九巴 98C 98E 98S 298X 下繁乘客量統計（大量數據）

樂仔〞 發表於 2025-12-15 23:59
睇數據似係 98E 深水埗容易會企 , 所以寧願搭 98C 兜旺角
暫時 98C 98E 98S 數據上發現 , 98E 98S 深水埗 ...

留意返日子

樓主三班98S，有兩班係星期五，少客個班係萬聖節
星期五無論係C/S/E/X繁時都少客過平時，萬聖節亦好難作準
我認同98S定位模糊
但以繁時特別線計客量亦未至於太差

98C深水埗多客上車個班，亦係星期五
有理由相信，唔係98E載唔曬，而係星期五特別多人深水埗走
7分鐘間距唔係短，深水埗多客起上來七分鐘十幾人係好正常

kc_loo 發表於 2025-12-16 00:06
岩既岩既, 時間岩岩好, 好得意
其實都睇唔到有咩要整整個幾月, 佢成個post 好似好長, 我當佢一次過先入機, ...

你以為個個人都好似你咁，隨時都可以抽到一兩粒鐘出來寫文，去做為興趣而做兼無錢收既野，唔使返工拍拖湊仔食飯

你係咪無返過工

返回主題之前，我想特別指名回應兩位版友 kc_loo 同 GW5878 無的放矢

1. 我數客嘅時間係 10 月底到 11 月中。每程車當一個鐘，呢度我單係數客都數咗超過 10 個鐘。付出呢個時間當然係為咗拎出嚟同版友分享討論。


2. 我無水晶球，數客嘅時間唔會知道數出嚟結果係咩。最簡單講就由 20 年前發現長深荔多客過旺角都係數客觀察到嘅結果而唔係前設。多輪數客就係為咗客觀觀察乘客量分布。

3. 付出咁大量時間做嘅數據調查當然都會希望得到認真對待同討論。幾時發布一來考慮我自己有無時間，二來都想盡量避免同其他熱話撞期。本身我係計劃 11 月底出 post，但當時有大埔悲劇我唔覺得係適合時間出 post，之後亦唔想同北都招標、Go Park 新線呢堆話題搶熱度，所以一再推遲出 post 時間。

4. 如前述，數客本身個結果就係出 post 發布，有無其他討論 thread cover 到相同路線唔係我考慮範圍，客就數咗，呢條 thread 我本身點都會開。

5. 任何人都可以數任何線客再開任何 post。數 98C 系列數得最多係因為我鍾意。我希望我嘅討論有事實基礎，所以我付出時間去數客，係盡量搭足全程車由頭數到尾；可以做到就盡量數多於一次驗證數據穩定性。你對其他路線客量有興趣，歡迎你都去搭返三五七程 post 上嚟分享，唔係得把口指指點點。我數客係滿足我好奇心，我無需要滿足你要求。

6. 呢個 post 之後唔會再回應 kc_loo 同 GW5878 無聊透頂嘅攻擊。人必自侮而後人侮之。italk 討論質素每下愈況，多得你地唔少。

castanopsis 發表於 2025-12-16 00:25
留意返日子

樓主三班98S，有兩班係星期五，少客個班係萬聖節

98S 去到新蒲崗計咪唔差 , 但以分流 98C 以言就似乎唔合格 , 應該要更好
亦都明顯見到 98C 山下客量其實都幾差 , 98S 吸到寶林客只係因為綠色幾乎搭足全程之餘仲有將線都係要搭到尾 , 咁麻煩之下 98S 先有僅餘嘅吸引力
以現有道路網設計下 , 98S 應該好難再加快去吸引將軍澳客 , 九巴亦都好明顯唔想放棄旺角客
就算改為右轉亞皆老街入中九龍幹線去避世運塞車 ... 時間優勢都唔見得好多
基本上都無乜得搞

S3BL100 發表於 2025-12-15 22:13
見到 98E 長沙灣遠比深水埗多客，但 98C 深水埗上客人數同 98E 唔爭得太遠，其實果個時段真係長沙灣比深水 ...

