九巴口岸電牌風波

YP5520 發表於 2026-3-6 08:53
其實轉頁冇人叫係轉幾十秒都唔轉，你幾秒轉一次根本對閱讀唔會構成任何影響。
再退一步人哋城巴根本就唔 ...

見過唔少人特別係有啲上咗年紀嘅人睇分開兩頁嘅轉頁會hang機（有個「經：」字嘅轉頁反而冇乜問題）
又或者淨係睇其中一版唔等下一頁再自行胡亂腦補或者問返轉轉頭即係點
閱讀係絕對有影響
唔係個個人同你同一個水平或者有巴迷本身嘅expectation，巴迷知道佢有轉頁有詳細資料先會眼甘甘等幾秒等佢轉，普通乘客立眼一秒半秒好似啱就上車，一秒半秒冇自己想要嘅答案就會直接問司機，仲邊得閒好似巴膠咁目不斜視好似𥄫女咁由頭掃到腳望住架巴士望住塊牌仲預知佢轉頁牛咁眼望住幾秒等佢轉，唔使又巴迷視角

ccchhhuuunnn 發表於 2026-3-6 08:47
晨早覺得側牌應該擺隻電腦mon放張PowerPoint slide算數
側牌呢個閱讀距離本身就可以放多啲資訊、字唔需要 ...

親身經歷，大陸公交車同城巴高清電牌啲排版好差，字太細隻，長側/尾牌用返單層巴士頭牌排版就得

cx838 發表於 2026-3-5 16:52
就算係現在叫落馬洲站.福田口岸都有問題。地點最多只叫落馬洲站。一樣大把人跟住投訴 ...

要計正名應該叫「落馬洲支綫管制站」，叫「落馬洲站」亦正確，如果要加埋福田口岸就只可以「落馬洲站(福田口岸)」或者「落馬洲站>深圳福田口岸」。

cx838 發表於 2026-3-5 16:45
其實如果按條例下，加福田蓮塘都唔可以。就算深圳灣的B2/B3系，也應該叫深圳灣管制站，才是正名 ...

深圳灣真係返咗大陸喎，點同呢？
深圳灣口岸本身就係正確名稱，香港官方叫法都只係「深圳灣口岸(港方口岸區)」。
將來新皇崗口岸相信都係同樣道理，直接叫「皇崗口岸(港方口岸區)」。

GA6749 發表於 2026-3-5 11:04
問題係部車唔會過關
跟返汗屎用轉頁方式可能有得走盞
但宜家就有違反商品說明條例之嫌

叫「福田口岸 (南)」咪得囉

Modern-stage 發表於 2026-3-5 12:59
神早講咗落馬洲支線呢個名係幾咁混拗，一早叫巴士同港鐵改叫新田口岸咪唔使咁亂。 ...

"落馬洲支線"已經兩鐵合併前的事。如果真是用官方稱呼中港兩地口岸名,真是玩一岸兩制,香港邊叫管制站.大陸邊叫口岸,除深圳灣口岸,電牌真是玩交替顯示先得。
例如
"落馬洲站 B1">"管制站 B1"> "福田口岸 B1"
"香園圍管制站 B9" > "蓮塘口岸 B9"

groom1002 發表於 2026-3-8 01:40
"落馬洲支線"已經兩鐵合併前的事。如果真是用官方稱呼中港兩地口岸名,真是玩一岸兩制,香港邊叫管制站.大 ...

入境事務處仲係叫「落馬洲支線管制站」

kei_hk 發表於 2026-3-5 23:01
根本唔需要 "通往" 2字。

今日有部份B1車電牌跟你的描述一樣
大大隻字出落馬州站/福田口岸

好事

YP5520 發表於 2026-3-6 08:53
其實轉頁冇人叫係轉幾十秒都唔轉，你幾秒轉一次根本對閱讀唔會構成任何影響。
再退一步人哋城巴根本就唔 ...

For your reference, 79X 一開始就係 粉嶺 > 皇后山 咁樣轉頁，結果唔少人問經唔經粉嶺站（講緊喺沙頭角公路等 78K 嘅客，架車經過其實只係幾秒嘅事，唔會睇到下一頁住），後尾要改做 粉嶺軍地 > 皇后山，再後尾就直接 show 皇后山 算數。

gu9434@24 發表於 2026-3-10 22:31
今日有部份B1車電牌跟你的描述一樣
大大隻字出落馬州站/福田口岸

上星期一朝早第一次見B1改咗電牌。
去到依兩日，轉咗電牌嘅車依然係少數，唔理係咪本身B1掛牌都好。
唔知前年年中B1轉電牌嗰時幾耐轉完。