由識到女仔去到拍拖係咪真係這樣困難的？

話說我有幾次的遭遇：

1.讀中五時識到一個中一既女仔，
不過她只係細我兩年，由國內來的。
女仔在中二轉左校，
我多次約她出來但她每次都話有事唔得，
直至有次約到她出來但係她帶了一個男仔，
該次之後我已經再沒有聯絡她。

2.我在公司因為某些原因，
而識到一名在另一部門工作既女同事，
我睇她應該同我咁上下大。
當我再詳細傾關於自己的事，
得知她已經同男朋友拍拖五年，
過多兩年她會同男朋友結婚。
我見這樣都無謂走去「橫刀奪愛」。

以上兩個個案可以睇番我較早前在這裡的文章。

3.我在攝影班既戶外活動中識到一個同我咁大既女仔，
當時她肯為我做她的模特兒，
第二次戶外活動時問她取了電話，
以便日後約她出來取回相片。
但係我多次打電話給她都係飛去留言，
不過有次試過用公司電話打給她，
她當時俾左個電郵我send相片俾她，
當我在電郵中對她示愛時，
她在回覆電郵中表示已婚。
我覺得她已婚這件事很突然，
因為我兩次活動見她兩隻手都沒有戴上戒指的。

4.這個遭遇係最近期的，
我在交友網識到一個同我咁大既女仔，
當時係我主動識她的，並且同她交換ICQ，
早時我同她係ICQ上都幾好傾，
到了近期她因為多功課做以致傾談時間少左，
不過為免阻到她於是問她取電郵聯絡，
她收到電郵但拒絕我在平安夜相約的要求，
我問她原因，她原則係唔會見net friend，
我再問她記唔記得我們在那裡認識的，
她話唔記得，我於是告訴答案給她，
她之後話「有d咩直接d講, 我好hate 人轉彎末角」，
當我正式向她表示清白時，
她話「冇可能ga!! 我已經有鍾意ge人, 就算佢唔鍾意我, 我都唔會放棄鍾意佢」。

其實我係交友網睇她幅相，
同我係去年農曆新年時在地鐵遇到既女仔一樣，
當時我係主動讓座給她，
等她同她個friend坐埋一齊。

究竟由識到女仔去到拍拖係咪真係這樣困難的？

PS:係第4個個案中既女仔在這篇文章貼出後，
利用ICQ傳送本文章既連結俾她，
她有這樣的回應：
「我諗你誤會左, 我唔係你上年chinese new year 見到ge女仔lor...
anyway...由一開始識你, 我冇諗過你會係因為鍾意我而識我......」

[ Last edited by nwfb1110 on 2005-12-11 at 23:04 ]

實情係搵女朋友的確不是一件容易的事，如果下下都一拍即合，
反而更冇意思。

樓主可不灰心，但切忌「寧濫莫缺」的心態。我見你好似去到任
何一個環境都唔會放過任何機會咁，失敗多就好自然，坦白講，
大家認識不深(例如對攝影的女模特兒)你就去示愛，人地都唔會
當你係認真！

還有一點，就是從結婚戒指看到，為何在未了解對方
的事便已向人示愛，似乎每次您一認識到女孩子，便
不多觀察就去示愛，贍大是好，但細心也十分重要。

P.S.很多已婚人仕也不一定戴結婚戒指

[ref=430991]nwfb1110[/ref]  在 27-11-2005 23:23 發表:

3.我在攝影班既戶外活動中識到一個同我咁大既女仔，
當時她肯為我做她的模特兒，
第二次戶外活動時問她取了電話，
以便日後約她出來取回相片。
但係我多次打電話給她都係飛去留言，
不過有次試過用公司電話打給她，
她當時俾左個電郵我send相片俾她，
當我在電郵中對她示愛時，
她在回覆電郵中表示已婚。
我覺得她已婚這件事很突然，
因為我兩次活動見她兩隻手都沒有戴上戒指的。

攝影班既戶外活動....做得模特兒的, 相信都有咁上下美色啦,
咁當然多狂風浪蝶, 裙下之臣啦...
佢明顯對你冇興趣, 於是對你說自己已婚 (可能佢已經用過幾十次這籍口)
=> 叫你死心, 唔好再煩佢... (個人意見 )
咁您都信佢真係已婚?? #  我覺得您思想太單純了....

