796X延長尖沙咀...?

原帖由 fai 於 2010-5-31 13:25 發表
柯士甸道表面上大部份時間係塞滿車，但只要放綠燈時d車
係會流動既，即係話唔會行得快，但未至於塞死行唔到。

不過如果沿途巴士停站的確會進一步對該處交通流量做成負
面影響。

...

若果真係入柯士甸道的話
可以設站如下:

1.近龍堡賓館
2.近覺士道口(往尖東方向燈位後)

因為呢兩個位都係雙線行車
影響可以減到最低
(不過彌敦道客就要行多兩步路喇)

個人認為
796X 延長非壞事
不過去尖沙咀方向可唔可以改一改路避過海隧車龍係漆咸道北的塞車位?
我意思係
去到近浙江街好似 E23 咁轉番落去馬頭圍道直落家維邨

原帖由 GD1570 於 2010-5-31 06:56 發表


1. 既然796X在將軍澳的服務範圍係大過296D的話，咁點解唔可以俾796X入尖咀
只係俾296D入呢？
2. 照現時行走路線所示，兩條路線於尖咀可說是沒有相遇的地點，咁又關296D咩事呢？
3. 將軍澳南向來是新巴的專利地區，你覺得296D入 ...

1.
因為 296D 本身已經去尖沙咀，而且亦未至於滿瀉（非繁時客量係差），就算去埋將南，
新增行車路段都唔會比 796x 延長去尖沙咀長。
再者，796x 本身都密過 296D，但延長只需加兩部車，即係話 296D 繞經將南，隨時加o既車更少。
但最重要係：只要班次唔增加，296D 繞經將軍澳南並唔會增加尖沙咀車流量，
但 796x 入尖咀，繁忙時間每小時要加多廿架次o既巴士入去，高下立見。

2.
兩線o係尖沙咀無相遇車站，但明顯 296D 車站位置更好，
296D 行彌敦道，回程更停廣東道，如果唔係無得選擇，796x 相信都唔會只行漆咸道南。
而本身漆咸道南同彌敦道就好近，就算車站位置唔同，服務範圍都差無幾，明顯 296D 尖沙咀服務範圍更大。
最重要係：296D 由將軍澳到尖沙咀行車路線同時間都比 796x 去尖沙咀正常同短，
事實係 296D 繞經將南對將南吸引力大好多。

3.
當初開 N796 係因為將軍澳南要求要有特快通宵路線，
但 N293 即使入將南都做唔到，所以先會有 N796 出現。
不過，今時今日，N293 都已經改經將南。
而且，新巴只有路線專利，無地區專利，運輸署已重申好多次，
係九巴唔想將 296D 繞經將軍澳南，同尚德議員驚無o左條總站線，所以將軍澳南議員先諗出 796x 用怪獸路線落尖沙咀，
但唔等於咁樣係最好o既同最切合居民需要o既建議，
你試下問下調景嶺居民，佢地想 796x 落尖咀定 296D 入將南？佢地應該會話寧願搭港鐵。

4.
新巴新聞稿明顯先係最後定案，
如果話唔依路線計劃係唔公平，請大家同時要求 796c 延長至荔枝角並加價至 $10。
年中 n 咁多項路線計劃泡湯，邊可能出台就要一定實行？
唔知幾時先有人覺得唔公平，
幫我手屈城巴俾返條 20 分鐘一班兼行寶琳路o既 E22A 我？
同一時間，又請大家幫幫手，要求九巴履行路線計劃，取消 296c。


講真，有板友話 796x 可以搶到九巴部份土瓜灣至尖沙咀客，
我就絕對唔睇好。
本身九巴自己o既新界線出到市區有分段都唔太多人會上車，
o黎架新巴真係唔係人人敢上車，就算平都無用。
你睇下 796c，大力宣傳，當初大家都覺得佢會搶到好多九巴流水客，
最後都係將軍澳客搭多，市區客有幾多？

我綜合我的意見啦：

1. 既然兩條線沒有相同的車站，為何要反對796X入尖沙咀呢？一條服務尖沙咀南，一條服務尖沙咀東，可以說「牛頭唔搭馬咀」的時候，我又真係睇唔到有甚麼可以比較。閣下說行彌敦道位置上比較好，這一點我認同，但同一時間你又不能排除尖東那邊的寫字樓亦有一個客源，咁又有咩問題呢？都只係大家各有各做。

2. 九巴唔肯將296D繞經將南，這是一個事實，但就唔可以因為咁樣而否定796X入尖沙咀係錯。將南人鐘意搭港鐵，我不否定，但亦不能抹殺亦有巴士的客路。需知道搭港鐵將南去尖咀，最少要轉兩次車，但巴士一程車過，舒舒服服，點解又唔可以呢？正如另一邊箱的大西北--屯門，當初有調查亦會話因為西鐵巴士客量會大減,,到直情出來又不係唔係呢？點解區區都想有線入尖沙咀？無非咪又係想一程車過囉....東九的5號仔又係一個例子。

