特首對六四的言論

此地無銀?高志活再被拒絕入境
http://www.appleactionews.com/si ... 9&dis_type=text

原帖由 DM17 於 2009-5-30 23:19 發表
此地無銀?高志活再被拒絕入境
http://www.appleactionews.com/site/art_main.php?&iss_id=20090530&sec_id=6996647&art_id=12820489&dis_type=text

真係除左政治因素之外 , 都諗唔到仲有無其他既原因  

原帖由 DM17 於 2009-5-30 23:19 發表 此地無銀?高志活再被拒絕入境 http://www.appleactionews.com/site/art_main.php?&iss_id=20090530&sec_id=6996647&art_id=12820489&dis_type=text

上年都已經係咁。

似乎唔俾高志活呢種人入境已經成為「國策」，香港都必須遵守

原帖由 238X 於 2009-5-31 12:22 發表
似乎唔俾高志活呢種人入境已經成為「國策」，香港都必須遵守

但另一方面，曾經參與八九學運既熊焱就入到黎香港參加今日下晝既六四遊行。

其實，高志活連續兩年被拒絕入境，我有一種感覺係，香港特區政府受中央政府之壓力，對一D曾經參與政治運動既人採取『選擇性拒絕入境』既行動。高志活只係負責製作國殤之柱，並冇參與政治運動，如今被特區政府拒絕入境，我就真係有D覺得難以理解。

[ 本帖最後由 3AD172004 於 2009-5-31 20:18 編輯 ]

原帖由 3AD172004 於 2009-5-31 20:16 發表

但另一方面，曾經參與八九學運既熊焱就入到黎香港參加今日下晝既六四遊行。

其實，高志活連續兩年被拒絕入境，我有一種感覺係，香港特區政府受中央政府之壓力，對一D曾經參與政治運動既人採取『選擇性拒絕入境』既行動。 ...

高志活可能係「外國勢力粗暴干預中國內政」卦......

今日去六四遊行, 多人到...15:00出維園, 18:00先到政府總部

曾蔭權的那段說話, 最錯的point並不是背稿那段, 而是佢爆肚果段"代表大部分香港人的意見" -就算佢唔係講六四有關的topic, 都係會出事 - 他只可以代表800個選委入面投了佢票的幾百人

原帖由 leslie 於 2009-5-31 22:21 發表
今日去六四遊行, 多人到...15:00出維園, 18:00先到政府總部

曾蔭權的那段說話, 最錯的point並不是背稿那段, 而是佢爆肚果段"代表大部分香港人的意見" -就算佢唔係講六四有關的topic, 都係會出事 - 他只可以代表800 ...

下? 咁都叫多人? 四分之三個足球場都企得晒...唔好玩啦..得個幾千人, 同03個次七一相比....
咁就叫多人, 真係得啖笑, 仲未減返D "臨時演員"....
用三個鐘先去到, 係行得慢者, 同人數多少無關...

民主派都唔見得代表到好多人者, 香港人七百萬人口, 都係得區區個幾千人...


今日大台19:00既節目, 平衡地睇兩方面對六四既睇法...做得唔錯...真係中立D..

老實講, 現時好多人對六四既睇法實在太過極端..一係就側左, 一係就側右...

一隻手掌拍唔響.... 當大家講六四時, 有冇睇埋六四之前既一個月發生既事?

講民主, 連唔同意見唔同聲音都接受唔到, 要迫人聽佢個套, 唔聽既當你係左派,
跟手扯埋你落台, 有佢講, 冇人講, 呢D叫民主?

睇返港大學生會出事的那個論壇, 究竟邊D人霸權?
提出唔同意見就話人地要道歉, 就話咩人地不配做港大學生...
老實講, 小弟認為, 最唔配做大學生既, 就係個D唔識獨立思考分析,
只係一味被人煽動, 做左人地既棋子, 人地有唔同意見就要趕人走既人...

