有紀錄以來最溫暖的二月份：平均氣溫20.5攝氏度

http://www.hko.gov.hk/wxinfo/news/2009/pre0301c.htm

果然如我所料，今年二月份的天氣真是比正常非常顯著溫暖，無論是平均最低氣溫、平均氣溫、平均最高氣溫、單日最高氣溫、吹偏南風次數，以至出現有霧或薄霧的次數，全部都遠較正常高，前四者更打破了天文台成立125年來的紀錄。今年二月份錄得的單日最高氣溫達28.3攝氏度，比1973年2月27日的27.8度還要高0.5攝氏度！

這種通常只會在三月底至四月才出現的暖春天氣，竟提早在二月份，過了立春後不久便出現，而且如此的天氣情況，除了香港，內地的長江以南大部份地區恐怕都是這樣。至於整個中國，二月份的天氣亦出現反常的情況，去年有大風雪及寒潮，今年就有嚴重及大範圍的乾旱，情況是建國六十年來最嚴重。

出現上述情況，會令人聯想起全球暖化．．．．．．情況過多數年可能會變得更堪憂！

[ 本帖最後由 3AD172004 於 2009-3-1 12:30 編輯 ]

反而今日(1/3)就好凍!

原帖由 DC3938 於 2009-3-1 13:40 發表
反而今日(1/3)就好凍!

好凍?
今日只係涼返少少，點算凍呀
直至現在，天文台今日的氣溫介乎 18.3C ~ 19.9C 之間
相比起三月份的平均氣溫 18.9C 同平均日最低氣溫 16.9C, 一 d 都唔凍
只不過係二月份實在太熱，相比之下叫做涼返幾度

原帖由 Quanta 於 2009-3-1 14:27 發表
好凍?
今日只係涼返少少，點算凍呀
直至現在，天文台今日的氣溫介乎 18.3C ~ 19.9C 之間
相比起三月份的平均氣溫 18.9C 同平均日最低氣溫 16.9C, 一 d 都唔凍
只不過係二月份實在太熱，相比之下叫做涼返幾度 ...

本週後期又會回落至十五度。

今年 2 月比正常異常偏暖足足超過 4 度, 遠超全球暖化既速度, 所以
真正既原因主要係天文台所提及東北季候風偏弱, 所以要解釋上個月
嚴重偏暖既原因就要解釋為何整個 2 月東北季候風都偏弱。

全球暖化既速度固然需要關注, 但每逢氣溫偏高就歸咎於全球暖化
未免欠缺說服力。全球暖化明顯係泛指全球性, 而中國偏暖或且
華南嚴重偏暖只可以當作地區性事件, 所以要用全球暖化呢個名詞
就應該加多一些數據。

原帖由 TL 於 2009-3-1 20:06 發表

尋晚深夜睇無線新天氣報告, 話長江下游有強降雨, 杭州錄得超過一百毫米雨量云云......真係唔講唔知, 呢種天氣平常只會響六、七月發生,
每次發生都會成為國家大事－－華X水災.

今年冬天中國天氣的確異常, 我初聽見華北旱災既時候, 心裡淨係諗冇雨落過姐, 有晚聽吳君如個電台節目, 佢話北京今年冬天連雪都冇落過

杭州出現強降雨，導致錢塘江的水位顯著上升，當局更加禁止所有船隻駛進錢塘江。

另外北京曾經連續四個月沒有降雨或降雪，情況實屬非常罕見！

原帖由 TL 於 2009-3-1 20:06 發表

尋晚深夜睇無線新天氣報告, 話長江下游有強降雨, 杭州錄得超過一百毫米雨量云云......真係唔講唔知, 呢種天氣平常只會響六、七月發生,
每次發生都會成為國家大事－－華X水災.

今年冬天中國天氣的確異常, 我初聽見華北旱災既時候, 心裡淨係諗冇雨落過姐, 有晚聽吳君如個電台節目, 佢話北京今年冬天連雪都冇落過.

宜家係春天, 冷暖空氣相遇就會產生降水 (降雨或降雪), 至於降水既強度
某程度與冷暖空氣強度有關。雖然上個月東北季候風係弱, 但主要原因唔係
冷空氣源頭弱, 而係冷空氣未能南下, 所以西伯利亞一帶係囤積不少冷空氣。
同時, 南方溫度嚴重偏高, 於是冷空氣南下遇上強盛既暖空氣造成強降雨。

我印象中去年十一月到今年一月中國天氣都冇異常情況, 而冷空氣強度算係
近十多年較為「正常」既一年, 至少香港一月份氣溫都屬於「偏冷」, 而全國
不少地方更刷新 1977 年以來最低氣溫紀錄, 只不過因為一些因素導致二月
異常偏暖, 所以我只覺得用二月既情況去話整個冬天都係異常未免係以遍概全。

北京當然唔係冇落過雪, 去年年尾落過, 今年二月乾旱之後亦都落過, 我唔知
果個節目係幾時講同點講。

原帖由 3AD172004 於 2009-3-1 20:29 發表

杭州出現強降雨，導致錢塘江的水位顯著上升，當局更加禁止所有船隻駛進錢塘江。

另外北京曾經連續四個月沒有降雨或降雪，情況實屬非常罕見！ ...

之前北京冇降水原因係因為今個冬天 (11 月-1 月) 冷空氣較強, 使北京較長時間
受乾冷影響。