[好文共賞]要求屯門、天水圍增加鐵路站

最重要是當年政府對新界西北的思維仍然停留在「屯門公路」的年代，
以為居民仍會像當年不惜一切地山長水遠蜂湧至上水站以避開塞車，
故深信輕鐵轉西鐵是萬能無敵的組合

西鐵通車後廖秀東和田北辰均承認當年西鐵規劃未有追上時代步伐且過分倉拙


現在西鐵根本不可能改變其依賴輕鐵的本質，所以應著眼改善市區的接駁，
如九龍南線、北港島線甚至是屯門至機場線均可大大提升西鐵的客量

屯門至機場線若以前地鐵模式建造 (即機場快線路軌延長至屯門)，
更可提供屯門直達港島的突破性鐵路服務，
荔景站亦比美孚站提供方便得多的荃灣線轉乘

[ 本帖最後由 Kaix 於 2008-7-13 13:17 編輯 ]

原帖由 AVW56 於 2008-7-13 13:04 發表


無錯無錯!!!

我個人非常不滿經常有人以輕鐵的存在
作為反對西鐵(或重鐵系統) 進入天北的擋箭牌

同意你所講,
輕鐵根本就相等於區內巴士及專線小巴
與設立重鐵站於天北, 根本就無對立關係

出九龍的天北人, 自然 ...

既然天北人有輕鐵, 佢地大可以利用輕鐵轉西鐵嘅方法, 點解仲要浪費公帑去將條線屈番入去?
講真, 天北交通已經好好, 有輕鐵仲想點? 香港仲有大把地方要起鐵路, 好似東九, 南區咁樣, 我個人覺得點起到未到天北起, 至少南區人日日都仲要塞香隧, 天北人唔算多亦唔算少, 有冇咁大需求去起重鐵站?

原帖由 Kaix 於 2008-7-12 09:12 發表



早幾年有區議員曾建議前地鐵興建杏花村至小西灣的港島線支線，
但因小西灣已有大量特快巴士線，要改變居民的交通模式非常困難，
建議最後當然不被接納

但如果早在小西灣發展之初便興建杏花村至小西灣的港島線支線，
相信 ...

小西灣當年都未發展, 就算初初發展,
起支線完全唔會夠人口支撐.....所以唔起絕對合理......

當年發展天水圍的時侯最多人住的都只係天水圍南,
所以只預留一個重鐵站好合理......

原帖由 Kaix 於 2008-7-13 12:34 發表



輕鐵說穿了其實是區內巴士的鐵路版，
根本不可取代重鐵服務

如果係咁, 真係唔知要加多幾多個西鐵站先掂....
良田又一個, 屯碼又一個, 安友又一個......

根本西鐵(重鐵)係冇可能滿足全部人,
直接唔到的咪坐輕鐵接駁囉,
再唔係係西鐵站步行囉......況且西鐵轉輕鐵都係免費既.....

原帖由 SunnyJacky9094 於 2008-7-13 14:21 發表

既然天北人有輕鐵, 佢地大可以利用輕鐵轉西鐵嘅方法, 點解仲要浪費公帑去將條線屈番入去?
講真, 天北交通已經好好, 有輕鐵仲想點? 香港仲有大把地方要起鐵路, 好似東九, 南區咁樣, 我個人覺得點起到未到天北起, 至 ...

同意,
沙中線沿線, 南區居民深受塞車之苦,
理應最需要鐵路的係他們,
為何有完善鐵路接駁, 巴士網絡的天水圍北有鐵路站權利?

原帖由 Kaix 於 2008-7-13 13:10 發表
最重要是當年政府對新界西北的思維仍然停留在「屯門公路」的年代，
以為居民仍會像當年不惜一切地山長水遠蜂湧至上水站以避開塞車，
故深信輕鐵轉西鐵是萬能無敵的組合

西鐵通車後廖秀東和田北辰均承認當年西鐵規劃未有 ...

政府咁諗亦無可厚非,
始終當年屯公意外頻生, 當中一次的塌大石意外更令屯門對外交通中斷.......