對小弟來講, 現時有D人所做既事, 只係一D挾民主之名, 為自己利益為實既行為罷了..

你試下去你所謂既民主國家, 試下咁多人霸著個首都心臟地帶咁耐, 睇下會點?

所謂既平反六四, 一直以來都重點放係中共六月四日當天既不合理行動...
當日行動確實不合理, 但唔代表學生 (甚至乎係乘混亂混入其中攪事既人)霸著個廣場成個月有多既行動係合理..

要平反, 就兩邊一齊平反, 唔好淨係側埋一邊...
中共固然有佢地既責任, 學生(民運份子)既責任亦都唔見得細得去邊..

唔好忘記, 當年幾十萬人當中, 唔係全部係學生, 仲有唔少農民, 工人, 真係乜人都有...
區區十多個學運領袖控制得到個場面嗎? 控制到的話就唔會王丹叫人散, D人都繼續留係度啦..
中共都同當時學運既人來個先禮後兵, 警告完先出手啦 (不過咁樣出咁重手就真係幾離譜)..

學生反擊係自衛, 我唔反對呢個觀點, 不過無可否認既係, 當日雙方都有傷亡,
學運既人可以話中共唔強硬清場就冇事, 同樣地, 中共亦都可以話你地班人肯和平散去,
讓返個場出來(當時本來係有外國使節到訪, 要用天安門廣場做歡迎儀式), 咁就冇事..
兩邊都可以有各自既說法, 各有各既道理, 各有各對既地方, 當然兩邊亦有錯既決定,
先會有六四呢件事...

仲有一點, 之前係港台既節目, 李燦榮都有用一個新聞工作者獨立既觀點提到,
當年有D學運領袖所講既野, 係有疑點既...第一個就柴玲...當日講既, 同佢之後講既, 差別有好大..
(個人建議頭條新聞不如剪輯返所有學運領袖及中共領袖, 由六四至今既訪問對話, 應該幾精彩的)
仲有好多好多例子...呢D亦都係民主派一路不願多提既...

至於有冇外國勢力參與, 呢個冇證冇據就無謂亂講, 不過有幾點幾值得大家諗下...

1. 後來走到去唔同地方既學運領袖, 點解好似走得特別快, 識隱形, 又好似裝有火箭咁, 好快就落左來香港, 甚至世界其他各地?
佢地之前究竟有冇預到有此一著呢? 又點解, 佢地要成為別國公民, 又好似咁順利咁既?

2. 點解有D走到, 有D走唔到呢? 六四當日究竟邊D學運領袖仲係現場呢? 定係有人已經做左快閃黨呢?

3. 表達意願, 表達訴求, 係咪就可以凌駕法治呢?

兩邊既人, 如果繼續各走極端, 老實講, 呢個結一定解唔開...
可惜, 而家既香港, 識得中立D去睇成件事, 會宏觀咁認清成件事既人, 真係唔多...
就算有, 都會被認為 "冷血", "左派份子", "唔配做香港人" 之說云云...


*以上純粹本人之個人觀點與立場*

原帖由 hkbw 於 2009-6-1 01:19 發表

一隻手掌拍唔響.... 當大家講六四時, 有冇睇埋六四之前既一個月發生既事?

講民主, 連唔同意見唔同聲音都接受唔到, 要迫人聽佢個套, 唔聽既當你係左派,
跟手扯埋你落台, 有佢講, 冇人講, 呢D叫民主?

睇返港大學生會出事的那個論壇, 究竟邊D人霸權?
提出唔同意見就話人地要道歉, 就話咩人地不配做港大學生...
老實講, 小弟認為, 最唔配做大學生既, 就係個D唔識獨立思考分析,
只係一味被人煽動, 做左人地既棋子, 人地有唔同意見就要趕人走既人...

