以前大嶼山的士是否不能上寶蓮寺 ?

請問 , 在八十年代至九十年代初時 , 當年是否不准大嶼山的士駛入寶蓮寺
上落客...會否當年要保障大嶼山巴士的收入 , 而不准大嶼山的士駛入寶
蓮寺範圍 ? 因當年有去開寶蓮寺遊玩的遊客話藍的唔比上寶蓮寺的..


thx!~

印象中係星期日先唔比上, 同埋係除巴士及許可車輛外, 其他車唔比上

我細個時, 成家人曾經響假日響梅窩租渡假屋, 同時租埋架貨VAN周圍去, 去到深屈道口, 係有警察響路口話唔比上, 最後我地係行上去寶蓮寺, 因為所有既2號巴士都係滿既, 一定載唔晒我地一家人

當年條路係又窄又斜, 好多都係單線雙程, 兩邊都係崖壁, 仲係有避車處. 情況係比當年未擴闊既舊東涌道(即係機場剛開既時候)差不多, 而當時既嶼巴又唔係而家咁靚車, 坐響架車度都驚佢唔夠力上果D, 加上當時係天壇大佛剛做好(未正式開放, 印象中起好一段時間先開光既), 好多人都慕名去"望"下, 好多遊客去, 等巴士都要等十幾架先有得上

相信保障嶼巴收入唔係主要原因, 而係如果係車都上得既話, 巴士就更難避車, 所以要保障巴士安全, 響假日先唔比非巴士上寶蓮寺

我記得當年看到起大佛時的影片﹐介紹點運組件上山﹐當時條路只夠一部車通過。

而我細細個的年代﹐所有人都要在梅窩坐巴士出發﹐去到中途到落車再排隊﹐轉另一部車身較細﹐載客較少的巴士繼續行程。

如果我當年的記憶無錯﹐轉車站今天仍在﹐便是差不多轉上深屈道﹐附圖是大約位置﹐有機會有錯的。總之由東涌/梅窩出發﹐接近上寶連寺的路口﹐左手邊有一個巴士總站的物體﹐便是此處。

可想而知﹐當年的路是多麼難行﹐在安全問題要限制車輛進入﹐是合情合理的。

原帖由 kei_hk 於 2010-12-30 12:22 發表
我記得當年看到起大佛時的影片﹐介紹點運組件上山﹐當時條路只夠一部車通過。

而我細細個的年代﹐所有人都要在梅窩坐巴士出發﹐去到中途到落車再排隊﹐轉另一部車身較細﹐載客較少的巴士繼續行程。

如果我當年的記憶無錯﹐轉車站 ...

但係大嶼山的士得 50 架
如果連寶蓮寺都唔可以上，
加上當年東涌未發展
咁佢地咪好難生存？

原帖由 SSBT 於 2010-12-30 02:04 PM 發表
但係大嶼山的士得 50 架
如果連寶蓮寺都唔可以上，
加上當年東涌未發展
咁佢地咪好難生存？

我看當年的士都唔係太難生存的。

當年香港人都唔會經常去外地玩﹐主要都去大嶼山玩﹐每當假日﹐梅窩的客係比今天長洲更多的。

但時代問題﹐大嶼山當年都係無通宵活動的﹐9點幾後便沒有活動了。

原帖由 SSBT 於 2010-12-30 14:04 發表
但係大嶼山的士得 50 架
如果連寶蓮寺都唔可以上，
加上當年東涌未發展
咁佢地咪好難生存？

當年邊有咁多的士
印象中九十年代得三十幾架

嶼巴的勝利二型不上羌山道，轉車站理應在石壁附近。

[ 本帖最後由 ArnoldC 於 2011-1-8 17:30 編輯 ]

謝指正,del

[ 本帖最後由 WING93 於 2011-1-6 20:22 編輯 ]

原帖由 ArnoldC 於 2011-1-6 17:25 發表
城巴的勝利二型不上羌山道，轉車站理應在石壁附近。

如果2號短程用雙層車時，轉車站是在石壁。

但，更早期時連深屈道都只限短單層車行走時，轉車站應該在山上深屈道口，2號短程用單層上埋羗山道先至轉細車。