沙中線 - 地區人士反應

由於上一篇關於沙中線的文章較為零碎，故開新文，特意討論地區人士對沙中線的意見。
歡迎其他板友發表個人意見之餘，亦可分享一些如區議員或業主立案法團等的消息。

如前所述，譚香文女士在鑽石山地鐵站外派發單張及招攬義工，現掃瞄單張有關沙中線的一面如下：


個人意見：內文冇提到反對沙中線，但個攤位就用幾張A4紙印住「反對興建沙中線」......
我都唔想在鑽石山建車輛停放處，但這不代表我不想沙中線早日落成。

對住港鐵，一封封電郵，都只係有佢講無聽到我講，
我都唔想再同港鐵公關鬥口才，將來我有甚麼意見，都是立法會見了。

如果要針對車廠位置﹐我又想問下不在鑽石山﹐還可在何處?

唔好答我用現時用緊的車廠﹐除非有人可以力証它們都足以應付新線開通﹐以及日後預計的班次增長。

通風井﹐我又唔知對人有什麼影響。如果有影響﹐彌敦道長沙灣道沿線咪廿年前已經成為重災區?


在反對之前﹐這位議員唔知有沒有反建議?

原帖由 kei_hk 於 2010-5-20 22:00 發表
如果要針對車廠位置﹐我又想問下不在鑽石山﹐還可在何處?

唔好答我用現時用緊的車廠﹐除非有人可以力証它們都足以應付新線開通﹐以及日後預計的班次增長。

通風井﹐我又唔知對人有什麼影響。如果有影響﹐彌敦道長沙灣道沿線咪 ...

我都唔知通風井幾時變成了一個concern......

車廠之前話在啟德既，但既然港鐵寧棄荒蕪的啟德而要挑戰難度用鑽石山，總有佢的理由。
我就只想港鐵唔該搞得好好睇睇，有乜計劃唔好收收埋埋，我屋企唔係菜園村，
我唔想又有一班唔知頭唔知路的熱血青年話要保衛大磡村。

後加：
1. 我都唔想大磡村古蹟有事，我想大磡村至少撥一部分變成公園
2. 我不相信港鐵有不惜工本保護古蹟的心
3. 在此寄語港鐵，想沙中線能盡快動工的話，請釋出誠意，解決大磡村這個難題

[ 本帖最後由 DIH 於 2010-5-20 23:13 編輯 ]

保衛大磡村入面既古蹟一定有
除非港鐵可以做到佢地冇事...

點解地區人士反而唔關注一下最遺臭萬年既鑽石山站換乘問題?

原帖由 jimmy_lam 於 2010-5-21 11:06 發表
點解地區人士反而唔關注一下最遺臭萬年既鑽石山站換乘問題?

假如成條沙中線對佢地而言係可有可無的政治棋子，轉乘安排又算得甚麼？

原帖由 DIH 於 2010-5-20 21:25 發表
由於上一篇關於沙中線的文章較為零碎，故開新文，特意討論地區人士對沙中線的意見。
歡迎其他板友發表個人意見之餘，亦可分享一些如區議員或業主立案法團等的消息。

如前所述，譚香文女士在鑽石山地鐵站外派發單張及招攬義 ...

咩野隔音屏障功能!?
根本睇唔明佢寫咩

原帖由 ksmbh 於 2010-5-21 14:39 發表

咩野隔音屏障功能!?
根本睇唔明佢寫咩

原本隔音屏障係將龍翔道嘈音reflect返向大磡村果個方向
但如果之後大磡村再有高樓既話，咁D嘈音就會o係新樓再reflect返去星河明居
結果星河明居一帶受既嘈音影響會大左

我想問沙中線會點樣影響空氣質素？