子，同樣係遠離公路段，長荔都比坑口多好多客，單憑呢點唔需要 297 條客數都已經可以有結論 draw 到出來。A 分店 X 產品遠比 Y 產品好賣，呢個觀察你係唔需要扯埋 B 分店盤數都可以總結到出來，因為從來都只係講緊 A 分店。更何況 B 分店本身就無 X 產品賣
