CX520 HKG-NRT

拖咗好耐，年尾前交功課

77P，再戰10年。

是日餐單



頭盤


主菜，我食豬，尚算合格，即係擺得入口無乜伏，好味就講唔上。



女友食另一份主菜，魚，完全唔合格！
等咗好耐先serve，一放底果浸腥味我坐隔離都聞到，即頭想叫佢即刻收返走，之後佢食兩啖後根本食唔落。

Crew有問份餐係唔係有怪味，佢話佢地reheat果時都聞到好腥。幾好野喎，聞到咁怪照serve?



我見另一個東南亞客都係order呢份，佢都係擺唔入口，退返比crew。

落到NRT，女友一落機就去廁所嘔返晒出黎。




之後緊係投訴啦，因航就話無其他客投訴，賠返少少miles就算。

如果一落機係要入廁所嘔，應該唔係條魚腥啲唔好食咁簡單，似係飛機餐食物中毒，性質嚴重好多

如果發生喺香港境內嘅餐廳，分分鐘可以報食環署/衛生署

寫味噌應該係日式，但日式似乎唔會一次過咁大舊魚。魚本身非常易變壞，既然唔係即煮而係翻熱，應該煎到乾身先上機。我自己屋企除鹹魚、煎撻沙外，一律唔會有熟魚雪完再食。

唔止今次批貨有問題，係連個餐單都有問題。

Waiyin12 發表於 2025-12-27 14:54
如果一落機係要入廁所嘔，應該唔係條魚腥啲唔好食咁簡單，似係飛機餐食物中毒，性質嚴重好多

如果發生喺香 ...

份餐係香港上，樓主其實都可以報食環署／衛生署
上次 CX640 爆發食物中毒衛生署都有介入：
https://www.hk01.com/%E7%A4%BE%E ... D%E6%B2%99%E5%BE%8B

其實最令我不滿嘅係班crew reheat果時自己聞到唔妥當，點解仲要送比客食？仲問返個客轉頭係唔係有問題，呢d真係唔知咩服務水平。

事後因航要我填form，又拎咗catering、cabin crew report，cabin crew report話份餐無問題無怪味，只係present可以再好d，呢份咁嘅餐點樣可以再好d呢？

Catering又話自己果日出咗幾十份同一隻餐，無其他投訴，印度CS賠miles加願意賠醫藥費，完。


然後，因為呢d單野，我最近坐因航又遇到inflight services/facilities問題，今次唔好怪我西客上身，真係捉住IM落report，唔比佢hea走。