關注深圳灣昨晚爆鑊問題

violet 發表於 2026-5-27 17:26
但係調返轉部分大陸人落嚟又會搭巴士

好多新移民都係話一搭雙層巴士會暈車浪，可能佢哋唔慣，所以呢啲除非搬入安達臣啲無鐵新區，否則都係會揀搭鐵多。
至於遊客就想體驗，都唔淨只內地，外國人嚟香港都係因為旅遊書、網絡平台推薦香港其中一樣特色就係搭雙層巴士觀光，但調返轉就少，我哋好少見到旅遊書同小紅書之類教香港人去發達國家搭當地普通巴士綫。

tamabaron 發表於 2026-5-27 18:08
其實睇返數字，25號同復活(7/4) 總數差唔多 (比平時weekend 升最多係港珠澳, 60000 vs ~110000)，但應該 ...

再睇長假後一日（琴日、復活節後一日8/4同上年聖誕後一日29/12）數字。

琴日我覺得入境人次只係同平時星期一差唔多。
（下面以上星期一18/5做比較）
主要非高鐵陸路口岸中，羅湖更加少過上星期一。
落馬洲、香園圍亦只係相近。
深圳灣多約10%。
最明顯嘅增幅其實係24小時開嘅皇崗同港珠澳，尤其港珠澳為甚。
或者某程度係集中喺凌晨嗰幾個鐘趕到返香港。

對比復活長假後第一日（8/4）：
8/4無論羅湖、落馬洲、深圳灣、皇崗、港珠澳，入境港人都比琴日多10-30%。
得香園圍冇咁明顯。

對比上年聖誕假後第一日（29/12）：
29/12港人入境數字只係略少過8/4，但仍多過琴日一截。

或者可以反映到假期完之後嗰日係咪學校假期，對關口回港會唔會爆鑊其實有唔少影響。
琴日唔係學校假期，所以啲人更加集中趕喺假期尾嗰日返香港。

violet 發表於 2026-5-27 17:54
九廣鐵路主線一開始都係窄軌同單線行車，後來都改到

但係無荒廢一個世紀嘛。

一直有運作，一直有管理有保養，成件事已經唔同晒啦。

唔通，你會為這條支線停運期間做保養，一直保持備用狀態？
呢筆錢，仲唔夠重新起過條全新鐵路？
keep住條條鐵路，又無計劃重新使用，keep 來有何價值。

TA7343@N241 發表於 2026-5-27 19:05
再睇長假後一日（琴日、復活節後一日8/4同上年聖誕後一日29/12）數字。

琴日我覺得入境人次只係同平時星 ...

爆鑊係因為加多班遊學團學生，搞到劇增，兩地應該研究下邊個口岸俾專for旅行團或直通巴用，然後分流

kei_hk 發表於 2026-5-27 19:37
但係無荒廢一個世紀嘛。

一直有運作，一直有管理有保養，成件事已經唔同晒啦。

荒廢咗拆完重建有幾難呀？
一路用緊唔停得又要諗點樣一路起又要唔影響現有設施運作，點解會易過重新起過條呀磚家？單轉雙系統唔駛提升呀？
P.S. 再講就離題了

回正題，唔知起多一層巴士總站可唔可以解決問題，不過玩幾年之後有鐵路直達，正苦肯唔肯使錢去起先

kei_hk 發表於 2026-5-27 09:46
你講而家﹐定係當年批出B2的時候?

當年。

政府作為MTR大股東，好應該利用鐵巴制衡巴士公司。
嶼巴經營不善，嶼南無人做咪叫鐵巴接手剩係做鐵路接駁。
車同人都可以接手嶼巴資源，租又好買斷又好，兩鐵合併嘅方式已經有得照抄。
其實主要係要接手3M同11啫，38俾埋龍城聯營咪得囉。

Man@MFHK 發表於 2026-5-28 09:18
當年。

政府作為MTR大股東，好應該利用鐵巴制衡巴士公司。

鐵巴要擴大服務到西北鐵路以外服務？

鐵巴呢個產物係西北鐵路附例走出嚟，當年九鐵響東鐵部巴士收錢都要借九巴個名去做，要鐵巴去加大規模，無政府及立法會一齊推動都無可能發生。

kei_hk 發表於 2026-5-27 14:11
一有鐵路做選擇﹐客源必定分薄﹐巴士線的含金量自然下跌。

B1自出娘胎已經有鐵路競爭，但就算係出市區嘅人都會去搭巴士，所以先咁好生意。

巴士價錢牌只要睇住鐵嚟食已經有一大班人會識揀。

toyl 發表於 2026-5-28 09:25
鐵巴要擴大服務到西北鐵路以外服務？

鐵巴呢個產物係西北鐵路附例走出嚟，當年九鐵響東鐵部巴士收錢都要 ...

有心做方法大把。

嶼巴係冠忠子公司，MTR收購嶼巴已經係最簡單嘅方法。
再唔係咪好似東西鐵咁，MTR只負責營運，租返嶼巴車同人去做。
就算要用修例嘅方式去做，嚟到今時今日都係非常簡單嘅事。

係政府心目中，冠忠係一間爛仔公司，所以追塑到遠古年代，冠忠想去插手做市區巴士服務，都係投標失敗。

但係大嶼山巴士的性質就係平日唔多人。相反，假期就好鬼多人，所以食正冠忠條水，星期六日，可以拎車入去幫手。同時，因為地理環境，大嶼山一直都用旅遊巴作主要用車。

直至昂坪360 開幕，23 需求大跌，先至執到B2 支好簽。