貼舊相 - 比五洲龍更早出現國產專利雙層巴士車身

坐過佢行屯門公路比起其餘吉蘭仲要慢！仲記得第一日轉去屯門廠早上見到佢停係友愛南廠真係眼到突(因為之前果日仲見到佢行47X)！於是係出面等佢博佢出來！終於等到下午攞出來行59X(當時自己真勇,因為架車出來時咩牌到無,就係廠門囗截停佢問師傅行咩缐！得知59X後便追到碼頭！因為帕佢似當時借車比荔廠行31B只此一曰,所以當時非常落力)從第－日首航屯門廠駕駛的陳師傅對此車評價係(屎到爆)！佢話睇到GP牌比為係泠氣車,點知唔係！見到個殼咁新淨諗住係熱狗富豪！點知又唔係！係利蘭！仲要係唔得果隻！—做生意仲要比後車放死(後車當曰後G牌AV)！後來佢轉左U廠廠徵諗住佢以後都係U廠服務！追缐就比之前放鬆左！點知最後－曰行66！隔左1曰就有人見到佢行87B了！唉！有Ｄ缐錯遇左又無法補飛！註:U廠行過嘅線以我所知有:52M,52X,57M,58M,58X,59M,59X,60M,60X,61X,66,67X,70X,70P,72,及76S！

[ 本帖最後由 2437 於 2009-7-20 20:40 編輯 ]

如何呢架車出模型就正 la!

記得在2000年坐過一次亦是唯一一次S3BL174，那次是坐已經取消的87P線之0932尾班車，
可能當時身型還是較細少，3+2的獨立座椅感覺上都幾舒服，車身內外都感到很新奇。

不過記得坐這車時感覺上不論起步加速同上斜都是很不濟，完全是無力，
上紅梅谷路去獅隧時更是慢到隻蝸牛咁，表現可能比晚年的GL2418還差。

想問這部車當年是否做過81號線掛牌車？
記得有一段時間我每個星期到禾輋邨上course，經常都看到這部車行走81號線，
同期48X線還是用DA/DB牌3BL……還記得最後一個星期自己一個回家，竟然「唔
識寶」沒去坐48X/81號線，走了到源禾路坐70號線的吉拿S3M出九龍(那次是我第
一次坐70號線)。
現在回想起也覺得後悔……

原帖由 2437 於 2009-7-18 20:05 發表
坐過佢行屯門公路比起其餘吉蘭仲要慢！仲記得第一日轉去屯門廠早上見到佢停係友愛南廠真係眼到突(因為之前果日仲見到佢行47X)！於是係出面等佢博佢出來！終於等到下午攞出來行59X(當時自己真勇,因為架車出來時咩牌到無,就 ...

類似既故事我都聽過:
一個當年掛82X蛇車既car佬同我講
佢第一日掛呢架車上沙廠天台拎車
響飛單見到GP牌以為係富豪(當年熱富豪出牌無耐)，見到架車諗住新車無死喇
點知一上車坐低見利蘭錶版已經心知不妙，渣埋落樓即時叫救命...

雖然成日話架車唔掂，但係87B條蛇既掛牌佬渣呢架野絕對強悍...
所以都未必完全係車既問題...

以大陸車來講...外型真係不錯...最敗筆係個扮都城車尾

唔好意思，想請問部車係咪用吉偈
以前成日係龍蟠苑見到，記得係吉蘭聲但又好似有少少怪音

太細個唔太記得啦

原帖由 請勿下車 於 2009-7-18 23:48 發表
唔好意思，想請問部車係咪用吉偈
以前成日係龍蟠苑見到，記得係吉蘭聲但又好似有少少怪音

太細個唔太記得啦

冇錯佢用返吉偈, 成部車只換左個殼.

原帖由 2437 於 2009-7-18 20:05 發表
坐過佢行屯門公路比起其餘吉蘭仲要慢！仲記得第一日轉去屯門廠早上見到佢停係友愛南廠真係眼到突(因為之前果日仲見到佢行47X)！於是係出面等佢博佢出來！終於等到下午攞出來行59X(當時自己真勇,因為架車出來時咩牌到無,就 ...

我記得我10年前有一次見到佢行52m返屯門, 就仆上車…

屯公斜路得20, 踩盡都係60多少少(基本上係BL的水平)

個司機就一路開, 一路鬧架車唔掂…

原帖由 volvo_chan 於 2009-7-18 21:16 發表
記得在2000年坐過一次亦是唯一一次S3BL174，那次是坐已經取消的87P線之0932尾班車，
可能當時身型還是較細少，3+2的獨立座椅感覺上都幾舒服，車身內外都感到很新奇。

不過記得坐這車時感覺上不論起步加速同上斜都是很不濟，完 ...

以我搭過GL2418幾次同埋一次GP7528行52M的經驗

GL2418那一種唔掂比起GP7528, 只係小巫見大巫。

起碼我搭過的GL2418, 在屯門公仲有能力爬到人頭…