<獨立媒體>質疑高速鐵路論點選輯

原帖由 leochill 於 2009-10-3 10:22 發表
閣下思考周密果然令人折服。
小弟只想表達400億同600億係兩回事, 高鐵o既好壞都要同佢o既代價作比較,
如果價錢繼續飆升, 大家又係咪會繼續支持呢?

再嘈就唔止600億，而係800億、1000億，一早起就冇事啦。
點解貴係因為建築材料價格上升，你同我都控制唔到。

原帖由 3ASV196 於 2009-10-3 10:17 發表


我唔介意你同其他forum 比, 不過要批評呢度的討論, 請提供切實理據, 我好喜歡你可
以講出唔同意見, 但希望是從論點中反駁, 因為如果你有強烈理據, 相信一面倒都唔係
問題, 但你以上言論, 直言, 除左一dd point 都講唔到, 更加好唔尊重呢度朋友的意見

我睇咗閣下幾個main point,

-防止邊緣化問題...加強香港本身的優勢
-如果唔整, 香港將會與內地最新的交通系統斷絕來往
-加強香港的重點優勢, 減少與內地來往的時間/金錢(transaction cost) 去鼓勵留港..
-香港仲唔做d野加強連繫, 到時香港人就真係無工開喇...

以上都可以把閣下論據歸納為防止邊緣化

香港(人)是否邊緣化唔係睇有冇高速鐵路, 而係整體人文結構 (人文包括很多方面, 人口,商務,旅行,家庭,文化,教育等等取向)
例子一: 深圳/廣州開出往上海的列車客量高, 相比香港的那一班(應該話0.5班)客量?
例子二: 講下機場, 香港機場規模大又先進, 相比國內(深圳廣州)內陸機市場客量?
咁點解里程差不多, 可是陸空的客量差別咁大?

應該係人文結構不同, 你諗下六百萬本土香港人, 除了返深圳及珠三角之外, 到國內商旅的係咪頻仍?
相對國內城市的人文交流, 香港人的確被比下去, 而且很低...相反, 大陸人在人文交流方面卻很"放"
(以上並非香港自卑論)

如果要高鐵有可觀的客量及班次, 起碼香港要泵多過百萬大陸人口
如果想學廣州/深圳火車站咁, 可以做到頻頻的長途班次, 更要泵多過百萬外省人口
香港要留住咁多人口, 本地就要有相關產業(實業)連帶, 有冇?

原帖由 sq285 於 2009-10-3 10:48 發表
今日先開到果個「獨立媒體」網站，見到原來係一堆又一堆奇怪論點。

趙堅用印度反對起高鐵做例子。我想問印度人均GDP係幾多?
香港US$30862
中國US$2912
印度US$1068
印度百姓畀唔起個車費唔等如香港人或者大陸人畀唔起 ...

印度國內交通唔完善, 絕對係國家發展障礙. 如果印度有中國既高速公路網規模, 成就一定不止於此.

好多人都坐唔起飛機, 咁政府點解要俾咁多錢去起機場? 又係窮人津貼富人怪論? 而且窮人都無交稅, 拎咩出黎津貼?

原帖由 kay 於 2009-10-3 10:36 發表

比我揀，我會起高鐵都唔港珠澳大橋。
港珠澳大橋，早幾年起好就話有用，依家我唔覺有咩用啦，
珠三角各自都發展晒。
人地早年問香港尋求發展，香港又比左d咩回應先?

反而高鐵佢個珠三角生活圈都仲叫好少少，
人地大陸個段都差唔多起好，香港只要起條駁住人地大陸終站就得，
問題涉及地方起碼少過港珠澳大橋。
(如有錯誤，請指正)

不過，我有個睇法，d人唔知係咪心裡想中央起埋香港個段去.....
如果係既話，佢地自自然舉腳贊成，唔會反對。
而且成本一定平過香港自己起。

當年區域快綫(2000年左右)早d起咪無咁易被插囉(造價低)
點解港府要等深圳plan好條綫, 自己才去"駁人的尾巴" ?
係咪因為香港的 bargain power 弱, 還是另有內情?
回想當年九龍連接廣州的鐵路, 是"香港"提倡主導, 真令人懷念

講到尾, 如果D人真係唔想起, 就叫議員否決動議, 唔好煩, 深圳市政府一定絕對支持, 總之日後唔好後悔. 但大部份議員取態好曖昧, 看似反對其實又唔係反對, 都唔知想點.

香港不斷內耗, 令發展停滯不前, 搞咩建設都慢過人. 香港係基建方面既落後, 遲早彌補唔到所謂軟實力(法治, 英語水平, 人口質素)既優勢. 大陸無論基建同軟實力方面都不斷進步, 根本而家香港好多野都不過係因為大陸政府傾斜先至站得住腳.

我有唔少朋友係長三角一帶工作, CRH開通之後(CRH都仲未算係高鐵!)真係好方便, 上海去昆山, 無錫, 南京, 蘇洲, 杭州等地快左好多, 特別係40分鐘已經可以去到蘇州呢個高科技工業重鎮. 上海同長三角腹地前舖後廠格局已經形成,一小時生活圈好多就做到, 唔係吹水, 所以點解人地咁有決心拆好多樓都要起虹橋交通樞紐 (機場-磁浮-高鐵-普通鐵路-地鐵-長途巴士-市內巴士中轉站) 就係咁解.

