今年可能冇熱帶風暴登陸廣東沿岸!

雖然本人對樓主想打風想到癲狂的情況(益仔?)絕對反感,但樓主所引的文在早數天的明報即時新聞亦有提及

就算不是為了有颱風登陸珠三角,但珠三角的空氣質素變差變熱卻是鐵一般的事實,不容否認.如果現在仍不關注大陸大量排放溫室氣體的問題...介時到了夏天,莫講話冇風打...酷熱天氣加埋大雷雨都有得慢慢比你嘆!

話說回來,颱風迷絕非一無是處.
好像早前新聞報導美國那些捕風族,成功用特製儀器拍攝到龍捲風眼內情況,有助揭開謎團,對科研工作有所貢獻.
不過,作為颱風發燒友/熱衷者,假如輕信個別討論區之言論,而缺乏思量/沒有考究其可信性,只會有人云亦云之感.

又係你....
又係呢種題目...
你咁鐘意打風ge...
不如移民去菲律賓算啦...

真係唔知你諗乜...

[ref=312766]chrisappear[/ref]  在 24.7.2005 13:40 發表:
話說回來,颱風迷絕非一無是處.
好像早前新聞報導美國那些捕風族,成功用特製儀器拍攝到龍捲風眼內情況,有助揭開謎團,對科研工作有所貢獻.
不過,作為颱風發燒友/熱衷者,假如輕信個別討論區之言論,而缺乏思量/沒有考究其可信性,只會有人云亦云之感.

咁呢樣野都係人為因素最緊要...
正如巴士愛好者都可以更清楚知道班次、巴士公司運作...
但係迷到呢個地步...就真係...

話時話...
呢條題目出過無耐又出，
唔知會唔會係犯左iRule呢?

又或者算唔算係灌水文章呢?

[ Last edited by 307 on 2005-7-24 at 14:24 ]

請問香港過去有邊一年係完全冇風打呢？

[ref=312853]3AD172004[/ref]  在 2005-7-24 15:43 發表:

請問香港過去有邊一年係完全冇風打呢？

沒有啊。
即使最少的一次，是在1959年，
當時只有一次1號風球和3號風球的。
其次是1969年，
當時1號風球4次﹑3號風球2次，沒有8號風球。

相關網址：
http://www.weather.gov.hk/informtc/historical_tc/fttcwc.htm

[ Last edited by gsrc0525 on 2005-7-24 at 15:50 ]

[ref=312667]N38[/ref]  在 2005-7-24 11:47 發表:
真係忍無可忍,見你又貼呢類文章
無風打你都可以係度嘈.....
駛唔駛咁呀....

似乎你係因為感受唔到熱帶氣旋的威力而擔心
唔係怕天氣反常而擔心

算啦
唔好為呢 d 人而勞氣
每次解釋完一輪後又再問過
根本沒完沒了
不如唔好解釋
因為解釋完都係冇用
問完又問問完又問...

樓主
不如搬去美國東岸啦
果 d 地方每年夏季都有風打
一定會令你滿意...

[ref=312702]da54[/ref]  在 2005-7-24 12:25 PM 發表:



颱風去到日本，通常都已經唔勁。
我上次去東京，咁岩有颱風打正，不過因為移動速度太快，
所以只係影響到半個上晝，風力亦只有香港的 3-8 號風球...

樓主最好考慮下移民去菲律賓，全年有風打~

咁又唔一定去菲律賓的,東南亞一帶都成日打風,樓主不妨考慮考慮

[ref=312681]hsu[/ref]  在 24.7.2005 12:00 發表:

乜果個討論區係神？定係熱帶風暴代言人？
佢可以定斷d颱風幾時登陸？邊度登陸？
佢話乜就乜既咩？

如果樓主想打風既話
不如你去台灣住、去日本住、甚至搬去美國東岸住
實有風打年年~唔駛係度自吟自笛喇~

那篇是東方日報的新聞
小弟看不出有關討論區有人斷定颱風登陸的位置和時間
反之
該討論區的人均對此報導嗤之以鼻...

[ref=312818]TL[/ref]  在 24.7.2005 14:55 發表:

一. 無熱帶風暴登陸廣東, 都仲有颱風或者熱帶低氣壓, 什至一個強既低壓區,
都可以登陸廣東並且帶黎唔同程度既風速同埋雨勢, 有可能比熱帶風暴更強.

二. 乜熱帶風暴有眼架咩? 佢見到廣東地區工業不斷拓展就唔揀廣東黎登陸?
真係好好笑囉! 記住! 熱帶風暴只係其中一個天氣系統, 佢既移動路徑係會隨著
其他天氣系統變化而有唔同路徑, 相反亦言.

三. 今年冇熱帶風暴吹襲香港駛唔駛死呀, 乜你個世界入面淨係得熱帶風暴咋??
咁春、冬天你咪真係死得?!?! 我覺得你睇野要睇遠d, 你見d風吹去台灣或者其他省份,
你大可以買張機票去感受下丫, 機票錢唔會駛你好多錢呱,
唔好成日發 d 咁既文章怨個天唔將熱帶風暴吹黎香港啦!

四. 人地網站講乜你就信乜, 你有冇知識架, 如果有既, 我唔信你會睇得咁灰囉.
你有冇嘗試自己去對熱帶氣旋路徑趨勢作出分析呢? 如果係有, 你根本唔需要發出呢類文章.

第一點
在一些文獻中
熱帶風暴(Tropical Storm)是相等於熱帶氣旋(Tropical Cyclone)的...

即是熱帶風暴有兩個解釋
一是熱帶氣旋
二是中心風力介乎每小時63至117公里的熱帶氣旋(香港標準是63至87)

相信樓主應該是想說
沒有熱帶氣旋影響吧...
(不過全篇新聞是從沒提過熱帶風暴一詞的
不知為何樓主會提出來...)

第二點
該篇報導是聲稱工業發展會影響熱帶氣旋的移動
令溫暖氣流上升
繼而使熱帶氣旋不能登陸
小弟不認為這點成立
但也看不出該報導有"颱風揀地方登陸"的意思

第三點
若果真的一整年也沒有熱帶氣旋影響香港
或多或少代表著短期氣候出現了若干的變化
所以也有值得擔憂的地方

第四點
如果他有自己的見解
或有有趣、有用的數據分享
相信...也不會這麼惹人討厭