特首對六四的言論

原帖由 32 於 2009-5-18 19:07 發表
H1N1事件，政府的確做得好果斷，係應該讚，不過亦正正因為 SARS 俾人鬧到狗血臨頭
所以今次先咁果斷，睇埋前因後果，又唔算太值得讚，
至於樓上話生果金係小事和睇到政府好有心做，呢兩點我非常唔認同

生果金係面對一班老人家，唔使講邊到，淨係請班副局長都用唔少錢啦，
金管局總裁個位減D人工都o係度，係要搞到全港都鬧咁濟先肯加，都反影政府的冷血

有事發生一個部門推另一個部門，最大果個第一時間失蹤，領功就第一時間浦頭，
要講有心做，遠不及董生時代，雖然都係一獲粥，但出發點多數為市民而唔係為商人，
相反曾班子金融海嘯派錢唔係救市民，派錢祇為救銀行、基金
現任政府有心做？我真係搵唔到個心o係邊

早幾年曾經聽講過金管局總裁年薪至少高過特首一至兩倍

但與其要而家個政府 , 倒不如要番董生時代既好過
而家個特首 , EQ 差到無朋友
仲有毓民曾經係 AM730 寫左一篇文話佢係唔適合做特首

董生由上任、八萬五、金融風暴、SARS、七一、下台，我會話佢本質係一個忠厚良善的人，
只係做事不得其法，諗結果而唔諗手段，或唔夠果斷「騎」唔住班前朝遺臣。
如果佢肯坐鎮港督府，可能可以做到2007。（有人話港督府處在風水陣，「令旗」的中央）

公務員減薪，雖然公務員不喜歡，但其實減完都係多過人，卻可以騰出唔少錢搞其他嘢。
不特別查資料，你講唔講得出現任副局長的名字？他們的職責？人工？

廿三條我當係中央特派任務，另計。

我大學畢業禮，董生來演講，雖然佢成篇都係照稿用普通話讀，
但佢「爆肚」應付示威者時，表現比以前好得多，至少睇得出佢EQ有進步。
大學生（而且係中大）為董建華拍爛手掌，見過未？

人爆肚佢爆肚，曾生爆肚就顯示出佢本來面目：一個只懂聽主子吩咐的推銷員。
唉，香港水香港血，視民望如浮雲，政治家。
政治家最大特色係識講大話（誇大的話），而呢啲大話係人人明知大話都依然受落......
曾生講大話又唔叻，喜怒形於色，講嘅嘢又唔啱聽，政治家喎～
政客都不如。

[ 本帖最後由 DIH 於 2009-5-18 22:14 編輯 ]

原帖由 DIH 於 2009-5-18 22:11 發表
董生由上任、八萬五、金融風暴、SARS、七一、下台，我會話佢本質係一個忠厚良善的人，
只係做事不得其法，諗結果而唔諗手段，或唔夠果斷「騎」唔住班前朝遺臣。
如果佢肯坐鎮港督府，可能可以做到2007。（有人話港督府處在風水陣 ...

呢條片?
http://www.youtube.com/watch?v=ojtTfvEzyrA

睇番曾爵士, 似乎佢個人修養同EQ比董生低N倍,做到特首,真係時也命也...

原帖由 leslie 於 2009-5-18 23:03 發表


呢條片?
http://www.youtube.com/watch?v=ojtTfvEzyrA

睇番曾爵士, 似乎佢個人修養同EQ比董生低N倍,做到特首,真係時也命也...

似乎係我地時運低姐 , 因為見到佢做到特首  

原帖由 3ASV196 於 2009-5-18 15:27 發表

他們都不是當時最高的領導人 .. 情況當然不同, 但無可否認, 如果要重提事件,
簡接影響一定有, 所以我先講, 國家穩定都是重要的考慮吧..

不過我覺得，領導層的更替，並不能成為不重提、不面對、不追究的藉口，
至於如何追究，是另一層面的問題。

例如二戰後德國政府高層亦多次為戰爭罪行道歉，並賠償受害者，即使這些
政府高層許多並沒有直接參與屠殺。（雖然，他們並未為入侵周邊國家、發
動二戰而道歉，做得未算圓足）

當然，大家可以說，猶太人大屠殺和六四並無可比性，但可以肯定的是，一個
國家/政權願意為昔日的嚴重錯誤作出反省、承擔，才是負責任和有良心的表現。

原帖由 S3BL100 於 2009-5-18 23:46 發表

不過我覺得，領導層的更替，並不能成為不重提、不面對、不追究的藉口，
至於如何追究，是另一層面的問題。

例如二戰後德國政府高層亦多次為戰爭罪行道歉，並賠償受害者，即使這些
政府高層許多並沒有直接參與屠殺。（雖然，他們並未為入侵周邊國家、發
動二戰而道歉，做得未算圓足）

當然，大家可以說，猶太人大屠殺和六四並無可比性，但可以肯定的是，一個
國家/政權願意為昔日的嚴重錯誤作出反省、承擔，才是負責任和有良心的表現。

印象中日本既領導人曾經都為過二戰時期日軍侵華而道歉

但反觀而家個中國 , 真係唔覺得佢有點去認真地對待六四事件
同埋個人認為對過左身既趙紫揚係有唔公平既情況

原帖由 edhong 於 2009-5-19 00:12 發表



樓上既老大, 那即是想怎樣 ?
人係你們 (間接) 拉下來
現在就倒轉頭說董先生好
難聽點說有點輸打贏要

說實話, 雖然特首不是一人一票選出
但既然換了
是不是也應該遵守遊戲規則 ? ...

唔係因為睇清楚當奴既真面目既話都唔會咁講囉  

原帖由 edhong 於 2009-5-19 00:12 發表

樓上既老大, 那即是想怎樣 ?
人係你們 (間接) 拉下來
現在就倒轉頭說董先生好
難聽點說有點輸打贏要

說實話, 雖然特首不是一人一票選出
但既然換了
是不是也應該遵守遊戲規則 ? ...

我唔覺得而家我地班人走去反曾蔭權係輸打贏要，違反遊戲規則。
邊個做得唔好，我地就反架啦。