當年中巴A20停辦釋放出冷氣車為哪些線路加冷？

逐條答

1. 中巴的A20結束，並沒有獲得新的路線。原本A20的一大批冷氣車，除了為25加冷，還為哪些線路加冷？

答：A20取消後用車主要放去寶馬山巴士線，以及隨機派到大線打仗


2. 為什麼中巴自1990年引入一批冷氣巴士後，會先把冷氣巴士放在中產地區如置富花園、海怡半島及南區豪宅區，例如504、590、260，25，25M，27，537、38，而不是客量多的過海線路？

答：九十年代冷氣巴士收費遠比熱狗貴，早期更定位為豪華服務，豪宅及中產人士負擔能力較好，事實上中巴曾經為部分路線加冷但被投訴逼人搭貴車
另外，開辦504、537、543、590用意係與城巴空調利蘭巴士競爭，假如照用雞寶套餐嘅話，中巴已有94/94X打97R、91打90R、37打37R，特登買一批DA開5字頭線就要同城巴鬥
新26後，中巴當時被削線重災區係南區，除咗用熱狗開新線38A、94A、94X等等，亦要繼續用冷氣車吸引追求較佳服務嘅乘客（雖然最後一年970吸走晒504啲冷氣車）


3. 25、25M、27這種客量少的路線用大量冷氣車是浪費資源，不如早早為過海隧道線特別是111、112、116、905及東區走廊線全冷

答：中巴冷氣巴士有28部為DC、CX，雖則兩款車間中會到紅隧線及東區打仗，但不適合作為長期用車，尤其中巴不少大線班次不足，倒不如放去啲客量唔高而又對加冷無咁大反對聲音嘅路線，例如15雖然有DC支援但用DC係唔會夠載，主力始終都要係珍寶
後期中巴引入更多DA、VA後，101、111都已盡量加冷

至於後來新巴一度「善用」Dart投放至2仔及8仔就似陰乾多啲


4. 中巴不是不夠冷氣車，而是把大部分冷氣車放在一般乘客看不到、用不著的線路

答：中巴係唔夠冷氣車，可以常規派去大線嘅冷氣車只有25部LA、92部DA同64部VA，已經盡量一有冷氣車就派去隧道線同重點路線，以隧道線優先，惟3字頭隧道線、115、691、970因開線已全冷唔派得熱狗，令到可調動嘅冷氣車非常有限
反過來說，如果中巴冷氣車係足夠用，504就唔會長期要開雞寶套餐
假日沒有3字頭隧道線時，不少本土線會出現較多冷氣車，如42、43X、64

中巴對本土線加冷策略係向「主幹線」重點投放冷氣車，一區多數會有一兩條線特別多冷氣車（如8、23、38、780），將有限嘅冷氣車倒晒落去，其他就雞寶套餐有車開就算，唯一係西區10號雖然算係大線但一直極少出現冷氣巴，假日啲冷氣車寧願掉去64同城巴喺淺水灣打仗都唔放去10號打5B


5. 中巴的冷氣價部分線路只比普通巴士貴2成，導致中巴沒有誘因引入大量冷氣巴士

答：部分上面板友已回答，其實中巴後期加冷時面對城巴競爭，先有個別路線唔敢收太貴
早期中巴冷氣價係收得好辣，亦令後來新巴喺南區一直處於下風

另一方面，中巴唔係沒有誘因引入冷氣巴士，但一來中巴90年代不斷被削線，車隊需求持續下降所以唔使買咁多新車，二來地區亦有聲音反對中巴加冷（但城巴加冷又好支持），三來本身啲DL、ML又真係未夠期退役，所以中巴只係以自然淘汰方式加冷
事實上如果新巴同九巴一樣以17/18年大限淘汰熱狗，ML都可以行到05至06年，DM都可以行到07至08年左右


6. 搭單問為什麼中巴在1993年買10部熱狗要選擇用老虎頭，而不是採用類似九巴的密龍？如果用密龍的話，過幾年風聲一過就可以加裝冷氣

答：事實上密龍終其一生也沒有加裝冷氣
中巴同九巴一樣，有歷史包袱，唔似後期嘅城巴新巴，加冷全冷注定較難
即使新巴銳意引入新巴士，9號甚至91/94全冷都有阻力