[ Last edited by DD2113 on 2005-12-9 at 11:39 ]

我自己覺得難架．．．
識女仔，如果係街見到一個心宜的女仔，唔通真係走過去話識佢咩．．．咁樣時機要好才能做得到。即係話等運到
而識左佢後同佢保持朋友關係就唔太難，只要你有心，就一定得。相信該女仔唔會介意多一個朋友的。（如果佢唔比電話你或其他聯絡方法就另一回事-_-"）
咁朋友關係後再進一步就又要等時機，因為唔係話你有心，想就得，而係雙方的，不過就要看下閣下的功能夠唔夠去將大家的友情升級去愛情啦。

現在我就要預備考A-Level, 但係自己心中有一個心宜的女仔，想追架自己，想同佢拍拖，但係學業呢個問題令小弟好煩惱．．．的確係困難，呢個係時機啦又，而果個女仔又預備會考，的確係煩惱。

祝樓主追女仔成功

睇過各位既回應同意見，
我都認為我自己係過於心急想有女朋友，
皆因我表哥同堂弟都已經有女朋友。
故此如果有機會識到個女仔做朋友，
我會耐心地觀察對方才是否向內發展。

最近我識到一個女仔，
她之前係會展某個活動中做模特兒，
但她本身係一位學生。

我見聖誕節快將來臨，
想送聖誕禮物俾她，
請問你們認為有甚麼方法可以送交禮物俾她？
(我有她既電郵，間中同她MSN交談的)

[ref=440877]nwfb1110[/ref]  在 2005-12-10 23:19 發表:

睇過各位既回應同意見，
我都認為我自己係過於心急想有女朋友，
皆因我表哥同堂弟都已經有女朋友。
故此如果有機會識到個女仔做朋友，
我會耐心地觀察對方才是否向內發展。

最近我識到一個女仔，
她之前係 ...

你有無可能拿到佢電話呢？
如果有電話的話, 就可以同佢玩SMS, 始終靠住MSN 就唔係好得, 因為如果佢一唔Online, 你就無其他方法同佢溝通啦已經。咁唔係叫你咁唐突去無拿拿問佢拿電話，而找個好的時機～

如果係MSN 咪問下佢，就聖誕節啦，你有無預備禮物比我呢～咁說下呢個話題，之後，佢話無的話，咁你咪話，我有喎，不如找一日出來交換禮物咁lo@@" 不過好多野都看時機．．．加把勁啦 ～支持呀！

[ref=441289]tungtung1212[/ref]  在 2005-12-11 12:20 PM 發表:
你有無可能拿到佢電話呢？
如果有電話的話, 就可以同佢玩SMS, 始終靠住MSN 就唔係好得, 因為如果佢一唔Online, 你就無其他方法同佢溝通啦已經。咁唔係叫你咁唐突去無拿拿問佢拿電話，而找個好的時機～

如果我係電郵中俾我自己個電話佢，
實際上她肯唔肯俾她自己個電話我？

其實MSN同她傾仲有一個問題，
就係她經常顯示為離開。

[ref=441566]nwfb1110[/ref]  在 2005-12-11 19:26 發表:



如果我係電郵中俾我自己個電話佢，
實際上她肯唔肯俾她自己個電話我？

其實MSN同她傾仲有一個問題，
就係她經常顯示為離開。

你地有無相同的興趣架..? 另外你會唔會識到佢附近的Friends, 咁可以更加了解佢呀...？ 雖然個節奏會慢左d,但係都叫做有路可行呀~ 如果係E-Mail 無拿拿比個電話人, 好似好奇怪wo@@"~

以上純粹個人意見/\/\!