3. 我絕對明白新聞稿係最後方案，我亦都唔係要求所有落路線發展計劃的項目都要一一實行，所以唔駛再要求796C份荔枝角收埋你$10喇！而且亦同796X入唔入尖沙咀無咩太大關係，因為當初係開多一條705M添，咁最後咪又係行唔到...796X係多年來新巴爭取的成果，我亦都非常開心新巴終於得到(先聲明我不是既得利益者)；亦都證明一樣野：尖沙咀依然是可以有全日線入到去的。

1.
或者我唔會將尖沙咀東同彌敦道一帶分割出去，
好簡單一個道理，我相信目前絕大部份搭港鐵去尖東o既人，除非出發地本身已經係東西鐵同東涌線沿線，
否則去即使係去尖東，亦唔會係都要搭去尖東站先落車，
而會選擇o係尖沙咀站行過去。
事實上即使巴士線只經彌敦道，服務範圍其實已經包括晒尖沙咀東西南北，
所以 296D 同 796x 根本唔係各有各做，而係兩條線同港鐵一齊鬼打鬼。
如果個個區有去尖沙咀o既線都唔夠，仲要條條街都各自有一條線，尖沙咀要塞幾多條線落去？

2.
796x 同 296D 最大分別係，296D 行車時間較短，正常交通情況下出尖沙咀都可以同港鐵打和，
但 796x 走線，繁忙時間隨時一個鐘都唔到總站，比港鐵只需 30 幾分鐘慢成倍。
之前有線有記者做過親身測試，西鐵線同 260x 由屯門市中心出尖沙咀，即使 260x 要等車仲要塞車，
都能夠同西鐵線一齊到達，796x 何德何能？
再者，調景嶺去尖沙咀，只需轉一次車，對於將軍澳站一帶居民，根本行出去搭 296D 更醒目。

3.
新巴老早就放棄將 796x 延長去尖沙咀，
只係區議員窮追猛打，我相信如果唔係今年新巴同時建議 692、694 縮服務時間、796B、797M 取消，
先唔會輕易提出 796x 延長去尖沙咀塞住議員把口。
所以即使有 796x，尖沙咀，依然係唔可以開全日線入去的。

1. 以閣下的理論，咁即係唔駛有車入尖東啦...
閣下所示不是各有各做，我又不能同意了，乜你覺得296D可以SERVER到尖東麼地道那班客？
你以港鐵站做例子根本就無得揀，正如你唔會話D人用香港站出站唔當佢去中環，但每日又真係有好多人會經港鐵站行返去尖東站先上地面，只是他們不是用尖東站出站咋WOR...再者港鐵與巴士最大的分別係港鐵的車站以區域計，但巴士係以點計...你話無得揀，我要由尚德去尖東要搭巴士就真係只有296D去到彌敦道行入去；有得揀的話你覺得D人唔想296D去埋尖東咩？係人都想有點到點服務(雖然我覺得香港人係要開始改)。唔通我話270A去到佐敦道D人可以行落去尖沙咀就當係咩？

2. 這就係當初我想講，796X去尖沙咀，想有競爭力，最起碼要唔停太子道東，即第一個站起碼要入到土瓜灣先停站，太子道東唔該留返俾296C/796C。而且我都係一個證明，有點到點服務，一定有支持者，正如268B/269B同西鐵可見一斑。

3. 我見不到新巴老早放棄了尖沙咀，或者閣下有沒有甚麼例子可以證明？尖沙咀可唔可以開全日線，其實就非不能也，實不為也；正如港島中環，點解5X可以狂加班？咪又係部份路線重組班之出來的結果囉....你試下208縮出去旺角/油麻地，我唔相信九巴唔會善用返埋QUOTA俾其他路線，加班同開新線都可以的。

原帖由 HR2174 於 2010-5-31 15:25 發表
個人認為
796X 延長非壞事
不過去尖沙咀方向可唔可以改一改路避過海隧車龍係漆咸道北的塞車位?
我意思係
去到近浙江街好似 E23 咁轉番落去馬頭圍道直落家維邨 ...

呢個位有時塞到爆.. 一時時....  但係你咁樣轉落去 燈位又多... 而且紅磡廣場-街市個位有時又塞D燈位.計番上黎差不多

我都唔知算唔算受益者... 只係屋企樓下多個選擇去尖沙咀..
其實佢可以學796C咁 ... 整番個雙向分段  尖沙咀 > 新蒲崗 $4.6 .. 都應該唔錯

我想問下如果796X入到尖沙咀
咁屯門碼頭、北區、半個青衣開到聲話要開車入尖沙咀
運輸署有咩理由可以say no
老實，如果到時佢仲ban，真係可以申訴專員公署見

如果要求九巴履行路線計劃 , 不如要求新巴履行路線計劃 ,
取消 796B , 796C, 797M
開辦 S796

[ 本帖最後由 天空之神 於 2010-6-1 00:52 編輯 ]