嚴重不滿九巴N680私下大幅減班而又不作通知！

好多九巴線根本都係等到發火, 試過等6號等了50分鐘, 270A都可以40分鐘才一班, 15A.......哈哈哈.......打去27454466, 竟然可以厚顏到同我講話因為有車長請假而收車.
(費事講太多, 陣間九巴又巧立名目走去河蟹個熱線員)

根本九巴應該替換那個不合時宜的管理層, 或者運輸署應該好似澳巴/中巴咁引入競爭, 等你到時仲敢唔敢收咁多車, 用咁多高壓手段壓榨員工.

我有個朋友直程話有時等九巴仲慘過輪候公屋, 上到車就話自己輪到公屋, 好彩退休前有車坐云云......

可能我當時作果句都仍然啱用: 時間要在你掌握, 出街避免搭九巴

[ 本帖最後由 gordon 於 2010-11-14 02:49 編輯 ]

其實如果想去投訴, 不如去搵區議員/社區幹事啦
就黎到區議會選舉, 佢地呢排一定好好落力咁做野

原帖由 grantbus 於 2010-11-12 18:47 發表
N293同N691都唔好個得去邊，因為自從N691轉左第一次師傅表之後搞到296C班司機夜收工外，
有人繼續玩到行車過時，搞到依家要搵埋N293攝一轉N691，而又要搵一架車N691攝一轉N293，
實行玩交叉感染，弊在做完N691果架N293變左要搞牌 ...

記得原本N691往港島頭班車大概0033會到北角，但近月這班車已經消失了……

原帖由 volvo_chan 於 2010-11-13 22:49 發表

我講清楚D，我不滿九巴N680之立場是，在沒有收車的情況下(九巴每日固定派三架跑N680)，沿途路面正常暢通，
不過依然慣性開唔足指定班次，由三班減到得兩班甚至一班，又不開門見山講聲減班(20分鐘一班變30-40分鐘一班，試問有無人 ...

N680少左班車是自692翻車而起的, 令N680的司機都唔跑, N680本身已唔夠時間行, 加上司機唔跑,自然過鐘情況更嚴重,釀成要私走兩班車才追回行車時間,
不過新巴是因有柯打車攝來保持班次.
聞九巴曾入紙運輸署增加行車時間來保持班次穩定, 不過是新巴反對而告吹, 因為新巴的行車時間是食哂最多人的時間,自然新巴唔想改.九巴無法就繼續不變.

搭開車就會知時間, 不過好似樓主咁好少坐的就瀨野.

睇完不少回覆，發現部份板友真係「保九」上腦，講到九巴有開車已經係皇恩浩蕩！我覺得樓主的
投訴相當合理，而家唔係因交通擠塞而脫班，而係私下收車脫班！兩者不可混為一談，成日講到九巴
其實唔想咁樣，如果你話下繁680脫班，我諗大家都會體諒，又或考慮轉坐其他交通工具，但係半夜三更，
乘客相信巴士公司的時間表，被騙了已夠慘，還要加多兩句我係咁樣嫁啦，你唔搭咪過主！真係佛都有火！

既然九巴咁多苦衷，不如改左自己個時間表，寫番真實的N680開車時間已可以，你寫40分鐘一班我都無問題，
只要你係真料就得，唔好寫住20分鐘一班，其實開緊30、甚至40分鐘一班！離譜！

一個普通乘客，唔知你地九巴有乜難言之隱，亦無興趣知道，所以唔好同班客講要點忍耐！要班客幫你諗埋點解決
收車問題，要班客做埋九巴職員的工作？大家真係要分清楚誰是誰非！

原帖由 大傻哥 於 2010-11-14 09:57 發表

bomb兄..你明我講咩咖...

通常我就係最無耐性果堆..所以我好小坐巴士咖..小巴係我心目中先係皇道..尤其紅van

除左無得揀o既地區或者唔趕時間先坐巴士..或者追時間就會坐鐵路... ...

我梗明你講乜啦
不過我覺得有時九記呢間公司真係唔鬧唔得
私私然收車又唔同你講, 堂堂一間上市公司旗下公司, 你估而家做紅小咩
紅小而家d 服務好以前咁多, 又留位, 免費轉乘, 又密車(某d線)
我搬左過九龍就體驗到呢種苦況, 試過等38, 點解廿幾分鐘都冇車, 係夜晚十點幾咋
總之邊樣交通工作方便就搭邊種, 九記有時真係免得就免

ot一回: 公海車又家少左, 俾我係司機都入線跑, 客源都比較穩定
係站頭等好過係街等 (某d公海車的態度真係不敢恭維)

原帖由 KS7360 於 2010-11-14 16:55 發表

N680少左班車是自692翻車而起的, 令N680的司機都唔跑, N680本身已唔夠時間行, 加上司機唔跑,自然過鐘情況更嚴重,釀成要私走兩班車才追回行車時間,
不過新巴是因有柯打車攝來保持班次.
聞九巴曾入紙運輸署增加行車 ...

無知一問:個司機話唔揸就可以唔揸??