六四之前一個月發生的事情，我不認為學生有任何錯誤，更不能justify六四屠城。

民主，當然要接受不同的意見，問題是當有人顛倒事非，指鹿為馬，否認殺人罪行時，
又是否應該容忍這些意見的存在？別忘記，歐洲不少國家都將「否認猶太人大屠殺」列
為罪行，正正就是因為，否認殺人，實在於史實不公，並嚴重傷害受害者家人的情緒。

原帖由 hkbw 於 2009-6-1 01:19 發表
學生反擊係自衛, 我唔反對呢個觀點, 不過無可否認既係, 當日雙方都有傷亡,
學運既人可以話中共唔強硬清場就冇事, 同樣地, 中共亦都可以話你地班人肯和平散去,
讓返個場出來(當時本來係有外國使節到訪, 要用天安門廣場做歡迎儀式), 咁就冇事..
兩邊都可以有各自既說法, 各有各既道理, 各有各對既地方, 當然兩邊亦有錯既決定,
先會有六四呢件事...

中共當時是有宣布戒嚴，要求學生散去，但是我相信學生當時沒有預計到最終會出現
坦克開入城的流血場面。再者，打個比喻，假設閣下在街上突然遇到一個惡霸，要求
閣下交出身上所有現金和貴重財物，否則「後果自負」，而閣下選擇不交出，隨即被
惡霸毆打；那麼，閣下根本無從預計會被毆打，又是否需要為自己被打而「負責」？
閣下的論調，某程度上默許了違反社會常規的粗暴行為。

原帖由 hkbw 於 2009-6-1 01:19 發表
至於有冇外國勢力參與, 呢個冇證冇據就無謂亂講, 不過有幾點幾值得大家諗下...

1. 後來走到去唔同地方既學運領袖, 點解好似走得特別快, 識隱形, 又好似裝有火箭咁, 好快就落左來香港, 甚至世界其他各地?
佢地之前究竟有冇預到有此一著呢? 又點解, 佢地要成為別國公民, 又好似咁順利咁既?

2. 點解有D走到, 有D走唔到呢? 六四當日究竟邊D學運領袖仲係現場呢? 定係有人已經做左快閃黨呢?

3. 表達意願, 表達訴求, 係咪就可以凌駕法治呢?

關於第一及第二問題，建議閣下可以找找近日（特別是逄星期日）的明報，中間有提及
這些民運人士如何在一些熱心港人的協助下，偷渡來港，然後移居外國。事實上，我不
認為這些人申請政治庇護，成為外國公民，有甚麼問題，因為他們留在中國的大地上，
可謂已經無路可走。

而關於第三問題，我看不出這些人根據憲法賦予和平示威集會的權利，而在廣場上靜坐，
有甚麼凌駕法治的地方。相反，武力清場，才是違反憲法，凌駕法治。

原帖由 hkbw 於 2009-6-1 01:19 發表


下? 咁都叫多人? 四分之三個足球場都企得晒...唔好玩啦..得個幾千人, 同03個次七一相比....
咁就叫多人, 真係得啖笑, 仲未減返D "臨時演員"....
用三個鐘先去到, 係行得慢者, 同人數多少無關...

民主派都唔見得代 ...

依家香港人心態就係咁架啦
非A即B，根本無空間討論
我覺得平反唔係問題，但當中一定無其他目的?唔可以假設做否
中央未必唔肯討論，但當中有人有心搞事既
無理由要正中下懷吧~
作為國家元首，算盡一點都無可厚非
同埋到最後真係中左招，國家面臨考驗
中國呢幾十年既發展毀於一旦，到最後大家都係輸家

一個結，成20年，點解仲未解決?當中一定有其他原因...唔好話中央錯晒，支持平反個班人唔多唔少都要負返d責任
平反講左廿年點解都係咁?呢廿年做既野有無深究不足之處?
我敢講，如果大家維持現狀，年年上街遊行，立法會動議討論
到最後事件都係唔會得到一個圓滿解決
可惜既係，人既執著，好多時其他野都聽唔入耳

*我唔係反對平反，只不過用另一角度去睇件事