68X總站由元朗東搬遷至洪水橋已有2年，大家對該線有何感覺?

68X總站由元朗東搬遷至洪水橋已有2年，大家對該線有何感覺?

就以小弟而言，
搬遷總站雖然方便(因小弟居住於洪水橋附近)，
但其班次就比元朗東總站時代更要差，
然而九龍南線既出現，
將會令原有頗為疏落的班次變得更疏，
大欖隧道/長沙灣等的乘客繁時更難上車

歡迎討論

68X的班次叫疏落？
咁63X、66X、67X那些叫做甚麼？
又或者咁樣，我想問閣下認為幾多分鐘一班才是「頻密」？

我次次送/接女朋友來往九龍及洪水橋...
多數都係68X...你話佢疏？我一D都不能夠認同囉...
唔通真係要一落樓下就即刻有車，等車唔可以超過兩分鐘先可以叫做唔疏嗎？

班次上的確減左

最密 4 分減到最密 6 分

我很認同樓主的講法，以前仍然係元朗東總站時，68X既班次的確係較現時頻密，而且時間好準，除此之外，搬左總站之後，只有AP(經常特見)、ATE同ATR三款車，令我覺得好悶(雖然我喜歡ATE)，以前有好多不同車款，以前經常去搭68X，現在除非很趕時間，否則我會選擇搭66轉車都唔搭68X

雖然搶左63X唔少客，但客量又好似真係跌左，應該同西鐵有關，
以前仲係總站元朗東時，我個朋友放工時間在旺角起碼要等2班車先會有一班有位坐，
現在，旺角都有位坐。
就前幾日，放工時間出九龍方向，以前班次密點早就要企，
家陣疏車左，在東頭村站望，反而仲有好多位坐。

原帖由 GK9398_72A 於 2009-6-24 23:59 發表
我很認同樓主的講法，以前仍然係元朗東總站時，68X既班次的確係較現時頻密，而且時間好準，除此之外，搬左總站之後，只有AP(經常特見)、ATE同ATR三款車，令我覺得好悶(雖然我喜歡ATE)，以前有好多不同車款，以前經常去搭68X，現在除非很 ...

呢個都係理由？都幾搞笑下喎

原帖由 KC3555 於 2009-6-25 00:02 發表 雖然搶左63X唔少客，但客量又好似真係跌左，應該同西鐵有關，以前仲係總站元朗東時，我個朋友放工時間在旺角起碼要等2班車先會有一班有位坐，現在，旺角都有位坐。就前幾日，放工時間出九龍方向，以前班次密點早就要企，家陣疏車左 ...

有個朋友住YOHO Town,
佢話出入搭車去好多地方都唔太耐,
係旺角就耐.
因為冇快車出,
得68X由美孚停到旺角,
搭過都寧願搭返西鐵轉車,
我估西鐵對68X都有一定競爭力.

當年攪唔成 268X , 68X 同 63X 無敵組合冇得講

68X 同 B1 搬方向之後, 早上大馬路東行情況轉差, 8 點後有幾次由同樂街塞到喜利徑. 呢段路唔算長, 但中間不少係巴士, 塞到同樂街仲要再埋站 .......

如果68X行朗屏 唔行大馬路會唔會快d？