大埔墟鐵路站男子墮軌

原帖由 ES464470X 於 2010-3-11 00:01 發表


好可能係有一抽MLR去到沙田站故障,
所有乘客要落車過隔離4號月台轉搭下一班車,
不過3號月台泊左抽車都搞到南行列車班次拉疏咁多,
前車關門開出後要等3分鐘先有下班車埋站
計埋上落客, 咪同前車相距4-5分鐘? ...

我就係諗，好彩佢係在沙田站故障，有多個月台可以用，
早上繁忙時間冇搞出大頭佛港鐵應該裝香還神。

當時我所見，南行列車本來就收唔切馬鐵轉車客，畀個故障拖一拖，
每趟南行列車到大圍已經係頂級沙甸魚，大圍站的排隊人龍比平時長約40%。
幸好該段時間有火炭特車，我睇住架車由疏疏落落變成12卡沙甸魚，
但4卡裝沙甸魚源源不絕運到，特車都裝唔晒。

如果在大圍站故障，人潮不知會塞到哪裡。
朝早獅隧又塞車，接駁巴士無論有幾多來得幾快，都係極度耽誤乘客時間，
到時「畢架山樽頸」大井噴，第二日報紙會叫沙中線盡快上馬。

另外，呢兩日都覺得朝早八點幾到九龍塘、T824前的一班羅湖車，
在駛離九龍塘站時，車速比以前慢，到了隧道中段才逐漸加速，不知是巧合、有工程、還是甚麼原因？
我係日日都搭呢一班車的。

原來以上所講都係離題，不過車死人真係唔想再講......