第一身觀察，我會認為原因係長沙灣（尤其荔枝角站）上嘅每日大致都係同一班人，佢地傾向揀定指定搭死一條線
所以點解佢地 4/11 唔見咗架 98E 就會上晒 98C
但深水埗班客唔係同一班人，其實佢地只係見車就上

咁當然以總數計，呢個時段長沙灣事實上比深水埗乘客總數多，當佢地傾向搭 98E，個餅自然就會向 98E 傾斜

將幾班車乘客量拍埋就會明顯見到 pattern
98E 數咗兩次 1805 班次，你會見到班客基本上係字軌客，荔枝角站、光昌街、元州邨、欽州街、黃竹街其實個數係對應到，因為 27/10 班車開遲咗少少，所以每站都再執多咗客
98S 就會更明顯，因為三次都係 1810(1805) 班次，基本係同一班車，荔枝角站上客數字幾乎次次都一樣，但光昌街打後就好隨機無 pattern 可言

castanopsis 發表於 2025-12-16 00:25
留意返日子

樓主三班98S，有兩班係星期五，少客個班係萬聖節

但係數據唔配合你嘅解讀
首先我其實唔齊晒每條線每日客量（98E 無中過星期五），至少我呢堆數字無法得出「星期五所有路線都少客咗」呢個發現

你有一點講得啱，萬聖節 98S 數據係低嘅
事實上最後我數客次數比原定多，其中一個原因就係因為我覺得 98S 呢日客數偏低同我平日觀察唔同，
所以我專登再數多日星期三做對比，之後再數就係因為 98S 忽然減班所以再數新班次
98C 就係相反，第一日數因為 98E 甩咗班，佢個客數高得不合理，所以我先要另外再數多兩日去拎個正常 benchmark

講到呢度都順手摑返啲真小人一巴，係要做你，數完一班 98S 少客一班 98C 多客已經直接收得工開 post
根本就唔會另外再去數多 4 次，話人作數嘅小人真係好嘔心

回正題，引用返同一組數據，98C 同 98S 係各自有星期五，另加一日周中數字

如果單睇長深荔上客數字，甚至睇埋兩對班次上觀塘繞道嘅載客數字（98C：65(二) Vs 68(五)；98S：62(三) Vs 67(五)）

98C_SSP

坦白講我不但見唔到 98C 同 98S 星期五客量比其他日子特別低，仲反而 proven 周內每日客數都幾穩定
而且 98S 深水埗星期五亦無比星期三多客，又如何得出「星期五深水埗比較多人走」？

樂仔〞 發表於 2025-12-15 23:59
睇數據似係 98E 深水埗容易會企 , 所以寧願搭 98C 兜旺角
暫時 98C 98E 98S 數據上發現 , 98E 98S 深水埗 ...

因為每日交通情況都有啲唔同，有時睇落整體車程差唔多，但其實個別路段車程上落都大，只係拉上補下拉返勻

仔細睇每個 sample 分段用幾多時間，會有多啲 observation
唔同路線行同一段路，需時係可以有系統地不一樣

98C_2

11/11 班 98C 係 outliner，因為當日世運有車手表現，佢好明顯係塞車

(1) 美孚到黃竹街 98C 98E 98S 同路。98C 98S 一般 14-16 分鐘就行完，但 98E 要 16-18 分鐘，呢個明顯係因為客量差別

(2) 98E 黃竹街到富豪東方酒店係穩定地快咗 98C 98S 10 分鐘

(3) 留意 98S 同 98C 黃竹街到富豪東方酒店都有 2 分鐘車程差別，因為 98S 上橋唔使塞世運迴旋處，偷咗時間

(4) 98E 睇落穩定地 43-44 分鐘就去到將隧口，98S 睇落就穩定地 48 分鐘左右行完，98C 睇落都穩就要 52 分鐘，但實情三個細分路段只有 98E 三程車都係用相約時間行完，98S 只係跑完觀繞時間快慢都可以差 6 分鐘，兩班 98C 長深荔同觀繞段都各自差咗 5 分鐘，只係總數打返個和

(5) 實際上將隧段 98S 平均只係快咗 98C 不足 5 分鐘，98E 客量較多所以車程平均再多 2 分鐘，但就算拎最極端兩個 data 先至有 10 分鐘差別

(6) 於是成堆特別班次，根本左拆右拆行車時間差距根本都不過 10 分鐘，配合 20 分鐘一班，除非好似 98E 咁班客有明顯取向揀佢，實情拆到咁細顯得相當無聊

好奇問下，請問有冇留意到滿座入將藍隧道嘅795，有幾多客係西九龍走廊前上車呢？

298X同795開車時間相若，响呢組線最多客嘅荔枝角站站位接近，
荔枝角返康城嘅放工客係互相𠝹客，定係已經有preference搭死一架呢？

而以師兄數果一班車，沿路嘅客量算係平均，又好難好似98E咁靠行捷徑翻身。

康城值唔值得整條界限街特快？但298X先得30個客倒

castanopsis 發表於 2025-12-15 23:45
認同呀，所以呢？

以下為本人終極最後回覆

本人不會與口講贊成遵守站規
但走去話人用站規嚇人的版友

作出任何形式的討論