爬番舊文 http://www.hkitalk.net/HKiTalk2/viewthread.php?tid=416387 上海去蘇州84公里只收RMB26, 250KM/h, 事實證明高鐵絕對可以平, 問題係當局肯唔肯做.

只要大陸一放手俾上海搞, 而人民幣可以進一步自由兌換的話, 上海既有金融優勢, 又同長三角工業有緊密高鐵聯繫(長三角工業層次同科技比珠三角高), 到時金融, 服務, 工業, 科研四大堅實產業支柱, 肯定堅過香港D所謂旅遊同創意工業, 我睇唔到香港點夠人鬥.

上海同香港都係人口密集, 工業外遷, 集中金融同服務業發展既城市, 咁當然香港現階段比上海做得出色好多. 但一個高鐵網令成個長三角工業區同科技園變成上海既腹地, 上海唔駛起工廠, 唔駛搞科學園, 只要用鐵路連接其他省區就足以令自己多左工業同科研優勢, 呢兩樣野夠打香港有餘啦.

[ 本帖最後由 PB602 於 2009-10-3 11:36 編輯 ]

原帖由 barking 於 2009-10-3 10:55 發表

應該係人文結構不同, 你諗下六百萬本土香港人, 除了返深圳及珠三角之外, 到國內商旅的係咪頻仍?
相對國內城市的人文交流, 香港人的確被比下去, 而且很低...相反, 大陸人在人文交流方面卻很"放"
(以上並非香港自卑論)

其實閣下睇少左我之前一個重要的point : "而係唔係吸引到人黎? 的確唔只靠高鐵, 亦靠香港本身的轉型"

閣下以上的睇法, 係現時睇係正確, 但似乎閣下仲係只以香港的現在為中心.....而事實上, 我一直講緊的大方向,
係將來香港更與大陸一體化之後的情況, 以內地為中心的情況.....三軍未動, 糧草先行, 要加強返個人文
交流, 基建本身是其中一個重點.....

我唔係講緊, 有高鐵, 就咩都掂, 咩唔駛改變都ok ga la... 而是講緊, 係成個香港經濟/服務轉型, 硬件的角色
都係非常重要, 這先是高鐵的重點.....

或者再講得直d, 香港發展已經飽和, 好難再係現時情況有大突破, 相反, 內地仍然有大量空間及內需, 包括服務
同金融, 香港人下一步, 要係諗下點樣可以以香港本身的軟件優勢(之前講過, 人才, 專業, 法律, 國際性一d), 去為
內地服務, 加強交流(點解依家未得?), 等部分服務可以留港, 所以我地要避免個邊緣化.....

其實香港已經係呢d方面, 太遲....我地依家的確似是要求內地連繫我地比較多...

[ 本帖最後由 3ASV196 於 2009-10-3 11:48 編輯 ]

400億時我地有嘈的機會嗎?
當時除左菜園村同少量環保/規劃o既反對聲音, 議員同市民大部份都支持,
係政府自己拖咁多年, 市民有做過咩去阻撓?

原帖由 sq285 於 2009-10-3 10:52 發表


再嘈就唔止600億，而係800億、1000億，一早起就冇事啦。
點解貴係因為建築材料價格上升，你同我都控制唔到。

原帖由 leochill 於 2009-10-3 12:05 發表
400億時我地有嘈的機會嗎?
當時除左菜園村同少量環保/規劃o既反對聲音, 議員同市民大部份都支持,
係政府自己拖咁多年, 市民有做過咩去阻撓?

其實由建議去到起, 是要一定時間及程序, 唔好講政府,
私人發展商, bid 左塊地返黎, 入plan, 招標搵contractor,
去到實際支出, 都是會有分別.....因為工程要時間, 但市場
時時刻刻去變....

而睇返區域快線(好似以貨為主?)/高鐵, 整體規劃黎講, 其實算好快,
(加上早年有金融風暴, sars 等不定因素) 依家已經有晒工程詳圖,
睇返啟德, 仲係咩都無...由198x 年開始 plan...

[ 本帖最後由 3ASV196 於 2009-10-3 12:44 編輯 ]

原帖由 PB602 於 2009-10-3 11:27 發表
講到尾, 如果D人真係唔想起, 就叫議員否決動議, 唔好煩, 深圳市政府一定絕對支持, 總之日後唔好後悔. 但大部份議員取態好曖昧, 看似反對其實又唔係反對, 都唔知想點.

香港不斷內耗, 令發展停滯不前, 搞咩建設都慢過 ...

講真政府有決心起,幾多人反對都一樣照做,正如當年起機場一樣

高鐵唔係唔應該起,問題係政府態度實在有點怪,有人嘈就縮,結果
又話要研究...

原帖由 orange 於 2009-10-3 12:28 發表

講真政府有決心起,幾多人反對都一樣照做,正如當年起機場一樣

高鐵唔係唔應該起,問題係政府態度實在有點怪,有人嘈就縮,結果
又話要研究...

當年港英政府, 點同依家, 市民反應都唔同左la, 其實某程度上, 唔可以唔理,
但又想唔理, 搞到矛矛盾盾...其實呢方面又的確唔抵爭....

或者, 以前鬼佬的處事方式, 真係好d....