如果巴士站超長，因天雨關係在較後有蓋位置截車，司機有無權飛站？

1. 巴士站有3架巴士嘅長度，不同巴士路綫在不同站頭
2. 該時段不繁忙，當時只有一架巴士出現
3. 當時落好大雨，有蓋位置在第3架巴士位置，但並不是我等的站頭
4. 已在有蓋位置截車，並即時跑到正確嘅站頭，邊跑邊截
5. 巴士最終飛站 呢個情況下，司機有無權飛站？

同一巴士站如果好長，我可否在較前或較後位置截車？ 另外，如果已有人喺正確位置排隊，但前面幾人無人截車，如果我跟隊排好後截車，呢個計唔計數？

如果巴士飛站，建議用非緊急報案方式處理，讓警察決定司機有沒有違反交通規例

要在站牌下等車.

你都識講站位冇人，司機咪直接走，後面遞手有鬼用

tommy14D 發表於 2026-4-24 02:34
你都識講站位冇人，司機咪直接走，後面遞手有鬼用

站位係計整個巴士站定係巴士站牌?


(第230章第35條)《公共巴士服務規例》

釋義
2. 在本規例中，除文意另有所指外 —— 巴士站 (bus stop)指根據第3條指定為巴士站的道路範圍；  (1989年第19號法律公告)


撥出地方供設置巴士站
(1)署長可指定某個道路範圍為巴士站。  (1989年第19號法律公告)
(2)巴士站可限於由以下公司或路綫使用 ——
(a)某指明專營公司；或
(b)某指明路綫。

(3)除第24A條另有規定外，屬於指明專營公司的巴士或行走某指明路綫的巴士 ——  (1986年第56號第23條)
(a)可在巴士站停車以接載或放下乘客； (
b)如乘客提出要求，須在巴士站停車以放下乘客；如巴士尚未滿載，則在擬成為乘客的人示意時，須在巴士站停車以接載該人。

timewater 發表於 2026-4-24 13:49
站位係計整個巴士站定係巴士站牌?

你平時在站牌(或指定排隊位置) 等車﹐定係車站的其他位置等車?


司機見到平常位置無人等車﹐咪直接開車走囉。


一些車站有成幾個車位咁長﹐頭及中間各有2個(組)站牌。
一頭一尾都成廿幾三十米﹐你在站尾等站頭的路線﹐你玩晒啦。


你的情況﹐應該係等車時望遠D。
見到有車快到﹐就立即去站牌/指定排隊位置﹐在巴士未入站前揮手示意。


成個情況﹐等同夏天太陽猛烈﹐個個走晒去騎樓底等車。
有車到的時間﹐又走唔切出去車站/排隊位﹐結果目送部車飛站一樣。

車長見到車站無人﹐咪直接走囉﹐有錯嗎?

kei_hk 發表於 2026-4-24 14:07
你平時在站牌(或指定排隊位置) 等車﹐定係車站的其他位置等車?

冇錯，叫佢咁樣講唔通成條彌敦道都可以遞手截住佢，分分鐘個司機以為你截後面巴士

timewater 發表於 2026-4-24 13:49
站位係計整個巴士站定係巴士站牌?

其實好多地方冇框住白框寫巴士站

1. 司機本身就冇權飛站
2. 司機飛站唔關有冇權事, 係判斷個站有冇人搭佢架車決定
3. 如果唔想不必要誤會, 咪乖乖地企返指定位置等車 (尤其好多巴士站都劃晒位, 幾長個站都識知自己企邊先啱啦)

kei_hk 發表於 2026-4-24 14:07
你平時在站牌(或指定排隊位置) 等車﹐定係車站的其他位置等車?

我見到已經fing 咗3次手

再跑住去站頭fing

佢車速太快, 我見到嘅時候已經不斷fing, 再跑前
結果佢都係無視

其實都係前後啫, 都當係獨立巴士站?
有D  巴士站上蓋會列晒所有巴士路線, 但係站頭又喺唔到位置
呢個點計?