（再次討論）年青人對鐵路的癡心程度

原帖由 dippy 於 2009-12-23 01:50 發表


如果唔駛等6分鐘1班的西鐵+10分鐘1班既東涌線當然無問題
有學生優惠都唔係平過49X釨多
但係就要一次撘哂和港2條最疏既鐵路

30-35分鐘呢個時間好抆
唔好忘記南昌同紅磡都唔係純跨月台轉車 ...

由沙田往青衣，港鐵建議於九龍塘、太子及荔景轉車，官方時間為 35 分鐘。

樓主提出的經紅磡及南昌轉車，應該純為較舒適的旅程及有位坐，而學生優惠平過 49X 本來已是賣點，是否「平好多」我不作評論，據我所知香港算死幾亳子的人大有人在。

所以啦，沙田去青衣選搭港鐵，就算係成人，我都唔覺得有太大問題，若果係學生幫屋企慳一個幾號更加係孝順仔一名。

若果巴士與鐵路車程相若，甚至鐵路比巴士慢 10 分鐘，但學生票價比巴士平，我認為選鐵路就算唔係最明智之選，亦不會是一個犯錯的選擇。

原帖由 volvo_chan 於 2009-12-23 02:13 發表
我有個親戚要由兆康去新蒲崗上班，正路應該是坐輕鐵/西鐵去屯門站轉61X，不過佢上班就一定會& D- T- i$ ^6 |. X8 Z
坐西鐵去美孚轉港鐵到太子再轉觀塘線到鑽石山，佢話一小時左右就返到公司，唔覺得慢喎。

我自己由天水圍去鑽石山返工，一樣係西鐵轉荃灣線轉觀塘線，車程大約 42 分鐘左右，每日搭同一班車，我都廢事考慮 269C 係咪會快少少。

若果本身要搭西鐵先可以轉 61X，我覺得唔轉先係正路。搭去屯門再轉 61X ，由西鐵月台行去巴士站，等開車上客，兜埋安友，保守估計 20 分鐘先上屯門公路，同一時間搭西鐵差不多到美孚。

[ 本帖最後由 ahbong 於 2009-12-23 02:34 編輯 ]

當然好多嘢冇絕對
小弟家住竹園、筲箕灣返工
去程一定搭211轉地鐵
50分鐘夠我屋企返到公司
搭103轉其他車?
就算冇咩塞車45分鐘都係啱出紅隧冇耐...

回程通常118轉103
行上斜路搭118用多少少時間
60分鐘內都返到去
但因為回程211行車時間長
計埋都係差唔多60分鐘
唔求準時的話不如瞓下覺啦

連同一個起點終點
方向唔同都可以有唔同選擇
咁唔見得揀MTR一定係癡心喎
我自己就比較鍾意逐個case睇

以樓主的例子
其實小弟覺得
無論係唔係繁忙時間
只要趕時間的話
搭巴士去中環、金鐘
都係個幾不智嘅選擇

因為出隧道口塞10分鐘先去到金鐘
已經足夠地鐵由旺角去到金鐘...

如果用時間嚟分析
會唔會係樓主自己對巴士太癡心?

平心而言 , 由新界 / 九龍出發去港島 , 地鐵係一個便宜又快捷既方法 (就算樓下有特快線都係咁話 , 603 呢 D 冇地鐵既地區就例外)

原帖由 Wright---AVW16 於 2009-12-22 20:48 發表

兩個event都係約係地鐵站等，無礙坐地鐵落車再行去會方便D，但亦都唔代表坐完巴士，之後是但搵個出口入站再慢慢搵返集合個出口係有問題掛？我亦都同意對於唔識路既人，地鐵會較方便，但都唔代表連最基本既geological sense都唔 ...

最基本既geological sense真係好多人唔識wor。
你都識話，坐完巴士又要慢慢搵返個地鐵入口，
佢地又會認為(有時我自己都會)，不如搭鐵路仲好，

另外，我見過有人：
1.東涌可以同將軍澳撈亂。
2.由華明去彩園，先搭273去鐵路站，再轉東鐵綫去上水。
3.西鐵講成馬鐵。
4.由青衣去香港，一定要搭去東涌，然後搭返轉頭先可以過海。
(呢句我聽完我真係O左咀。)

唔係交通迷既人，只會識得去旺角銅鑼灣呢啲地方，仲要係只會識搭鐵路果隻。
有啲屋企有私家車的，唔識搭鐵路都唔出奇。

所以如果為左「搭咩車」而同佢地有爭拗，
佢地只會覺得你連呢啲野都可以嘈一餐。
扣晒你啲印象分。

原帖由 Wright---AVW16 於 2009-12-22 19:58 發表
大家都知道於新界東乘全程地鐵過海是相當不濟，因為要轉兩/三（馬鐵）次車，但是最多同學選用的，反而是這個最愚蠢的方法。當然也有部份同學選乘直線巴士（如681）前往中環，但卻竟沒有人利用最多人使用的「在紅磡站轉隧巴」的方法。早上紅隧巴士頻密程度有目共睹，而這也較全程地鐵直接，但同學也不選用這較佳的方法，代表了甚麼？www.hkitalk.net& G) E5 w2 x& }# s; b- j  T

錯哂錯哂錯哂
去中環計，新界東居民選用九龍塘/尖東轉車嘅一定比紅磡轉車嘅多

紅磡轉車嘅好多係去灣仔/銅鑼灣/東區，去中環只佔少數，
因為紅隧巴士去中環水路較遠，變數太大，即使冇塞車亦唔快得去邊

同埋全程MTR只係轉車次數較多，
請問在地理上有乜錯??

