(問)你覺得大家樂定大快活好食d?

雖然大家都係快餐店
但係大家都有唔少相同食品
例如焗豬扒飯, 咖喱等
唔知你地覺得兩者比較邊間的食品好食d呢?

我覺得如果係豬扒飯, 大快活好食d, 因為多汁同埋味濃^^
不過咖喱黎講大家樂會勝一籌^^
另外大家樂的火腿通粉真係同大快活的無得比較
後者好食好多

其他比較的產品仲有咖啡, 西多, 下午茶組合等等

我個人見解，咖喱雞飯是大家樂最好吃的，飲品好在於紅豆冰上。其他食品都是一般，最難吃是焗豬扒飯，因為茄汁太甜。大家樂售賣的飯餐每次都給很多飯，吃完令人有飯氣攻心感覺...價錢午巿一般在$19.5至$30左右。

大快活...我甚少光顧，不多評論。

美心，它所製作的食品質素強差人意，價錢貴。如一碟香腸牛扒飯，賣$22，可樂另加$2，以前是$20送可樂。香腸牛扒欠缺味道，且有種剛用水煮熱的感覺，它好在香膿因為面層加多些調味汁上，筆者相信是早餐賣剩轉移在午餐使用。

筆者首先發表對飲食意見，如有包涵請多多指教。

而家食多o左大快活, 覺得佢 d o野o既 quality 好o左好多,
e.g. --> 咖喱牛腩飯, 凍奶茶~
大家樂就.........不過不失啦, 美心 ?? 不提也罷, 越整越差 d o野~ --> d 早餐~

[ Last edited by 咖喱 on 2005-7-6 at 17:27 ]

[ref=292278]simon12[/ref]  在 2005-7-6 17:05 發表:
我個人見解，咖喱雞飯是大家樂最好吃的，飲品好在於紅豆冰上。其他食品都是一般，最難吃是焗豬扒飯，因為茄汁太甜。大家樂售賣的飯餐每次都給很多飯，吃完令人有飯氣攻心感覺...價錢午巿一般在$19.5至$30左右。

小弟倒覺得飯少，故有時會要求加飯。大家樂現時的咖喱相當不錯，
辣度可接受，最重要是辣油比從前少得多。不過，家母試過拿了號碼
牌後苦候 20 分鐘仍未拿到食物。

至於光顧次數，肯定大家樂以壓倒性勝出，除了「食開有感情」(餐款
合口味) 外，接受八達通付款亦是主因;)

我覺得大家樂各區分店品質都好穩定
員工態度唔錯
用到八達通
同埋學生餐都OK抵食!
而且午市多數飯款
只加$3.5就有各款凍飲
至於大快活加野飲好貴...
某d餐仍然難食
#:-/

大快活近呢5年最步左好多......
不過依家o的餐平番少少仲好......
因為依家份量少，價錢又貴

感覺上大家樂好食啲,同埋同一價錢既食品,大家樂既份量比大快活多
不過上次食大快活晚餐,$33一客吉列豬扒意粉+一杯檸檬綠茶+一碗羅宋湯
食落都幾飽

PS:上年响青衣某美心食過客鐵板餐,結果嘔足兩日,
之後聽見美心都怕怕#:-X

[ref=292410]gn3509[/ref]  在 2005-7-6 19:41 發表:
PS:上年响青衣某美心食過客鐵板餐,結果嘔足兩日,
之後聽見美心都怕怕#:-X

如果係講快餐,青衣只有一家美心,都唔駛估啦.
回正題.近年大快活食品質素確有改善;至於大家樂...算是不過不失.

大家樂的早餐比較好,多樣選擇,有中有西(變化多),而大快活則傳統D
大快活的午餐好過大家樂,不過大快活要叫加飯先肯俾多D飯,真係要改善下(唔係個個都要輕盈午餐ga)