西鐵通車初期列車經常故障,
加上收費比屯門巴士路線高,
先導致通車初期客量偏低的情況,
其實西鐵本身並唔差, 有強大的輕鐵做支援, 只不過市區接駁欠佳先係咁,
將來客量應會更進一步......

點解要以前地鐵方式建造?
唔好忘記現時機快唔係通勤鐵路,
仲有, 你估下以現時機快收費標準, 屯門直出香港要收幾錢?
再者, 機快唔停荔景架......

原帖由 張偉沖 於 2008-7-13 16:11 發表


同意,
沙中線沿線, 南區居民深受塞車之苦,
理應最需要鐵路的係他們,
為何有完善鐵路接駁, 巴士網絡的天水圍北有鐵路站權利?

好似混淆左一件事, 上面只是討論天水圍北居民也有重鐵的需要, 不是說 "沙中線沿線, 南區居民" 沒有重鐵的需要.

至於比較起來誰最有需要, 上面亦沒有提及. 但可以肯定講的是, 沙中線及南港島線都即將上馬, 但天水圍北短期內仍只能靠輕鐵. 下面有個 Google Maps 的地圖, 可以粗略看出天水圍北居民要轉西鐵的巴士車程可達3.4公里
http://maps.google.com/maps?f=d&hl=zh-TW&geocode=1641326968810516166,22.468962,113.999767&saddr=Tin+Shui+Rd+%4022.468962,+113.999767&daddr=22.44677,114.002638&mra=mi&mrsp=1,0&sz=15&sll=22.453672,114.00414&sspn=0.029032,0.037422&ie=UTF8&z=15

其他地區如果都要先巴士再轉鐵路, 也可試試一程巴士的長度.

原帖由 h2o 於 2008-7-13 19:02 發表


好似混淆左一件事, 上面只是討論天水圍北居民也有重鐵的需要, 不是說 "沙中線沿線, 南區居民" 沒有重鐵的需要.

至於比較起來誰最有需要, 上面亦沒有提及. 但可以肯定講的是, 沙中線及南港島線都即將上馬, 但天水 ...

唔係話天水圍北冇得起, 係香港實在有太多地方更需要重鐵, 輪都未輪到天北去起, 要比巴士路程, 南區絕對處你成條街, 唔好唔記得, 南區地鐵到2014先起完, 我地仲要塞多6年車。所以, 東九南區肯定係最有需要嗰班, 點都唔會到你天北去起重鐵站

原帖由 h2o 於 2008-7-13 19:02 發表


好似混淆左一件事, 上面只是討論天水圍北居民也有重鐵的需要, 不是說 "沙中線沿線, 南區居民" 沒有重鐵的需要.

至於比較起來誰最有需要, 上面亦沒有提及. 但可以肯定講的是, 沙中線及南港島線都即將上馬, 但天水 ...

天北搭K76 只係短短的十分鐘,
難道這樣都不能接受?

原帖由 SunnyJacky9094 於 2008-7-13 19:46 發表

唔係話天水圍北冇得起, 係香港實在有太多地方更需要重鐵, 輪都未輪到天北去起, 要比巴士路程, 南區絕對處你成條街, 唔好唔記得, 南區地鐵到2014先起完, 我地仲要塞多6年車。所以, 東九南區肯定係最有需要嗰班, 點都 ...

其實, 咩叫做 "輪都未輪到" ?
閣下究竟用咩criteria去決定邊個區應該優先興建鐵路?
本人覺得你的言論有些少歧視及不禮貌成份

仲有, #57都講左
我地無講過南區無需要有鐵路
我地只係講緊天水圍北居民有冇呢個需要
天水圍北有冇需要同南區有冇需要, 兩者是獨立的


本人明白你身為南區居民多年來飽受塞車之苦
但都無理由以呢個原因去否決天水圍北興建重鐵站的決定
無理由用呢個理由表示 "輪都未輪到天水圍北"

[ 本帖最後由 AVW56 於 2008-7-13 20:24 編輯 ]