真係膠文一篇，最慘係有唔少人附和

[ 本帖最後由 Kaix 於 2009-12-23 10:00 編輯 ]

原帖由 N38 於 2009-12-23 09:11 發表
最基本既geological sense真係好多人唔識wor。
你都識話，坐完巴士又要慢慢搵返個地鐵入口，
佢地又會認為(有時我自己都會)，不如搭鐵路仲好，

另外，我見過有人：
1.東涌可以同將軍澳撈亂。5 H# l- r: q& n" N2 ]
2.由華明去彩園，先搭273去鐵路站，再轉東鐵綫去上水。, p6 e; J# Q; o8 a( C+ U7 s2 Z* C
3.西鐵講成馬鐵。
4.由青衣去香港，一定要搭去東涌，然後搭返轉頭先可以過海。

去中環計，新界東居民選用九龍塘/尖東轉車嘅一定比紅磡轉車嘅多

咁新界東居民大部分都冇sense??

仲有你例子2好有問題，
2 - 273轉東鐵去上水係最快，你唔俾人地趕時間?? 你估所有人都好似d巴膠咁終日無所事事??
去上水彩園嘅話273A/70K慢如蝸牛，270A/278X雖快少少但都係慢，落車又要行一段路去彩園，
當架巴士去到粉嶺MTR只剩10分鐘就遲到，唯一可以扭轉遲到形勢就係立即轉MTR

同埋273轉東鐵去上水，地理上有咩錯??
273轉東鐵去上水嘅實際路程距離比一程迂迴嘅273A/70K/278X/270A都短好多好多，
273轉東鐵去上水地理上先係最正確


P.S. 呢排香港好興彈d學術terms去將自己理論置於高地，
但連字都用錯，理論又apply錯，就真係貽笑大方，
不過點錯都好，只要將d學術terms、籤文、名著金句口號化，配以反問、煽情寫作手法，
就會有一班膚淺同缺乏分析力嘅80後青年支持

[ 本帖最後由 Kaix 於 2009-12-23 10:29 編輯 ]

原帖由 ahbong 於 2009-12-23 02:31 發表


我自己由天水圍去鑽石山返工，一樣係西鐵轉荃灣線轉觀塘線，車程大約 42 分鐘左右，每日搭同一班車，我都廢事考慮 269C 係咪會快少少。

若果本身要搭西鐵先可以轉 61X，我覺得唔轉先係正路。搭去屯門再轉 61X ，由西鐵月台行 ...

我暑假就試過去九龍灣番兩個禮拜實習
我就會坐269C
因為,我仲未拎返我張學生八仔(補領中..)
而一程269C用成人八仔係平2蚊
第二,我返工個時,朝早上車(我搭開0730-0745之間係天瑞埋站既269C)之後用50分鐘我就可以落車行到返公司(同巴士站距離大約8分鐘步程)
(部巴士用大約半個鐘度就會到龍翔道,甚至落到黃大仙)
(即係我係天水圍0800上車,依然0850就會返到)
而MTR呢,計埋LRT,要成75分鐘(所以試過一次就冇再試..)
第三,係有位坐~
我朝早坐269C例有位
到天耀就可能要企
而放工係九龍灣MTR上車
都係日日有位坐~
(放工個時鑽石山就唔同講法)

新界東居民乘全程地鐵過海是愚蠢？港鐵學生半價荼毒著不少年青人？樓主都好偏激喎！
我估如果拿這兩點去維園辯論，實俾人鏟到飛起都似！

選擇巴士或鐵路，其實不外乎從價錢、車程、舒適度來決定，以小弟的常搭車程為例：

a. 天耀 <--> 沙田市中心   

全港鐵，$300月票每程加$6.2，繁時45分鐘一定得；反而269D若一程過要成個鐘。

b. 天耀 <--> 藍田

全港鐵，$300月票每程加$6.6，60分鐘可到達；試過269C-->16M，轉車要行一段路要
個幾鐘至到。

c. 沙田市中心 <--> 藍田

全港鐵，雖然貴過巴士兩個幾但夠快；89轉16M又係另一個惡夢。

d. 沙田市中心 <--> 荃灣西站

港鐵／巴士都得，不過港鐵會快過 47X/48X-->43X 約十分鐘；而有$300月票每程只需
$6.2。