沙中線九龍城段新方案車站暫稱：宋王臺站、樂民站

會唔會被土瓜灣九龍城既居民同埋區議員搞到沙中綫同步通車...

即係大圍至紅磡段
同埋紅磡至金鐘段

可一同通車呢？？？
(2019)

其實晌沙中線九龍段定線未有定案時，可否率先興建大圍至顯徑一段？
以免九龍段拖延攪到遲遲都未通車 ~

原帖由 ~~Knysna~~ 於 2009-10-19 17:22 發表
其實晌沙中線九龍段定線未有定案時，可否率先興建大圍至顯徑一段？
以免九龍段拖延攪到遲遲都未通車 ~

似乎冇乜必要吧...
顯徑站點計都係一個bonus，
大圍唔係迫到人滿之患既地步
顯徑人口又唔係大躍進
而且單獨興建可能因為材料訂購太少而推高造價

原帖由 A312 於 19-10-2009 06:33 PM 發表


似乎冇乜必要吧...
顯徑站點計都係一個bonus，
大圍唔係迫到人滿之患既地步
顯徑人口又唔係大躍進
而且單獨興建可能因為材料訂購太少而推高造價 ...

如果係鑽石山可能唔係咁講, 當初都話過大圍<>鑽石山會先通車...

原帖由 ~~Knysna~~ 於 2009-10-19 17:22 發表
其實晌沙中線九龍段定線未有定案時，可否率先興建大圍至顯徑一段？
以免九龍段拖延攪到遲遲都未通車 ~

就算要提早起，都係大圍至鑽石山更有價值吧。

觀塘綫延綫亦受到拖延

原帖由 tonyng 於 2009-10-18 06:17 發表
沙中線九龍城段新方案車站暫稱：宋王臺站、樂民站

土瓜灣站 -> 宋王臺站
馬頭圍站 -> 樂民站

好多謝樓主的 update，小弟剛才睇過 MTR 網站之沙中綫資料，雖然發現馬頭圍／土瓜灣一帶的走線已經由海傍搬至內區，不過站名 as of 十月二十日仲未調整，現時 MTR網頁之沙中綫地圖仲係：


當小弟 google "宋王臺站"（包括兩邊的 double quotes）時，就發現第一個網頁是：
http://www.takungpao.com/news/09/05/04/GW-1076234.htm
原來早於今年五月初已經有「宋王臺站」這個名稱，為何 MTR 的 Website 至今仲未把舊土瓜灣站 rename 為宋王臺站呢？

不過小弟就懷疑「樂民站」這個名稱 so far 有無 officially被採用，因小弟 google "樂民站" 而只搜尋香港的網頁時，結果全部網頁都來自 Discussion Forums，而第一個 result就恰好係 hkitalk內的本主題。本人希望樂民站的名稱只不過是temporary，只是為了市民唔好把舊土瓜灣站同新土瓜灣站 混淆。其實規劃階段及建造階段初期的站名並不一定代表啟用時的站名，例如南環綫之「西九龍站→柯士甸站」，將綫分叉出來的「將軍澳南站→康城站」等；盼望東西走廊全面貫通前，樂民站→土瓜灣站。

不知樓主從哪裏得悉宋王臺站及樂民站等新站名呢？

去年我也聽聞本 forum 有位站友建議土瓜灣站及馬頭圍站對調，他／她的解釋是：

原帖由 DIH 於 2008-7-26 10:22 發表
…港鐵土瓜灣站及馬頭圍站，當初原意係以道路命名（因土瓜灣道及馬頭圍道之名），
但我認為這樣的站名有混淆，土瓜灣站比較接近馬頭圍…，
馬頭圍站比較接近土瓜灣（例如土瓜灣街市「紅蘋果」等地標），
為免十數年後新一代叫錯晒地方名（在荔枝角站的長沙灣廣場），我認為應該將兩個站名對調，以正視聽。…

「舊馬頭圍站→新土瓜灣站」看來大部分站友都應同。至於舊土瓜灣站的新名，不知除了宋王臺站和新馬頭圍站外，九龍城站或馬頭涌站你們又點睇呢？

[ 本帖最後由 Ka-Lun 於 2009-10-20 21:18 編輯 ]

原帖由 tonyng 於 2009-10-18 06:17 發表
沙中線九龍城段…

工程項目完成日期：2015年底 -> 2016年

至於沙中綫九龍城段的預計通車日期由 2015 年推遲至 2016 年，最受影響應是九龍城／土瓜灣的非過海客，因九龍城區的過海客是要等沙中綫過海段通車才感覺到較大的優勢，點解小弟會咁講？有以下兩個原因：

• 路線方面：就算沙中綫九龍城段啟用而沙中綫過海段未竣工的話，土瓜灣居民若想搭 MTR 過海就要花較長時間轉車（a、於尖東站行到尖沙咀站，或 b、若唔想行咁多路，就要於何文田及油麻地轉兩次車），這兩種過海路線都不及於紅磡站駁南北走廊過海方便快捷。仲有，若果由土瓜灣往返灣仔或以東的地方，用荃灣綫過海的路線亦兜過搭隧巴。
• 現有過海鐵路的負荷能力：雖然小弟也聽聞：
  

  原帖由 mmlcs36 於 2009-7-21 08:42 發表
  現在荃灣線南行第8卡基本也不擠迫

  
  但當西港島綫、南港島綫、沙中綫大圍至紅磡段、和觀塘綫黃埔段相繼通車後，而沙中綫過海段未能趕得上的話，只會加重荃灣綫的負荷，就算 MTR 廣播懂得叫乘客利用較易上車的位置登車，究竟單靠荃灣綫南下的車尾及該綫北上的車頭之現有空間能唔能夠應付以上橙色字項目通車所帶來的額外需求呢？若果早上荃灣綫南下（包括車尾）或傍晚荃灣綫北上（包括車頭）再出現擠不上車的情況，即使沙中綫九龍城段啟用，九龍城區的過海客仍未能正式受惠。

所以沙中綫過海段一日未通車，沙中綫九龍城段只能益該區的非過海客。

其實當 2002 年政府公佈沙中綫項目批給九鐵時，當時預計整條沙中綫總共要用六年時間規劃和興建（即去年應能通車）。但到去年沙中綫項目公佈新的時間表時，小弟真係被嚇了一跳！因為大圍至紅磡段總共要用多七年時間來規劃和興建（即預計 2015 年通車），更恐佈的是過海段仲要用多十一年來規劃和興建（即預計 2019 年才通車）。通常 as time goes on，鐵路的通車日期應愈來愈近。但沙中綫項目就例外，2002年話六年後通車，為何 2008年就反而話要 7 - 11 年後才能啟用？雖然沙中綫的進度會受之前兩鐵合併與否的決定影響，不過兩鐵合併後沙中綫的規劃和興建應可以全速進行，例如沙中綫過海段就算因遷就灣仔北的其它工程而唔能夠 2015年竣工，都唔應該要等多四年咁耐！

沙中線不斷推遲通車,由頭到尾都係政府左搖右擺
先有因攪兩鐵合併而叫停
到攪掂兩鐵,而以為計劃可以全速進行,
又殺出個國家政策級既高鐵網絡,其他計劃又要讓路
其實如果計本地交通需求,最迫切既一定係沙中線,東鐵出入九龍段有幾迫,係人都知
再來先到南港島線,再到高鐵
最尾先到西港島線
而家政府因政治考慮,而本末倒置,可悲,可惜