吉百利朱古力廣告 (個人感想)

最近電視同roadshow都不停咁播呢個廣告(roadshow版同電視
版好似有少少唔同)，有兩個小朋友隨著強勁既音樂，眼眉不斷
強勁地跳動果個呢...

先唔講會唔會教壞小朋友(個人認為小朋友要模仿也不是太容易
學得到)，作為一個廣告，總是想帶出自己品牌同廣告主題吧？
但我睇完佢地擠眉弄眼，最後換個畫面話「開心預埋你」，我
想問下同果兩位小朋友做既野有乜關連？

只要將最尾一幕換做另一個品牌，咪又可以當另一個廣告？

定係有野我miss左？係的話請賜教！

原帖由 HY671 於 2009-7-8 09:52 發表
先唔講會唔會教壞小朋友(個人認為小朋友要模仿也不是太容易
學得到)，作為一個廣告，總是想帶出自己品牌同廣告主題吧？
但我睇完佢地擠眉弄眼，最後換個畫面話「開心預埋你」，我
想問下同果兩位小朋友做既野有乜關連？

只要將最尾一幕換做另一個品牌，咪又可以當另一個廣告？

定係有野我miss左？係的話請賜教！

而家d 廣告片, 大部份已經唔再係三四十年前「平霸」果種硬銷形式,
只要廣告內容吸引到你, 又match到句slogan, 已經ok.
唔知閣下睇完條片有咩反應, 我自己睇完就覺得好好笑.
(當然間唔中睇一兩次會好笑, roadshow咁滾筒式轟炸就另作別論.)
因為兩個小朋友的戚眉動作好夾音樂的節奏,
又識得用捽汽球模仿捽碟聲.
睇完覺得好笑, 咪呼應到佢果句「開心預埋你」囉.
仲有, 你將吉百利個嘜頭換成其他牌子, 冇錯係冇乜分別.
但家陣你記得佢係吉百利廣告, 咪即係個廣告成功囉.

原帖由 bustop 於 2009-7-8 10:28 發表

而家d 廣告片, 大部份已經唔再係三四十年前「平霸」果種硬銷形式,
只要廣告內容吸引到你, 又match到句slogan, 已經ok.
唔知閣下睇完條片有咩反應, 我自己睇完就覺得好好笑.
(當然間唔中睇一兩次會好笑, roadshow咁滾筒式轟炸就另作別論.)
因為兩個小朋友的戚眉動作好夾音樂的節奏,
又識得用捽汽球模仿捽碟聲.
睇完覺得好笑, 咪呼應到佢果句「開心預埋你」囉.
仲有, 你將吉百利個嘜頭換成其他牌子, 冇錯係冇乜分別.
但家陣你記得佢係吉百利廣告, 咪即係個廣告成功囉.

多謝兩位板友解說。

我由第一次睇起，從來冇開心既感覺。雖然佢吸引到我知道
佢係賣吉百利朱古力，但絕對唔會増加我買佢產品既意慾。
難道閣下睇得咁開心，之後有買過呢個品牌黎食？

原帖由 HY671 於 2009-7-8 10:55 發表


多謝兩位板友解說。

我由第一次睇起，從來冇開心既感覺。雖然佢吸引到我知道
佢係賣吉百利朱古力，但絕對唔會増加我買佢產品既意慾。
難道閣下睇得咁開心，之後有買過呢個品牌黎食？ ...

你呢種年紀當然唔會就咁比個廣告吸引就會即刻想買黎食啦...
但呢個朱古力既promotion target 係邊個先？

個廣告有印象，不過唔睇呢度就唔知係吉百利朱古力，我仲成日以為係
Sony Ericcson或者Motorola。

老實講，我返工個陣，呢個廣告既音樂係播得好大聲
差唔多一聽到就知又播啦~
P.S.我做個間餐廳有排細電視既
不過呢，個廣告能夠成功引起d人去討論，本身已經贏左一仗
不論好壞，有人留意就得，亦是廣告本義。
如果政府廣告學到d技巧，多好~

個女仔整汽球果d聲真係想煩到掟爛部電視....
之前響第二個post講過, 第一次見呢個廣告係響戲院睇transformer果陣, 我以為係味d叫人熄電話同埋唔好講野果d片, 點知最尾.....全場o哂咀

廣告唔一定係sell你買佢o既product o既…
一個已經有相當長"歷史"o既品牌，
佢o既廣告可以係remind大家佢呢個品牌o既存在、引起大家o既注意，
呢個廣告我覺得o係呢方面都幾成功…

唔駛太過認真，Just for fun
即係咁，如果你覺得吉百利煩，
咁我真係唔知點形容面油洗甩豆豆洗甩